ربنا يخليكي يا رب يا أفندم و إن شاء الله تشتري جهازك علي خير ..

تعالي بقي نفصص الفتّي اللي أتقال ده كله نقطة نقطة :d >>>

اتقالى ان ال sdd ملوش لزمه بالنسبه ليا لان استخدامى هو التصفح و العاب الفيسبوك والفيديوهات ال hd
وال sdd ده هيتلاحظ الفرق بوجوده عالجهاز فى حاله انى بستخدم شغل فى الفوتوشوب والجرافيك وكده ولكن غير كده مش هحتاجه ولا هيأثر فى شغل الجهاز معايا لانى مش بستخدم برامج كبيره و لا قويه
الـ ssd مش شرط يكون للبرامج القوية ,, هو أضافة رائعة للجهاز عشان سرعة الوندوز و سرعة تشغيل البرامج أيا كانت ,,
و هيبقي مفيد جدا جدا جدا في أي برنامج أو تطبيق هشتغليه ,, فعلآ هتحسي بسرعة غير معهودة قبل كده معاه ..
و الكلام ده عن تجارب شخصية ,, فعلآ الفرق شاسع في الأداء بين الـ ssd و الهاردديسك العادي مع الوندوز و البرامج ..



وكمان فيه ناس قالتلى حطى كارت الشاشه اللى عندك عشان كارت الشاشه المدمج فى الماذر بورد ده بيعمل حمل على البروسيسور باين او الماذر بورد مش فاكره اوى واتقالى لو طلع بتاعك مش تمام احط الكارت ده sapphir r7 240 و تمنه 625 جنيه
الكلام ده قديـــــــــــم جدا ,, و مالوش أساس من الصحة ,,
المعالج الرسومي المدمج (أو كارت الشاشة المدمج) , ده موجود داخل البروسيسور و شغال ,, ولا بيتقل البرويسيسور ولا بيأثر في أداءه ..
و ما علي اللوحة الأم إلا أنها تنقل الصورة فقط إلي الشاشة ,, يعني مش عليها حمل ولا أي شئ ..

مالوش أي لزمة شراء كارت شاشة خارجي أبدأ أبدأ ..


وناس قالتلى الهارد ال seagate مش كويس والاحسن الويسترن ديجيتال
وناس قالتلى الماذر بورد ال asus مش كويسه والاحسن منها الجيجابايت
قالتلى رامات ال g skill الاحسن منها الكينج ستون
وقالولى كمان ان الasus و ال g skillضمانهم مش كويس فى مصر
كمية معلومات كارثية في البوست ده ,,
السوق المصري بتعتنا ضايع فعلآ و حافظين مش فاهمين ..

أنا أستخدمت كل البراندات السالف ذكرها دي ,, و أستخدام شاق و عنيف و أخر بهدلة ,,
و جهازي الحالي فيها أنواع كثيرة من البراندات اللي حضرتك كتبتيها و شغالة معايا زي الفل الحمدلله ,,

و الضمان بيبقي مع التوكيل , مش المحل ,,
و في مصر ,, عدد توكيلات الهاردووير لا تتعدي علي أصابع اليدين ,, و تعاملت معاهم قبل كده في حوارات الضمان دي , و كانت الدنيا كويسة و التعامل محترم ..


بصي يا أفندم : أقدر أقول لك بكل ثقة : كده أنتي عرفتي عينة من التجار اللي شغالين في المجال ده ,,
و أنهم حافظين شوية معلومات قديمة من أيام العصر الحجري و شغالين بيها ,, و بيدبسوا العميل في البضاعة اللي عندهم و خلاص , عشان ما يروحش يجيب من مكان أخر ..


أهم شئ خلي كل المعلومات دي معاكي عشان لما تشتري جهازك بإذن الله ,,
معاكي التجميعة + المحلات اللي أثق في علمهم و منتجاتهم ..


و أنا متابع معاكي لحد ما نطمئن علي أكتمال عملية شراء الجهاز بنجاح .. :)