الموضوع: تجربة سيئة مع فلاشة نت فودافون

من يومين اشتريت فلاشة فودافون من فرع رئيسي وكان في عرض خط عليه 1600 دقيقة الباكدج كله بـ 150 جنيه خدت الفلاشة وروحت اشغلها مشتغلتش، اثناء التسطيب بتظهر رسالتين خطأ ويقولي دوس ok وكمل ادوس واجي افتح الايقونة بعد التسطيب يحولني على صفحة نت وطبعا متفتحش لان مفيش نت اصلا، ده على اكس بي وجربت على نسخة سفن نفس القصة، عندي لاب عليه windows 8 الفلاشة اصلا مش ظاهرة عليه بعد عدة محاولات مش حاسس بيها اصلا مع العلم الاجهزة كلها نضيفة وخالية من الفيروسات، قولت اكيد الفلاشة بايظة خدتها ورجعت للشركة قبل ما يشوفها قاللي (والله العظيم شغالة) بدون حتى ما يفتحها قولتله يمين على يمينك ما هي شغالة وقدامك جهازين كمبيوتر جربها ولو اشتغلت يبقى انا لا افهم شيء وليك عندي اعتذار، خد الفلاشة وحطها في مكان تحت الكاونتر وقاللي بص اهو النت شغال طبعا بيشتغلني، في ثانية دخلت عنده لقيت الفلاشة مش في الكيسة اصلا وفي فلاشة تانية لونها اسود هي اللي شغالة قولتله انت كداااااااب بتكدب لييييييييه واتعصبت عليه جامد قاللي انا مش كداب ومقدرش احط فلاشة غريبة على السيستم المهم قولتلو حاجة من اتنين يا اما تشغلها قدامي او رجعها وهات فلوسي قاللي مقدرش واعمل شكوى على 888 قولتلو مش ماشي من هنا غير لما اخد فلوسي يمين شمال الصوت علي وكنت خلاص هعمل اي حاجة لانه بني ادم مستفز وكداب في الاخر خدت فلوسي بعد ما خلاص كنت هخبطه باي حاجة، السؤال بقى حد قابل مشكلة من نفس النوع مع فلاشة فودافون النوع ده تحديدا ولو كنت مكاني كنت اتصرفت ازاااي وشكرا