بي ام e46 ولا جيتا ٢٠٠٨

**molla** · 10-03-2015 01:02 PM

محتاج رأيكوا يا جماعة بين عربيتين البي ام ال 2003 - 2004 e46 و بين الجيتا ٢٠٠٨ انهي احسن كقلة اعطال و اعتمادية و انهي احسن بشكل عام طبعا انا بتكلم علي الحالات النظيفة منهم و كشف توكيل و هل الشيب دا من البي ام خلاص قدم و مبقاش ليه زهوة البي ام بقي زي الدبانة كدة و يتصنف انه بي ام قديم و خلاص ؟؟

**molla** · 13-03-2015 12:09 AM

ايه الصحرا دي

**Eslam.Elrefaey** · 13-03-2015 02:44 AM

الاقل اعطالا واعتمادية الجيتا لان ال 46 لازم نظيفة اوى ومش كتير النظيف منها نظرا لحاجات كتير زى موديلها القديم وان الشباب الى بيركبها معظمه بيهلكها

**Ahmedabbas1980** · 13-03-2015 03:18 AM

كان عندي الأتنين وفعلا الجيتا مشاكلها اقل,البي ام الشكل ده مشاكلها كتير وخصوصا عفشة وسخونية فبلاش منه احسن.والسحب متقارب شوية.والثبات كويس في الاتنين

**molla** · 14-03-2015 01:31 AM

طب يا باشا بما ان الجيتا كانت معاك ايه مشاكلها او اعطالها و ايه مميزاتها و هل البي ام ال e46 معقول تكون بتسخن حتي لو الردياتير و المرواح سليمة ؟

**Ahmedabbas1980** · 14-03-2015 02:15 AM

هي البي ام e46 مشكلتها كل حاجة فيها بلاستك,شوية زحمة جامدة مع يوم 41 في الصيف ممكن تسخن,وغير العفشة الامامية بتبوظ بسرعة,الجيتا كانت مشاكل بسيطة كلها كهرباء مش موتور,تلاقي السنتر مشتغلش,شنطة مفتحتش,وكلها فيوزات واسلاك واي كهربائي يعملهم,تلاقي فرش السقف وقع من الحر,ثبات متقاربين,البي ام مع الزمن التكيف بيطلع ريحة وحشة بيبقي عفن جوه التكيف وبيعمل ريحة في العربية كلها,بس بالمبلغ دهاشتري زيرو وقسط الباقي حاجة ب 150 والا حاجة,احنا في 2015 وعايز تجيب حاجة 2004 بفوق ال100 الف؟
ده انا لو مكانك,خلي بالك العربيتين دول شبابي فغالبا حتلاقيهم اتبهدلوا في الشارع ودي نصيحتي ليك, التصليح مبقاش رخيص مع ارتفاع الدولار

**molla** · 14-03-2015 03:46 AM

متشكر يا باشا علي ردك الوافي و ان شاء الله ابص علي الجيتا لو ملقتش حاجة نظيفة ممكن ابص علي الزيرو

**mody100** · 18-03-2015 01:47 AM

e46 طبعا اولا كشكل البى ام افضل فى نظرى وبعدين مفيش حاجة اسمها بتسخن لو دورة التبريد مظبوطة و كله تمام مفيش حوار السخنية ده
و اخيرا كفاية متعة القيادة بالجر الخلفى
بس اهم حاجة تكشف عليها و انت بتشترى البطاحات خصوصا e46 ميكنش فيها شرخ ولا حاجة

**yyy** · 18-03-2015 02:28 AM

e46 مشاكلها كتير و هتتعبك
خليك في الجيتا

**molla** · 18-03-2015 06:12 PM

و الله الاراء كدة مش مجمعة علي حاجة معينة هيه البي ام اعتقد مشكلتها التكييف ممكن يبقي ضعيف عن الجيتا انا و الله هبص علي الاتنين و اشوف حاجة تكون حالة نظيفة لان في رأيي المستعمل حالة