السلام عليكم
اليومين اللى فاتوا كان الكربراتير عندى بعافيه شوية - و مازال حتى الآن - فقولت أوصل لمعتز المصرى فى دار السلام و أخليه يضبطه بما إنه عمل لى أكس و باب قبل كده.
بعد الدور و لإنتظار أكتر من 4 ساعات ,كشف و قالى لازم نحل الكربراتير!!
خير؟
أبداً بس مسارات الهوا جواه مسدوده و عاوزه نضافه
ماشى, توكل على الله و حلّ (و ده كان أكبر غلط عملته و أعترف و أقر بذلك)
فك الكربراتير لثلاث أجزاء و "شطف" بالبنزين و الهواء المضغوط و جمع و غير جوان النص و القاعدة فقط.
أوامرك يا ريس, عاوز كام؟
140 !!!!
كام؟
بقولك 140

و هنا عرفت أنا غلطت فى إيه.
===================
أولاً المفروض مع أى صنايعى - مهما كان حبيبك و أنت زبونه و أتعاملت معاه مليون مرة قبل كده , لازم و لابد و حتما قبل ميشتغل تسألة هتتكلف كام, و ده غلطى.
ثانياً و بغض النظر عن إن الكربراتير لسه مش مضبوط و بينتش عالبارد و صوت المكنة زاعق, إلا إن اللى تعرف تعمله بنفسك إعمله بنفسك و متستسهلش و تسيبه لصنايعى.... "ما حك جلدك مثل ظفرك, فتول أنت شئون أمرك"
ثالثاً و ده الأهم فى الموضوع كله..... زى مقولنا للناس و لازلنا بنقول, أفضل صنايعية كربراتير هما معتز المصرى فى دار السلام و مركز الصفا فى جسر السويس و كنا بنقول مركز الصفا غالى شوية علشان عنده أجهزة, دلوقتى ممكن نقول معتز كمان بقى غالى جداً و من غير أجهزة.

برضو أحد الإخوة الميكانيكية هنا اللى الكل بيشهد لهم بالخبرة فى الشغل و برضوا جربته زى كتير من الأعضاء, لاقيت عليه شبه إجماع إن أسعارة أوووووفر أوى.

الجشع بقى Everywhere
و ربنا يرحمنا