خلي بالك علشان سوق العصر مليان إخوان اوعي تشتري منهم ممكن يحطولك في الويندوز فيروس بيتفجر وانتي مش واخدة بالك
عرض للطباعة
ربنا ييسر للجميع .
متابع .
اولا انا عايزه اشكرك جدا جدا جدا انك ساعدتنى وخليتنى اعرف حاجات كتير كنت مستحيل هعرفها لوحدى وكنت هكون مش عارفه اتصرف لما الاقى كل محل بيجمعلى مكونات كيسه على مزاجه وخصوصا انى ماكنتش فاهمه اى حاجه فربنا يكرمك يارب على مساعدتك دى
انا روحت المول النهارده وشوفت الاسعار والانواع
اتقالى ان ال SDD ملوش لزمه بالنسبه ليا لان استخدامى هو التصفح و العاب الفيسبوك والفيديوهات ال HD
وال SDD ده هيتلاحظ الفرق بوجوده عالجهاز فى حاله انى بستخدم شغل فى الفوتوشوب والجرافيك وكده ولكن غير كده مش هحتاجه ولا هيأثر فى شغل الجهاز معايا لانى مش بستخدم برامج كبيره و لا قويه
وكمان فيه ناس قالتلى حطى كارت الشاشه اللى عندك عشان كارت الشاشه المدمج فى الماذر بورد ده بيعمل حمل على البروسيسور باين او الماذر بورد مش فاكره اوى واتقالى لو طلع بتاعك مش تمام احط الكارت ده Sapphir R7 240 و تمنه 625 جنيه
وناس قالتلى الهارد ال seagate مش كويس والاحسن الويسترن ديجيتال وناس قالتلى الماذر بورد ال ASUS مش كويسه والاحسن منها الجيجابايت وناس قالتلى رامات ال G SKILL الاحسن منها الكينج ستون وقالولى كمان ان الASUS و ال G SKILLضمانهم مش كويس فى مصر
و فيه محل استقريت عليه بس ماعندهمش غير ويندوز 7 وقالولى ان 8 اصلا صعب وسخيف ففكرت انزل 7 وخلاص واشوف اداء الجهاز وبعدين ممكن بعدين ابقى انزل 8 مع انى كان نفسى انزل 8 بس مش ممكن هركب القطع فمكان واحط الويندوز فى مكان عشان لازم اجرب الجهاز فى مكان واحد
فأيه رأى حضرتك فى كل الكلام ده ؟
ربنا يخليكي يا رب يا أفندم و إن شاء الله تشتري جهازك علي خير ..
تعالي بقي نفصص الفتّي اللي أتقال ده كله نقطة نقطة :d >>>
الـ ssd مش شرط يكون للبرامج القوية ,, هو أضافة رائعة للجهاز عشان سرعة الوندوز و سرعة تشغيل البرامج أيا كانت ,,اقتباس:
اتقالى ان ال sdd ملوش لزمه بالنسبه ليا لان استخدامى هو التصفح و العاب الفيسبوك والفيديوهات ال hd
وال sdd ده هيتلاحظ الفرق بوجوده عالجهاز فى حاله انى بستخدم شغل فى الفوتوشوب والجرافيك وكده ولكن غير كده مش هحتاجه ولا هيأثر فى شغل الجهاز معايا لانى مش بستخدم برامج كبيره و لا قويه
و هيبقي مفيد جدا جدا جدا في أي برنامج أو تطبيق هشتغليه ,, فعلآ هتحسي بسرعة غير معهودة قبل كده معاه ..
و الكلام ده عن تجارب شخصية ,, فعلآ الفرق شاسع في الأداء بين الـ ssd و الهاردديسك العادي مع الوندوز و البرامج ..
الكلام ده قديـــــــــــم جدا ,, و مالوش أساس من الصحة ,,اقتباس:
وكمان فيه ناس قالتلى حطى كارت الشاشه اللى عندك عشان كارت الشاشه المدمج فى الماذر بورد ده بيعمل حمل على البروسيسور باين او الماذر بورد مش فاكره اوى واتقالى لو طلع بتاعك مش تمام احط الكارت ده sapphir r7 240 و تمنه 625 جنيه
المعالج الرسومي المدمج (أو كارت الشاشة المدمج) , ده موجود داخل البروسيسور و شغال ,, ولا بيتقل البرويسيسور ولا بيأثر في أداءه ..
و ما علي اللوحة الأم إلا أنها تنقل الصورة فقط إلي الشاشة ,, يعني مش عليها حمل ولا أي شئ ..
مالوش أي لزمة شراء كارت شاشة خارجي أبدأ أبدأ ..
