الموضوع: استفسار في النيو لوجان

المشاركة الأصلية كتبت بواسطة mostafa bayoum

لو سمحتو هو الزرار الlock فوق زرار الانتظار كنت فاكر انه بيقفل الابواب كلها بحيث متفتحش من بره وكنت فاكر انه بيقفل الباب اللي ورا برضه بس من بره ومن جوه بس اكتشفت ان الباب اللي ورا بيفتح عادي من جوه حتي وانا ضاغط علي ال lock ودي مشكله كبيره جدا عشان الاطفال ممكن تفتح الباب
محدش يعرف حل الموضوع ده ايه ارجووووووكم

لما تفتح الباب الخلفى تحت الطبلة هتلاقى مسوجر أمان أطفال، تلفه علشان تفعله و تعمل الموضوع ده فى البابين الخلفيين
بس للأسف الموضوع ده هيخليهم يتفتحوا من بره فقط بعد فتح ال lock... انما من جوه مش هيفتحوا تانى الا بعد الغاء هذه الخاصية

تحياتى

المشاركة الأصلية كتبت بواسطة Mostafa bayoum

طب امال لزمه اللوك ده ايه بقي طب سؤال تاني هو المفروض ال autolock بيشتغل والعربيه ماشيه علي سرعه كام وهل انا بتحكم في الظبط بتاعه يعني اقدر اعلي السرعه اللي يشتغل عندها ولا ايه نظامه بالظبط

اللوك ده لوك للعربية عامة علشان محدش من بره يقدر يقتحمها و لكن اللى جوه مهماش محبوسين و يقدروا ينزلوا منها عادى بمجرد فتح أكرة الباب الداخلية، لاحظ ان حسب المواصفات الأخيرة للاتحاد الأوروبى للأمان، لازم باب العربية يتفتح من جوه حتى لو كان معمله لوك علشان لا قدر الله فى الحوادث او الطوارىء الركاب يقدروا يهربوا من العربية بمجرد فتح الأكرة الداخلية و العربية متتحولش لسجن بالنسبة ليهم.
اللوك اللى حضرتك سألت عليه ده اسمه CHILD SAFETY LOCK او قفل أمان للأطفال علشان مليعبوش فى الأكر الداخلية للأبواب الخلفية مطرح مهما قاعدين و يفتحوا الباب بطريق الخطأ و العربية ماشية، علشان كده ليه طريقة مخصوصة لتفعيله او إلغاؤه مسؤول عنها اب الاسرة او قائد السيارة وفيه بيكونوا فعلاً محبوسين بداخل السيارة و استحالة يقدروا يتركوها الا بمساعدة القائد
ال autolock بيتفعل تلقائى عند الوصل لسرعة 10 كم/ساعة و لا تستطيع التحكم فى السرعة التى يتفعل عندها و لكن فى بعض السيارات و الرينو من ضمنهم تستطيع إلغاء فكرة ال autolock من الأساس لو كانت مزعجة بالنسبة لك

تحياتى