معايا 50-53 ألف ومحتار بين النوبيرا والكريستالة... أية رأيكم؟

**medo_msmsa** · 08-11-2008 12:31 PM

يا جماعة انا معاية في حدود 53 ألف وعايز اشتري ومحتار بين النوبيرا والكرستالة
انا عايز اعرف المبلغ ده يجيب نوبيرا موديل كام وحالتها اية وتكون عاملة كام الف كيلو
المشكلة برضوا اني مقلق ان لو جبت كرستالة هتكون عاملة كلوات كتير وبالتالي هتكون تلفيتها كتير وكمان كماليتها هتكون متهالكة ونفس الكلام بالنسبة للنوبيرا
يعني لو أنه هتكون أفضل ليه من حيث الكماليات يعني هلاقي مثلا التكييف شغال من غير مشاكل والزجاج الكهرباء مفيش مشاكل وهكذا..
أما أخر سؤال لو العربية استخدمها كويس لحد كام ألف كيلوا هتكون حالتها كويسة ويعتمد عليها خاصة اني كان معايا لانوس وفضلت معايا 5 سنين بس لحد لما وصلت 140 الف حسيت ان طلبتها كترت وبقت حالتها مش تمام؟ رأيكوا يهمني يا ريت لو حد جرب العربيتين يعمل مقارنة بسيطة
وشكرا

**KoDaK_Gti** · 08-11-2008 01:29 PM

انا كنت زيك بالظبط وكان نفس تفكيرى زيك وكمان حطيت فى المقارنة هوندا سيفيك 94
بس الحمد لله جبت نوبيرا 2001
السعر اللى معاك يجيبلك نوبيرا 2001
اللانسر صالونها صغير وواطية جدا جدا وموتور 1300 وقليل لو لقيت 1500 منه
النوبيرا موتور 1600 صالون كبير ثبات عالى وفول اوبشن

**medo_msmsa** · 08-11-2008 01:40 PM

طيب يا Kodak انت اشتريت امتى وكانت عاملة كام الف كيلو وبكام
وايه اخبار حالة العربية وكماليتها كله تمام؟

**kliken** · 08-11-2008 06:22 PM

الكريستاله احسن و لو دورت هتلاقى منها كتير حالات حلوة انا معايا كولت 96 نفس قطع غيار الانسر و عامله 244000 كم وزى الفل المكنه ماشاء الله مفهاش الهوا و ليا اصحابى معاهم نفس الكلام عاملين كيلوهات كتير و مش بيأثر على كفائه العربيه النوبيرا كفاءتها اقل من الانسر كتير

**tarekallaithy** · 08-11-2008 06:30 PM

لو لقيت كريستالة حالتها نضيفة اوي و مش ماشية كتير , توكل على الله و جبها , انا معايا واحدة , عربية ما شاء الله تحفة بس لااااااااااازم الحالة تكون نضيفة و لو ما لقتش , دور على نوبيرا مش هتتعبك زي الانسر في صيانتها و تصلحها

**medo_msmsa** · 09-11-2008 09:24 AM

شكرا على الردود

**Mostafa Taher** · 09-11-2008 10:17 AM

لانسر كريستالة وانت مغمض عنيك والسوق مليان عربيات حالتها نظيفة

وصدق قول الشاعر ابن سحلفة " اليابانى يابانى برضة "

**KoDaK_Gti** · 09-11-2008 10:27 AM

المشاركة الأصلية كتبت بواسطة medo_msmsa

طيب يا Kodak انت اشتريت امتى وكانت عاملة كام الف كيلو وبكام
وايه اخبار حالة العربية وكماليتها كله تمام؟

اشتريتها فى شهر 5 اللى فات فى اخر 5 وكانت عاملة 126 الف كيلو
والحمد لله مفيهاش اى حاجة غير بس الرشاشات عاوزة تتغير بس اهم حاجة الحالة العامة
يعنى انا شاريها من واحد ماشاء الله عليه ماشى بالورقة والقلم فيها
مدينى اجنده صغيرة فى العربية بيغير كل حاجة بالعداد زيت وفلاتر وبوجيهات وكده وده اللى عاجبنى