ارجو التفسير لخبراء الميجان

**boeing787** · 13-03-2015 12:21 PM

ميجان 2005 كانت ماشية في امان الله كان التانك الخاص بالبنزين المؤشر قبل الاخر بحجات بسيطة بس مكتوب علي كمبيوتر العربية 60 km يعني لسة مدخلتش في الاسبير . دخلت احط بنزين وبطلت العربية وحطيت بنزيني ومية مية بدور العربية حلفت متدورش ,,, قعد ازق وادور تدي مرش ومش بتدور لحد بعد ربع ساعة زق بدور راحت دارت ,,, ممكن تفسير لو سمحتم

**mif** · 13-03-2015 01:05 PM

60 كم يعنى انت فى اخر 5 لتر او اقل حسب انت بتجري ولا عادي فشوائب الراكد بدأت تطلع .
فيفضل انك تفول قبل كدا
و علشان متعملهاش تانى غير فلتر بنزين فى مواعيده و موون من بنزينات نظيفة .
و ممكن تبص على فيشة طرمبة البنزين اعتقد انها سريعة التلف فى الموديل دا بتكون على وشك التلف

**boeing787** · 13-03-2015 01:12 PM

الف شكر يا فندم علي ردك و انا شاكك في طرمبة البنزين نفسها وفي الشرشاشات بس طرمبة البنزين ليها علاقة بكتمة الموتور ؟

**mif** · 15-03-2015 02:55 PM

المشاركة الأصلية كتبت بواسطة boeing787

الف شكر يا فندم علي ردك و انا شاكك في طرمبة البنزين نفسها وفي الشرشاشات بس طرمبة البنزين ليها علاقة بكتمة الموتور ؟

تقصد ايه بالسحب؟
ضعيفة فى الطالعة

**boeing787** · 16-03-2015 04:32 PM

احيانا في الطلعة واحيانا ف الشد اثناء المشي و صوت الموتور بيعلي احيانا

**ahmed elhddad** · 16-03-2015 10:16 PM

طرمبة على ما اعتقد او بدايات .. كانت نفس المشكلة عندي ولما غيرت الطرمبة اتحلت
المشكلة ان مستوى قطع الغيار ضعيف ومستوى نوعية البنزين زفت انا مغير طرمبتين في سنة ونص تقريباً :)

نصيحة ماتخدش كتير على رينج كومبيوتر العربية خليك في الأمان وبعد النص او على النص فول العربية

**boeing787** · 17-03-2015 11:51 PM

شكرا استاذ احمد لكن جبت طرمبة بنزين جديددة ولا استيراد ومنين وبكام وهل ترجح الاستيراد علي اساس ان الاستيراد اصلي 100%

**تامر.محمد** · 18-03-2015 11:46 AM

ممكن يكون موتور الطرمبة فعلا

بس نصيحة قبل ما تغيرها , روح لحد ينضفها ممكن تكون الحكاية ان فيه شوائب سدتها بس

**boeing787** · 20-03-2015 02:20 PM

المشاركة الأصلية كتبت بواسطة m_fathy_83

نظف حساس الكرنك cranckshaft position sensor كان ساعات بيعمل كده معى . لو العربية سخنة وبطلتها تحلف ما تدور استنى ربع ساعه تبرد تدور عادى الموضوع ده بدا معى فى البنزينه

الف شكر يافندم بس تنصحني اعمل كدا عند ميكانيكي معين