استفسار بخصوص السخونه

**سلطانو** · 09-03-2015 08:49 PM

قرأت مشاركة تحت عنوت الحل النهائي للسخونه
1- عند قطع الخرطوم الخارج من الكوعة و اغلاقة الجزء الاخر هل يطبب او يترك كما هو
2- الخطوه الثانية مش عارف اعملها
يوجد اسفل العمه 2 خرطوم يتم الغاءهم و نسيب مكانهم فاضي
الخرطومين في الاسفل نوصلهم ببعض
ده ما فهمته
طيب مكان 2 خرطوم الواصل للمانيفولد هيفضل فاضي
شكرا لكم

**سلطانو** · 10-03-2015 12:55 PM

يا اهل الخير ده ما فهمته من الموضوع
لو فهمت خطأ ارجو التصويب
لو فيه اضاقة يكون الشكر لصاحبها

**ehab mobarak** · 10-03-2015 04:01 PM

ايه اللي حضرتك بتقوله انا للأسف انا ما فهمتش حاجه اللي بس فهمته انك قصدك تلغي دورة التسخين الخاصة بالمانفولد واللي قلته انك بالمرة عايز تلغي المياه اللي داخلة لسخان الكربراتير وده غلط . ممكن تلغي الدورة بتاعة المانفولد لكن ما تلغيش دورة سخان الكربراتير . دي صورة لدورة المياه يمكن تساعدك

**محمدعبدالحميد** · 10-03-2015 08:51 PM

الماسوره الشجره طالع منها خرطومين هتلغيهم وتركب حرف يو مكانهم فى الماسوره من اسفل تمام.
كوع الثرموتات فى خرطوم حرف لام من الكوع للمانيفود هتقصه من المانيفود وتعمله طبه من الكوع
وبكده بقت دوره الميه من الريداتير للطلمبه لقلب الموتور وتخرج من وش السلندر على الريداتير مباشره وبكده بقت دوره تبريد كامله .
ليه فصلنا الاجزاء السابقه لو تاخد بالك هتلاقى دوره الميه اللى بتدخل المانيفود معموله علشان تكتسب حراره من فرن العادم سواء تحتها او اللى بيمر ممزوج معاها .
واحد هيقلك الكربراتير محتاج سخونه علشان السلانسيه اقوله الجو فى مصر دافىء بطبعه والتصميم ده للبلاد اللى درجه حرارتها تحت الصفر والثلوج .
بعد تنفيذ هذا سترى الفرق الهائل فى التبريد.
طبعا لازم تربط على القفزان كويس علشان اى تسريب ولو بخار هيسخن العربيه طيب لو حصل ومش عارف التنفيس منين هتفضى نص ميه العربيه وتحط ملعقه بن كبيره فى القربه وتدور العربيه وتزود الميه لحد المسافه بين max و mine وتبداء تمشى بالعربيه كانك بتلين مده يومين او ثلاثه حسب مشكله التنفيس لو فى تنفيس فى الوش هياخد ثلاثه ايام ودا عن تجربه شخصيه وبعد كده اقرص افرك اللى انت عاوزه .
وبعد مرور عشره ايام ممكن تنزل الميه اللى فيها البن او تسيبها مفيش فرق.
والله الموفق

**waell2007** · 11-03-2015 11:15 AM

المشاركة الأصلية كتبت بواسطة محمدعبدالحميد

الماسوره الشجره طالع منها خرطومين هتلغيهم وتركب حرف يو مكانهم فى الماسوره من اسفل تمام.
كوع الثرموتات فى خرطوم حرف لام من الكوع للمانيفود هتقصه من المانيفود وتعمله طبه من الكوع
وبكده بقت دوره الميه من الريداتير للطلمبه لقلب الموتور وتخرج من وش السلندر على الريداتير مباشره وبكده بقت دوره تبريد كامله .
ليه فصلنا الاجزاء السابقه لو تاخد بالك هتلاقى دوره الميه اللى بتدخل المانيفود معموله علشان تكتسب حراره من فرن العادم سواء تحتها او اللى بيمر ممزوج معاها .
واحد هيقلك الكربراتير محتاج سخونه علشان السلانسيه اقوله الجو فى مصر دافىء بطبعه والتصميم ده للبلاد اللى درجه حرارتها تحت الصفر والثلوج .
بعد تنفيذ هذا سترى الفرق الهائل فى التبريد.
طبعا لازم تربط على القفزان كويس علشان اى تسريب ولو بخار هيسخن العربيه طيب لو حصل ومش عارف التنفيس منين هتفضى نص ميه العربيه وتحط ملعقه بن كبيره فى القربه وتدور العربيه وتزود الميه لحد المسافه بين max و mine وتبداء تمشى بالعربيه كانك بتلين مده يومين او ثلاثه حسب مشكله التنفيس لو فى تنفيس فى الوش هياخد ثلاثه ايام ودا عن تجربه شخصيه وبعد كده اقرص افرك اللى انت عاوزه .
وبعد مرور عشره ايام ممكن تنزل الميه اللى فيها البن او تسيبها مفيش فرق.
والله الموفق

الكلام ده عن تجربة فعلية وياريت كل اللي عمل كده يقول اخبار استهلاك البنزيين ايه وسخونه العربية والتتليت وهي ماشية قبل التسخين يعني صباحا والعربية بارده لما تيجي تمشي بيها بكون كويسة ولا بتعد تبطل ... ارجو الافادة علي فكرة اول مرة اسمع عن البن بس سمعت علي البلوك سيل

**ehab mobarak** · 11-03-2015 11:59 AM

لا تعليق no comment

**سلطانو** · 11-03-2015 05:30 PM

شكرا جزيلا لكم جميعا
انا مقتنع بالفكرة جدا لانها منطقية جدا ةو تخرج من نطاق الخواجة لم يعملها
بس انا معلوماتي بسيطه جدا جدا
انا مش عارف الماسورة الشجرة الا تحت فين وايه شكلها
فيه رسم توضيحي اعلي مشاركة حضرتك اكون شاكر لو تحدد بلارقام هذه الماسورة التي تغلق بحرف يو
ولكم جزيل الشكر

**ehab mobarak** · 12-03-2015 09:15 PM

حاتغير المسار اللي خارج من الماتور للمانفولد وتوصله علي دخل الكربراتير حاتلاقي فرق الأقطار اعمل وصلة من تخين لرفيع او استخدم وصلة بحجم وسط بحيث تركب بين الأتنين وحاتلغي الوصلة اللي رايحة للهواية بتاعة السخن ولو راكبة ومش عايز تلغيها اعمل T علي الوصلة السابقة وسيب الباقي زي ما هو اما اذا كانت ملغية طب الراجع منها علي الشجرة زي الرسم