وفقك الله يا أفندم ..
:)
عرض للطباعة
وفقك الله يا أفندم ..
:)
طيب معلش سؤال ال SDD ان شاء الله هركبه هو والهاردديسك وحضرتك قولتلى ال SDD هنزل عليه ويندوز والبرامج والهاردديسك لتحمل الاغانى والافلام وكده طيب السؤال بقى الكمبيوتر هيعرف منين انى عايزه احمل على ده ولا ده؟ :U_thin1[1]:
وهل ال SDD له سعه تخزينيه ؟يعنى الهاردديسك اللى قولتلى عليه 1TB لكن ده سعته كام بقى؟
وازاى أخليه يقسملى الجهاز وكل بارتيشن ياخد مساحته المظبوطه؟ وهل التقسيمه دى هتبقى على الهارد ولا ال SDD ؟
وهل كارت الصوت مدمج برضه فى ال Motherboard ؟
و لو جيبت باور سابلاى لوحده واستخدمته عالكيسه بتاعتى هل اقوله ان اسمه cooler master power supply 400 w
ولا له اسم تانى؟ولو لوحده هل تعرف سعره هيكون فى حدود كام؟
يارب ما تدعيش عليا :praying:
الـ SSD هنسطب عليه الوندوز و البرامج ..اقتباس:
طيب معلش سؤال ال SDD ان شاء الله هركبه هو والهاردديسك وحضرتك قولتلى ال SDD هنزل عليه ويندوز والبرامج والهاردديسك لتحمل الاغانى والافلام وكده طيب السؤال بقى الكمبيوتر هيعرف منين انى عايزه احمل على ده ولا ده؟
الـهاردديسك هيكون خاص لتخزين الملفات و الفيديوهات و الملفات الصوتية و ما إلي ذلك ..
لو حضرتك بتعمل Download لآي حاجة ,, يفضل أنك تعمل مجلد خاص بالتحميل ,, و تسميه مثلآ " Download Folder" و تخزينيه علي الهاردديسك ,,
مش هنحمل علي الـ SSD عشان نحافظ عليه و علي عمره الأفتراضي ,, خلي أي دونللود في المجلد اللي هنعمله ده علي الهاردديسك ..
الشروحات دي عشان تخلي أي دونللود يبقي أوتوماتيك علي المجلد اللي عملناه علي الهاردديسك ..
في حالة أستخدام Google Chrome ..
http://store2.up-00.com/2015-03/1425877229221.jpg
في حالة أستخدام الـ Firefox
http://store1.up-00.com/2015-03/1425877274241.jpg
في حالة أستخدام برنامج EagleGet للتحميل ..
http://store1.up-00.com/2015-03/1425877313191.jpg
http://store2.up-00.com/2015-03/1425877335971.jpg
الـ SSD سعته 80 جيجا ,, و الهاردديسك سعته 1 تيرابايت (1000 جيجا) ..اقتباس:
وهل ال SDD له سعه تخزينيه ؟يعنى الهاردديسك اللى قولتلى عليه 1TB لكن ده سعته كام بقى؟
الـ SSD مش بيتقسم ,, يبقي بارتيشن واحد فقط ,,اقتباس:
وازاى أخليه يقسملى الجهاز وكل بارتيشن ياخد مساحته المظبوطه؟ وهل التقسيمه دى هتبقى على الهارد ولا ال SDD ؟
الـ HDD يقدر يقسمه لك عادي زي ما تحبي , مفيش مشكلة ..
أيوة ..اقتباس:
وهل كارت الصوت مدمج برضه فى ال Motherboard ؟
أيوة ,,اقتباس:
و لو جيبت باور سابلاى لوحده واستخدمته عالكيسه بتاعتى هل اقوله ان اسمه cooler master power supply 400 w
و لو مش موجود لوحده ,, يوجد ماركة Zalman أو Gigabyte أو HEC أو Corsair,,
الماركات دي ممتازة برضه في الباورسبلاي ..
برضه هيبقي سعرهم في رينج الـ 275 ج تقريبا ..
:)
ربنا يخليك وشكراااااااااا على كل حاجه وشكرا كمان على التوضيح بالصور لكيفيه التحميل
معلش انا مزهقاك انا عارفه والله بس حضرتك نزلتلى من السما فماصدقت حد يفهمنى عشان كمان ماروحش اشترى والراجل يحسنى مش فاهمه فيقعد يتفلسف عليا ويشيلنى مليون حاجه مالهمش لزمه بحجه انهم هيخلوا الجهاز احسن ويحطلى قطع اغلى قال يعنى بيعمل واجب معايا وكأنه حاططلى الحاجات الغاليه عشان دى متميزه ،شكرا مره تانيه :)
مفيش تعب ولا حاجة يا أفندم ,,
والله كلها أمور بسيطة .. :)
أهم حاجة تكوني حضرتك عرفتي كافة المعلومات اللي تحتاجيها,,
و معاكي في أي أسئلة أخري إن شاءالله ..
هو ليه حضرتك مش بتفكري تجيبي لاب توب ؟ بيتهيألي هايكون أفضل بكتير
هقول لحضرتك
عشان انا محتاجه جهاز يكون زى ما بيقولوا حمار شغل :) لا يكل ولا يمل انما اللاب توب محتاج شغل فافى شويه ومعامله خاصه وكل شويه هيسخن وخصوصا فى الصيف الجبار بتاعنا واجيبله المبرد بتاعه وبعدين يروح فاصلى شحن فأفضل لازقه جنب الفيشه وبعدين لو قطعه باظت فيه هتبقى غاليه ولازم اغيرها من التوكيل ثم انه مش هينفع يتحدث اى قطعه فيه لحاجه اعلى وبالاضافه لكل ده هيتدفع فيه قد اللى هيتدفع فى الديسك توب لكن الديسك توب هينفع تتحدث مكوناته واللاب توب لا
أكيد فى قراره نفسك بتقول ياريتنى ما سألت :) وبالفعل أنا فكرت فى موضوع اللاب توب فى البدايه عشان حتى لو حبيت اصلحه اشيله هيله بيله واديه لاى حد يصلحه بدل الكيسه الكبيره دى :)
ههههههههههههههههههه
أنا قريت حاجه ان حد بيجمع كيسه برضه وبيستخدم العاب كتير ففى حد قاله ان الmotherboard كارت الشاشه المدمج فيها هيزهقه فى الالعاب ولازم يحط كارت شاشه لوحده ويستخدم ماذر بورد قويه بدون كارت شاشه مدمج وانا اوقات بستخدم العاب وطبعا دى محتاجه كارت شاشه وامكانيات قويه اه مهيش اساس استخدامى الاساسى بس مهم انى وقت ما احب استخدمها يكون الجهاز قادر يستخدمها بسهوله وكمان بحب الفيديوهات الفيديوهات ال HD فهل الامكانيات اللى قولناها مناسبه ؟
وهل تركيب القطع فى الجهاز وتنزيل الويندوز بيتاخدلهم مبلغ اضافى فوق المبلغ اللى هدفعه؟