حوار كاميرات المراقبة وتجربتى فيه

**tata2011** · 13-03-2015 04:03 AM

الاخوة الافاضل السلام عليكم . حبيت انقل لكم تجربتى فى موضوع كاميرات المراقبة وخصوصا بعد مالقيت ندرة فى المواضيع اللى بتتكلم عنه مع انى بحثت كتير جدا على النت
المهم . الفكرة جات لى بعد ماشفت كذا حادثة سرقة متصورة ووجدت ان الموضوع زاد قوى . طبعا الكاميرات هتركب فى مكان العمل . ابتديت ابحث عند كام شركة واعرف الاسعار وادخل على الانترنت . لقيت الحوار كبير قوى والسمة المشتركة ان محدش عايز يفهمك يعنى يدخلك فى حوارات وميريحكش المهم رسيت على شركة بتاع واحد معرفة ورحت اتفرجت طبعا هو عارض قدامه كذا صورة لكذا كاميرا علشان يوريك الفرق بس برضه مش فاهم . المهم قلت له شوف لى حاجة كويسة وبعد مدة واخذ وجذب فهمت الى حد ما واليكم الملخص
السيستم بيتكون من كاميرات وجهاز dvr وتوصيلات سلوك وباور كهربا
الكاميرا انواع تبتدى بال cctv وهى اقلهم سعرا ثم cvi اللى هى hd ثم ال ip طبعا كل مازاد السعر زاد وضوح الصورة
ال dvr اما يشيل 4 كاميرات او 8 كاميرات بس المشكلة ان كل نوع من الكاميرات بيشتغل على نوع dvr معين يعنى ماينفعش نركب كاميرا cctv مع واحدة hd مع ان ده مهم جدا وكان نفسى اعمله لان الكاميرا ال hd صورتها ماشاء الله واضحة بس للاسف غالية .
الdvr بتشترى له هارد دسك علشان التخزين وكل مازادت جودة الصورة بتحتاج لهارد اكبر
الكاميرات انواع يعنى فى العادية خالص بتنقل صورة بس وفى اللى بتعمل زووم على اى شخص داخل المكان وفى اللى بتتتبع الصوت وتمشى وراه بس طبعا كله بتمنه وخلوا بالكم شفت صورتى على احدى الشاشات وحاولت اعرف مكان الكاميرا مقدرتش وصاحب الشركة تحدانى وبرضه ملقتهاش وفى الاخر ورهالى اتضح انها عبارة عن كاميرا فى حجم وشكل الدبوس الضغط اللى كنا بنركبه فى الصالون طبعا الكاميرا دى مصيبة ومش عارف بيسمحوا بيها ليه.
طبعا نقطة مهمة جدا لازم نعرفها ان الانواع المضروبة كتير فلازم تجيب من واحد يديك ضمان .
بعد كده بييجى فنى تركيب يركبلك الكاميرات بزوايا معينة تكون جايبة المكان كله ثم بعد كده بقى وده الجزء الاهم حوار تشغيل الكاميرات على الموبايل.
طبعا لازم فى البداية تطلب من البائع dvr من غير ستاتيك ip هو اسمه كده بحيث يشتغل على اى نت وبعد مابتوصله النت لل dvr بتقدر تنزل برنامج على الموبايل وتدخل على الكاميرات من اى مكان انت فيه .ارجو انى اكون افدتكم

**أبو آسر** · 13-03-2015 04:34 AM

ألف شكر على نقل التجربة والإفادة
مشكلة الكاميرات إنها شبه عديمة الفائدة
ليه ؟
علشان هنفترض لا قدر الله حصلت سرقة مثلا والكاميرا صورت الحرامية وكله تمام .. وبعدين ؟
هل طالما صورت الحرامي هستفيد بحاجة ؟ غالبا لأ لأن صورته مش هتفيدني في حاجة إلا لو كنت مسنود ومعايا واسطة تقيلة أقدر من خلالها أقدم صورة الحرامي للشرطة وبالتالي هما يدوروا عليه ويجيبوه ، غير كده محدش هيعمل حاجة في الغالب فبالتالي ملهاش لازمة
اللي أنا محتاجه فعلا هو جهاز إنذار بحساس حركة عايز أركبه عندي في الشقة في باب البلكونة وأبواب الشبابيك علشان لا قدر الله لو حد فكر يسرق الشقة الجهاز يمنعه لأنه غالبا بمجرد ما هيسمع صوت السرينة هيجري وبالتالي قدرت أمنع الحادثة قبل وقوعها مش تحصل وتتصور وبعدين يا عالم الحرامي هيتجاب ولا لأ ولو اتجاب يا عالم برده هيرجع الحاجة اللي سرقها ولا لأ
ياريت لو حد بيفهم في حوار الإنذارات يفيدنا ويشرحلنا الأنواع الموجودة والأسعار وخلافه