اقتباس:
وناس قالتلى الهارد ال seagate مش كويس والاحسن الويسترن ديجيتال
اقتباس:
وناس قالتلى الماذر بورد ال asus مش كويسه والاحسن منها الجيجابايت
اقتباس:
قالتلى رامات ال g skill الاحسن منها الكينج ستون
كمية معلومات كارثية في البوست ده ,,اقتباس:
وقالولى كمان ان الasus و ال g skillضمانهم مش كويس فى مصر
السوق المصري بتعتنا ضايع فعلآ و حافظين مش فاهمين ..
أنا أستخدمت كل البراندات السالف ذكرها دي ,, و أستخدام شاق و عنيف و أخر بهدلة ,,
و جهازي الحالي فيها أنواع كثيرة من البراندات اللي حضرتك كتبتيها و شغالة معايا زي الفل الحمدلله ,,
و الضمان بيبقي مع التوكيل , مش المحل ,,
و في مصر ,, عدد توكيلات الهاردووير لا تتعدي علي أصابع اليدين ,, و تعاملت معاهم قبل كده في حوارات الضمان دي , و كانت الدنيا كويسة و التعامل محترم ..
بصي يا أفندم : أقدر أقول لك بكل ثقة : كده أنتي عرفتي عينة من التجار اللي شغالين في المجال ده ,,
و أنهم حافظين شوية معلومات قديمة من أيام العصر الحجري و شغالين بيها ,, و بيدبسوا العميل في البضاعة اللي عندهم و خلاص , عشان ما يروحش يجيب من مكان أخر ..
أهم شئ خلي كل المعلومات دي معاكي عشان لما تشتري جهازك بإذن الله ,,
معاكي التجميعة + المحلات اللي أثق في علمهم و منتجاتهم ..
و أنا متابع معاكي لحد ما نطمئن علي أكتمال عملية شراء الجهاز بنجاح .. :)
اولا المحل اللى استقريت عليه هو ماكسيمم هاردوير اللى قولتلى عليه ومش عايزه اقولك ناس كتير من اللى اديتهم الورقه اللى كتبت فيها امكانيات الجهاز اللى قولتلى عليها شكرتلى ازاى فى الامكانيات كلها لدرجه ان ناس منهم قالولى احنا اهو شغالين فى المجال ده و لو بجيب جهاز لنفسى مش محتاج اكتر من الامكانيات اللى مكتوبه دى ده غير المحلات اللى شكرتلى فى المحل ده وده غير كمان ان الناس هناك مريحين فى التعامل ده غير انى اول مره فى حياتى اعرف المول ده مع انه يعتبر قريب منى وماكنتش اعرف غير تكنولوجى مول ووالله العظيم دعيتلك وانا بصلى عشان انا عمرى ماتخيلت انى انزل المشوار ده وانا مبسوطه لانى لما انزل وانا مش فاهمه حاجه كنت هتهرب طول الوقت من المشوار ده عشان عارفه انى هتخم فى الاسعار والامكانيات لما هقول بس وبزعل اوى لما بيحصل معايا كده
انا والله ماعارفه اشكرك ازاى ربنا يفرحك و يخلى كل ايامك حلوه وجميله زى ما خليت يوم كان هيبقى تقيل على قلبى زى ده جميل كده :)))
الله يخليكي و يكرمك يا أفندم يا رب .. :)
ماكسيموم هاردووير بتعامل معاهم من سنيـــــــــن ,, ناس محترمة جدا و فاهمين مجالهم كويس ..
أنا زمــــــــــــــــــان برضه مكنتش أعرف غير تكنولوجي مول بس ,, بحكم أنه بجانب مسكني ,,
بس الحمدلله عرفت سوق العصر و الناس الكويسة اللي قولتهم لحضرتك .. :)
فربنا يوفقك يا أفندم يا رب في حوار الجهاز ده ,, و أنا معاكي علي الخط في أي أستفسار أو سؤال ..
فكرة كويسة ,, مفيش مشكلة ..اقتباس:
معلش طيب ايه رايك فى حكايه انهم ماعندهمش غير ويندوز 7 فأنزله من عندهم عشان اختبار ان الجهاز شغال تمام وبعدين اى وقت ابقى انزل 8 ؟
أو لو تقدري تحطي نسخة الوندوز علي الفلاشة (زي الفيديو اللي بالموضوع هنا) ,, و تخليهم يسطبوها علي جهازك بعد التركيب , يبقي أفضل ..
الفيديو اللي فيه كيفية وضع الوندوز علي فلاشة اللي بعته لحضرتك في الموضوع هنا ,, فيها كيفية تسطيب وندوز 8 .. :)اقتباس:
لانى للاسف مش بعرف انزل الويندوز