الموضوع: تعمل إيه لو إبنك خبط حد و إتحبس ؟

بس خدوا بالكوا يا جماعة ان وقت الإختبار نفسه بيكون الوضع مختلف، يعني أب ما شاء الله في عز شبابه و إبنه لسه طفل، صعب يتخيل نفسه في الموقف ده، انما تخيلوا أب عدى الخمسين من العمر و محتاج إبنه في السن ده يكون معاه، مش محتاجه خلف الأسوار و مستقبله ضايع، ده غير انهيار الأم و ضغوط الأهل و الأقارب و الجيران و حتى بواب العمارة و لومهم ان ازاي ما تسيب ابنك يتحبس!.. هل ده كله هايخليه برضه يسيب الولد يتحبس و يلقى جزاؤه عشان يتعلم؟ و لا هايقوم له 50 محامي عشان الولد يخرج منها؟ سؤال صعب حد يجاوب عليه.

المشاركة الأصلية كتبت بواسطة MoToRiZeR

.. فا أعتقد إني لو مكان أبوه للأسف هضطر أسيبه يتحبس و مش هلوم غير نفسي لأني مربتهوش و مخليتوش إنسان بجد مش شخصية هلامية من الموجودين في جيلنا بكثرة ..

بس كده ...ياراجل...ده انت قولت هيقول اطخه عيارين فى نفوخه و نخلص من عاره :(

المشاركة الأصلية كتبت بواسطة fiatto

خد بالك يامحمود السجن لم يعد تأديب وتهذيب واصلاح , السجن بقى الولد يدخله نص مجرم يطلع منه مجرم عتيد الاجرام يعنى موضوع ان الاهل تتابع مع الولد بعد خروجه انساه تماما , المفروض مع دخوله السجن يستعوضوا ربنا فيه تماما .

فعلا ديه نقطة مهمة جدا....اى حد هيبص لوضوع السجن هيعرف انه مش مجرد عقاب و بس او حرمان شخص من حريته اللى هى اهم ما يملك...و لكن فى بلاوى تانية ممكن تحصل...ده غير اللى بيبقى عنده سابقة ده حتى لو حاجة مش مخلة بالشرف بعد مايخرج حياته بتبقى تقريبا ادمرت...و تأثيرها مش هيبقى عليه لوحده ..ده بيبقى ع اغلب اللى يعرفهم.....فاكيد لو فيه اب فكر فى الحاجات ديه اعتقد انه هيحاول يطلعه باى شكل.