**kaza** · 13-03-2015 08:19 AM

المشاركة الأصلية كتبت بواسطة tata2011

الاخوة الافاضل السلام عليكم . حبيت انقل لكم تجربتى فى موضوع كاميرات المراقبة وخصوصا بعد مالقيت ندرة فى المواضيع اللى بتتكلم عنه مع انى بحثت كتير جدا على النت
المهم . الفكرة جات لى بعد ماشفت كذا حادثة سرقة متصورة ووجدت ان الموضوع زاد قوى . طبعا الكاميرات هتركب فى مكان العمل . ابتديت ابحث عند كام شركة واعرف الاسعار وادخل على الانترنت . لقيت الحوار كبير قوى والسمة المشتركة ان محدش عايز يفهمك يعنى يدخلك فى حوارات وميريحكش المهم رسيت على شركة بتاع واحد معرفة ورحت اتفرجت طبعا هو عارض قدامه كذا صورة لكذا كاميرا علشان يوريك الفرق بس برضه مش فاهم . المهم قلت له شوف لى حاجة كويسة وبعد مدة واخذ وجذب فهمت الى حد ما واليكم الملخص
السيستم بيتكون من كاميرات وجهاز dvr وتوصيلات سلوك وباور كهربا
الكاميرا انواع تبتدى بال cctv وهى اقلهم سعرا ثم cvi اللى هى hd ثم ال ip طبعا كل مازاد السعر زاد وضوح الصورة
ال dvr اما يشيل 4 كاميرات او 8 كاميرات بس المشكلة ان كل نوع من الكاميرات بيشتغل على نوع dvr معين يعنى ماينفعش نركب كاميرا cctv مع واحدة hd مع ان ده مهم جدا وكان نفسى اعمله لان الكاميرا ال hd صورتها ماشاء الله واضحة بس للاسف غالية .
الdvr بتشترى له هارد دسك علشان التخزين وكل مازادت جودة الصورة بتحتاج لهارد اكبر
الكاميرات انواع يعنى فى العادية خالص بتنقل صورة بس وفى اللى بتعمل زووم على اى شخص داخل المكان وفى اللى بتتتبع الصوت وتمشى وراه بس طبعا كله بتمنه وخلوا بالكم شفت صورتى على احدى الشاشات وحاولت اعرف مكان الكاميرا مقدرتش وصاحب الشركة تحدانى وبرضه ملقتهاش وفى الاخر ورهالى اتضح انها عبارة عن كاميرا فى حجم وشكل الدبوس الضغط اللى كنا بنركبه فى الصالون طبعا الكاميرا دى مصيبة ومش عارف بيسمحوا بيها ليه.
طبعا نقطة مهمة جدا لازم نعرفها ان الانواع المضروبة كتير فلازم تجيب من واحد يديك ضمان .
بعد كده بييجى فنى تركيب يركبلك الكاميرات بزوايا معينة تكون جايبة المكان كله ثم بعد كده بقى وده الجزء الاهم حوار تشغيل الكاميرات على الموبايل.
طبعا لازم فى البداية تطلب من البائع dvr من غير ستاتيك ip هو اسمه كده بحيث يشتغل على اى نت وبعد مابتوصله النت لل dvr بتقدر تنزل برنامج على الموبايل وتدخل على الكاميرات من اى مكان انت فيه .ارجو انى اكون افدتكم

