عرض للطباعة
الموضوع ببساطة .. تعمل إيه لو لقيت البوليس شرف في البيت
و قالولك إبن حضرتك خبط فلان الفلاني و جري .. و هو دلوقتي في المستشفي و هيتعالج أكتر من 21 يوم و إبنك لازم نقبض عليه .
و يطلع الموضوع صحيح و إبنك عمل كدة فعلاَ بكل الإثباتات whatever التفاصيل إيه بقي خبطه و هو بيشد مع حد أو كان سكران أو ضارب حاجة أو هو أصلاَ سواقته كدة .. تصرفك هيكون إزاي ؟
ملحوظة : الهروب من مكان الحادث جريمة يعاقب عليها القانون .
هتعمل إيه ؟؟
بإفتراض إن أهل المصاب مش راضيين يتنازلوا عن حقهم مهما كان .
هو ح يكون فيه ايه في ايده يعمله يا محمود ..... ح يتقبض علي الولد ويروح الاب المسكين يجري ورا المحاميين و يتوسل لأهل المصاب .....اقتباس:
المشاركة الأصلية كتبت بواسطة MoToRiZeR
يا رب تستر علينا وعلي ولادنا يا رب
............................
اللهم لا تشمت فينا أحد
ولا تخيب لنا ولد
اعتقد يا محمود انه زى ما الدكتور احمد قال كده.. ده هيبقى الخيار المتاح امام اغلب الناس....و بعدين مش كل الناس بتعرف تلاقى وسايط...و مش كل الناس بتعرف تبلطج...بس انت ماقلتش انت هاتعمل ايه؟:-?اقتباس:
المشاركة الأصلية كتبت بواسطة aif
لأ الموضوع كله قائم علي الفرض يا جماعة يعني بعد الشر طبعاَ عن إبن أي حد من أعضاء المنتدي الكرام بس انا قصدي التصرف هتعمل إيه فرضياَ .. و بفرض برضه إن في إيدك الواسطة .
يعني بإختصار لو في إيدك تطلع إبنك و تقول للناس دول إخبطوا راسكوا في الحيط هتعمل كدة ؟
ولا هتسيب الحق ياخد مجراه ؟
هخلي إجابتي للأخر يا شهاب :)
ملكش حجة يا حج أحمد الناس كلها شايفاك دكتور شد حيلك بقي في الدراسات العليا :smartass: دنتا بقيت دكتور رسمي بشهادة نايل موتورز :smartass:اقتباس:
المشاركة الأصلية كتبت بواسطة SS
باحاول أجاوب اجابة حقيقية واقعية مش أفتراضية مثالية
حكلم كل اللي أعرفه علشان الولد ما يتبهدلش في الأقسام و النيابة و ححاول اتفاهم مع أهل المصاب علشان يتنازلوا و أقوم محامي شاطر يطلع الولد من القضية .....الولد نفسه لا إما اربيه من أول و جديد لا إما أخلي الجيش يربيه ....بس كده كده مفيش عربيات لحد ما يتعدل
الاهم اجابتك إنت يا موتو باشا ....أنا في الأنتظار :)
انا يا عم ماليش دعوه ببقية المنتدى ...انا مقتنع انه دكتور...من غير درسات عليا و لا بتاع...تجارة اقتصاد دراسات جدوى ..اياً كان اللى شغال فيه..هو دكتور...انا حر يا اخى...وبعدين هو انت يا احمد باشا ...قصدى يا دكتور احمد بتضايق من دكتور ديه و لا ايه؟؟ده انت حتى توأمك الجميل دكتور و مش اى دكتور؟؟اقتباس:
المشاركة الأصلية كتبت بواسطة MoToRiZeR
عشان لو كده مش هاقولك يا دكتور تانى ...ماشى يا دكتور!!
