صنايعية المنصورة

**mezoali** · 11-03-2015 11:20 PM

شباب عاوز اعرف مين الصنايعية الكويسين في المنصورة ارقام التلفون والعناوين لو ممكن؟
انا كان عندي مشكله من فترة ان العربيه كانت بتشرب بنزين كتير والموضوع ده جنني ورحت لكذا صنايعي كشفولي كمبيوتر كل واحد طلع بحاجه والكمبيوترات بتاعتهم ولا بتظهر حاجه فكنت حابب اعرف حد كويس لان العربيه رجعت اصعب من الاول وبعد 150 كيلو بس بقيت دلوقت بتشفط البنزين شفط ال 10 لتر في 15 كيلوا اه والله ال 30 كيلوا بيسحبوا صفيحة وفي ريحة بنزين ساعات كتير بتبقي جوه في الصالون فلو حد يعرف ايه اللي يزود الاستهلاك بالطريقة البشعه دي يقول والله يباركلكم لو حد يعرف صنايعي ابن حلال وبيفهم في المنصورة يقولي عليه علشان بجد انا تعبت:
الصنايعية اللي في[gdwl] المنصورة[/gdwl] ارجوكم علشان انا مش بطلع القاهرة

**Ibrahim Nabil** · 11-03-2015 11:33 PM

ياريس اكيد فيه تسريب للبنزين

**hema111** · 12-03-2015 12:33 AM

الاسطى شنهاب الميكانيكى فى احد الشوارع الجانبية عند أول العبور من ناحية شارع عبد السلام عارف .... ممكن تسأل عليه الخضرى بتاع قطع الغيار الموجود فى عبد السلام عارف
مع أطيب التمنيات بحل المشكلة فى وقت قريب

**mezoali** · 12-03-2015 04:02 AM

شكرا يا شباب للردود بس الاسطي شهاب كويس يا باشا لان هحتاج فحص للحساسات كمبيوتر ومش محتاج كمبيوتر لعبه زي اللي كانوا بيشتغلوني بيه لان كل واحد فيهم كان بيقول سليمه وواحد غير حساس البنزين وقطع حجات تحت والله مش عدت عارف لبصوا ايه بس سحب العربيه بقي زفت وسحب بنزين ببشاعه اتمني ان حد يقدر يفيدني

**seri0us** · 13-03-2015 03:30 PM

انا من المنصورة و نصيحة لله صنايعية المنصورة مشهورين في رد الخبطات ع البارد .. و ده اللي بيقلق تجار كتير يشتروا عربية نمرها المنصورة .. اما القاهرة طبعا ففيها مراكز كتير كويسة في شغل الكمبيوتر و كشف الاعطال و متطورين اكتر بكتير من عندنا ..
فيه في السواح بالاميرية مركز اسمه المتخصصون .. بيشتغلوا بالنهار في توكيل ميتسوبيشي و بالليل ده مركز خاص بيهم .. سمعت في حقهم كلام كويس .. الافضل تروح لهم .. و لو كتبت على جوجل اسم المركز هيطلعلك بالتفصيل .. و ربنا يعينك ..

**mezoali** · 14-03-2015 05:46 AM

يا باشا بالنسبالي السفر للقاهرة صعب واكيد في ناس غيري كتير فعملت الموضوع ده علشان انا واللي زيي مش قادرين يسافروا القاهرة انا عارف ان في صنايعية كتير في القاهرة كويسين جدا بس اللي احنا بنحاول نشوفه ان يكون في حد في المنصورة كويس بأسعار كويسة في الصيانه

**sherif4004** · 15-03-2015 01:39 PM

المشكله لازم تعرف هيا كهرباء ولا ميكانيكية. . لو كهرباء فيه وليد الصاوي ورا سوق الجمله. . لو ميكانيكية شوف نبيل عزمي في ساميه الجمل. . غير كده مفيش أدامك الا مركز المتخصصون اللي في القاهرة هما دول أن شاء الله يحلو المشكله