الف شكر ياباشا بجد كنت عايز اعرف المزيد بس تمام

**ahmedsmg** · 13-03-2015 10:46 AM

المشاركة الأصلية كتبت بواسطة أبو آسر

ألف شكر على نقل التجربة والإفادة
مشكلة الكاميرات إنها شبه عديمة الفائدة
ليه ؟
علشان هنفترض لا قدر الله حصلت سرقة مثلا والكاميرا صورت الحرامية وكله تمام .. وبعدين ؟
هل طالما صورت الحرامي هستفيد بحاجة ؟ غالبا لأ لأن صورته مش هتفيدني في حاجة إلا لو كنت مسنود ومعايا واسطة تقيلة أقدر من خلالها أقدم صورة الحرامي للشرطة وبالتالي هما يدوروا عليه ويجيبوه ، غير كده محدش هيعمل حاجة في الغالب فبالتالي ملهاش لازمة
اللي أنا محتاجه فعلا هو جهاز إنذار بحساس حركة عايز أركبه عندي في الشقة في باب البلكونة وأبواب الشبابيك علشان لا قدر الله لو حد فكر يسرق الشقة الجهاز يمنعه لأنه غالبا بمجرد ما هيسمع صوت السرينة هيجري وبالتالي قدرت أمنع الحادثة قبل وقوعها مش تحصل وتتصور وبعدين يا عالم الحرامي هيتجاب ولا لأ ولو اتجاب يا عالم برده هيرجع الحاجة اللي سرقها ولا لأ
ياريت لو حد بيفهم في حوار الإنذارات يفيدنا ويشرحلنا الأنواع الموجودة والأسعار وخلافه

الكاميرات مفيدة فى مكان العمل أكثر.... ولكن فى المساكن والفيلات يفضل تركيب وحدات استشعار الحركة مع صوت سرينة إنذار عالية الصوت لمحاولة منع السرقة

**Elawany13** · 13-03-2015 11:57 AM

فيه كاميرات بيكون فيها مستشعرات حركة كمان

**rotanamasoud** · 13-03-2015 03:00 PM

متابع وفيه فايده اخرى انك تراقب اللى بيشتغلو عندك

**أبو آسر** · 13-03-2015 11:24 PM

المشاركة الأصلية كتبت بواسطة tata2011

الاخوة الافاضل اللى شاركوا فى الموضوع . تحية طيبة
بالنسبة للعضو ابو اسر فالاستاذ احمد رد عليه الكاميرات بتبقى فى مكان العمل وبعدين مش شرط انك هتصور الحرامية وتروح تجيبهم وكده هو مجرد انك مكب كاميرات بتخلى اللى داخل عندك عارف انه متراقب فلو هيعمل فيك حاجة مثلا هيخاف ويفكر كذا مرة
بالنسبة للاسعار . ال dvr ال 8 بورت جبته بالضمان ب 700 جنيه طبعا فى انواع ارخص بس زى ماقلت خليكوا فى المضمون وطبعا ده اللى بيشتغل على الكاميرات ال cctvوتمن الواحدة حوالى 150 ل 175 والخارجية ب 225 اما الكاميرات ال hd فتقريبا سعرها من 400 وانت طالع وال dvr بتاعها ب 1200 ال 8 بورت

كلامك مضبوط لو الكاميرات هتركب في مكان عمل علشان تراقب موظفين مثلا أو عمال وما شابه
لكن بالنسبة للحرامية مفروض إنهم ميعرفوش ان فيه كاميرا لأنها غالبا بتكون في مكان مستخبي زي ما حضرتك أشرت في التوبيك إنك لقيت نفسك متصور وحاولت تطلع مكان الكاميرا معرفتش ، حتى الحرامية دلوقتي تطوروا وبقوا بيلبسوا أقنعة تحسبا لوجود أي كاميرات مراقبة فبالتالي كده ملهاش أي جدوى
الخلاصة ان كاميرات المراقبة مفيدة لمراقبة موظفين وعمال شغالين في مكان وعارفين انهم متراقبين أما البيوت فالأفضل هي أجهزة الإنذار وكاميرات المراقبة ليس لها جدوى في الغالب

-

الموضوع: حوار كاميرات المراقبة وتجربتى فيه

LinkBack

أدوات الموضوع

عرض

-

-

-

-

المواضيع المتشابهه

استفسار بخصوص كاميرات المراقبة

استفسار عن كاميرات المراقبة

استفسار عن كاميرات المراقبة

اهميه كاميرات المراقبة فى المجتمع

الكلمات الدلالية لهذا الموضوع

المفضلات

المفضلات

ضوابط المشاركة