الموضوع: سبب وحل النتشه "عضة " في الغيار الثاني سوزوكي ماروتي2014

محدش هيفدني يا رجالة ولا اية

المشاركة الأصلية كتبت بواسطة elpilot

السلام عليكم
العربيه ماروتي2014 وعامله11000 كيلو معمولها صيانة ال1000 وال5000 في التوكيل وبعد ال5000 الموبينة ضربت والابلاتين ضرب وغيرتهم برة عند ميكانيكي بموبينة جافة وابلاتين ياباني
وفي صيانة ال10000 رحت للميكانيكي عشان زهقت من التوكيل وغيرت زيت وفلتر وغيرلي فلتر الهواء
بعديها بشوية لقيت فيه نتشة في الفتيس في الغيار التاني بتحصل احيانا ساعات تحصل وساعات متحصلش هي عبارة عن عضة كده رحت للميكانيكي كشف علي زيت الفتيس وقالي لما تيجي نغير زيت نبقي نغيرلك زيت الفتيس بس هو حاليا حلو امشي عليه لحد معاد تغيير الزيت
قولتلة النتشة دي مفيهاش ضرر علي العربية قالي لاء عادي
حبيت اسألكم هنا هل طبيعي نغير زيت الفتيس علي13000 كيلو
ولا ايه سبب العضة دي اصلا
العضه دي كانت بعد ال1000 في غيار المارشدير والغيار الاول وبتوع التوكيل عملوها
وكمان لما قولتله اشتري زيت فتيس معين قالي لاْ انا هبقي اجيبهولك من هنا متقلقش
ايه احسن نوع زيت فتيش نجيبة للعربية دي

حضرتك تروح بنزينة وطنية و تسأل على زيت الفتيس مفيش غير نوع واحد عندهم و ده ينفع للماروتى بييجى فى جراكن كبيرة أوى (20 لتر) و الكيلو (اللى هوه اللتر يعنى بس بيتقال عليه كيلو) بحوالى 40 - 50 جنيه إذا كنت فاكر صح

الماروتى بتاخد 2 لتر زيت فتيس لا أكتر و لا أقل و يفضل يتغير بدرى لأن بيبقى فيه شوائب مكان تليين الفتيس مفروض إنها تنزل

مقياس الفتيس - و دى من عظمات الماروتى - فوق فى جسم كتلة الموتور مش تحت و هو عبارة عن غطاء بريمة بلاستيك أسود بإيد أكبر من مساحة الربع جنيه بشوية ممكن تلفه بإيدك بسهولة و تطلعه حتلاقى طالع منه مسمار طويل و آخره مشرشر. الجزء المشرشر ده هوه حد المقياس و مفروض مع 2 لتر يكون متغطى بالزيت

الزيت على المقياس بيكون لونه مخضر شوية و ده طبيعى

مع تحياتى

والله كتر الف خيرك يا كبير انك اهتميت ورديت
وشكرا لكل اللي شاف الموضوع ونفضلي بكرة باذن الله هتستفسر استفسار ومحدش هيرد عليك
شكرا مرة تانية يا كبير

ىسم الله الرحمن الرحيم

اخى الفاضل طالب الراى والمشوره

هناك احتمالات تودى لما تصفه بنفسك.

1 - قد يكون الفيتيس سليم و لكن يد حضرتك سريعه بعض الشى فى نقل الغيار

2 - قد يكون الفيتيس سليم و لكنك لا تضغط دواسة الدبرياج جيدا

3 - قد تكون لزوجة زيت الفيتيس غير مناسبه

4 - قد تكون كمية الزيت اكثر او اقل

5 - قد تكون جودة الزيت منخفضه

6 - قد تكون مجموعة نقل الحركه من عصا الفيتيس للتروس ( قاعدة الفيتيس) اصابتها خشونه لسبب ما. . ربما تراب

7 - ربما يوجد كربون على غوايش الفيتيس (احتمال ضعيف لان السياره جديده)

تحرى ميكانيكى جيد ليفصل لك القول فى اى من الاحتمالات السابقه

هداك الله لارشد امرك و اقومه

السلام عليكم و رحمة الله و بركاته

المشاركة الأصلية كتبت بواسطة scientist9508

ىسم الله الرحمن الرحيم

اخى الفاضل طالب الراى والمشوره

هناك احتمالات تودى لما تصفه بنفسك.

1 - قد يكون الفيتيس سليم و لكن يد حضرتك سريعه بعض الشى فى نقل الغيار

2 - قد يكون الفيتيس سليم و لكنك لا تضغط دواسة الدبرياج جيدا

3 - قد تكون لزوجة زيت الفيتيس غير مناسبه

4 - قد تكون كمية الزيت اكثر او اقل

5 - قد تكون جودة الزيت منخفضه

6 - قد تكون مجموعة نقل الحركه من عصا الفيتيس للتروس ( قاعدة الفيتيس) اصابتها خشونه لسبب ما. . ربما تراب

7 - ربما يوجد كربون على غوايش الفيتيس (احتمال ضعيف لان السياره جديده)

تحرى ميكانيكى جيد ليفصل لك القول فى اى من الاحتمالات السابقه

هداك الله لارشد امرك و اقومه

السلام عليكم و رحمة الله و بركاته

ِكرا جزيلا يا كبير دائما موضوعاتي تشرفها بردودك بارك الله فيك