و بعدين انت هتخلى اجابتك للاخر ليه ...ناوى تغش؟؟/:)
ديه مش اخلاقك يا ابو حنفى....و لو انى تقريبا متوقع الاجابة
هههههههههه زي العسل يا شهاب باشا
و الله انا فكرت في الموضوع بعد الحادثة .. و لقيت إنه موقف صعب فعلاَ .. بس المشكلة إنه صعب التعاطف لأن إنت بتتعامل مع شخصية يجب تقويمها و هي فاسدة بالفعل .. فا أعتقد إني لو مكان أبوه للأسف هضطر أسيبه يتحبس و مش هلوم غير نفسي لأني مربتهوش و مخليتوش إنسان بجد مش شخصية هلامية من الموجودين في جيلنا بكثرة .. و علي فكرة مفيش أب إبنه بيكون بايظ من غير ما ياخد باله .. فيه أب بيطنش و فيه أب مش بيطنش .. لأن في مرحلة الشباب مش كل الشباب بيبقي جواهم نزعة الخير و حب الناس معظمهم بيجري ورا حب الجري و الحشيش و الذي منه .. بس بعد ما يتحبس دي تبقي نقطة فاصلة في حياة الأسرة و نبدأ بقي نقوم حياتنا ككل من الأول .. و يتابع مع إبنه .
الموضوع ده قوي جدا جدا
و الفكرة الأساسية فيه (أنا باخلف ليه)
ونفسي ابنى يكون ايه ؟؟
احنا بنخلف لسبب واحد يا سادة (ولد صالح يدعو له)
يعني الفايدة الحقيقية من الخلفة هي وجود ابن صالح يزود حسناتي بعد موتى
أو أخد ثواب في تربيته و أفعاله (الدال على الخير كفاعله)
و طبعا الولدان من خير الدنيا و نعمها و متعها التي تجعل لها طعما
ولكن ..
ان رزقني الله بولد فاجر فاسد عربيد
فما فائدته ؟؟
هم في الدنيا و حسرة في الأخرة
وهل يفسد الولد من تلقاء نفسه ؟؟؟
بل يفسده التدليل و إشعاره بأنه فوق الناس (في معاملته معهم) و افراط إشعاره بالأمان (حتى و إن أخطأ) و هذا الشعور قد يحول الشاب الى حيوان لا يرى للناس ثمنا ...
و قد تكون الظروف فعلت به هذا ...
أصدقاء سوء أو حتى أي ما خرج عن إرادة الوالد....
وهنا
يجب ان يترك هذا الولد ليلاقي ما يلاقيه المجرمون
لأن المجرم هو من استهان بحياة أو حق غيره
و تركه هو تكفير عن ذنب عدم تربيته
أو استعانه بالظروف لتعدل ما أفسدته الظروف في نفس الولد
أما تزوير و تلفيق و وساطة لينام في حضن أمه و هو يحمل اثم غيره
تذرعا بحبه -الذى لا ينكره أحد على والده- و الحرص على مستقبله فهو ليس الا حلقة جديدة في مسلسل افساده و تقوية شوكه الشيطان فيه .
سيتهمنى البعض بعدم المصداقية
و ان اللي ما جربش الضنى ما يتكلمش
ولكني أعلم ان هناك مواقف تكون على أعتاب الجنة و النار و هي أعتاب حادة ولا يعبرها للنجاة الا رجال عرفوا الله ..
كم دعوت الله أن يرزقني ولدا أدخل به الجنة
و رزقني الله ولدي حمزة
الذي حملته بيدي وهو لم يبلغ الأشهر التسعة بعد وواريته الثرى
و أظن بالله خيرا أنه هو من قصدته بالدعاء
و لم أحزن عليه بل سيكون يوما ما أحب أولادي
يوما ما
أحمد يا صديقي الحبيب ....أنا محظوظ اني عرفتك ....روح يا شيخ ربنا يفتح عليك كمان و كمان و يصلح لك الأمر كله :flowers:
استاذ احمد سامى بجد انت انسان محترم وكلامك اصاب كبد الحقيقة
نادر جدا لما الواحد يلاقى حد محترم بجد وفاهم سبب وجوده فى الدنيا وسبب منحه لحياة اخرى هى ابنه , فطرة حضرتك سليمة وانت كملتها باجتهادك وتنقيتك لذاتك .
ربنا يكرمك بحمزة التانى ويعوضك بيه خير
خد بالك يامحمود السجن لم يعد تأديب وتهذيب واصلاح , السجن بقى الولد يدخله نص مجرم يطلع منه مجرم عتيد الاجرام يعنى موضوع ان الاهل تتابع مع الولد بعد خروجه انساه تماما , المفروض مع دخوله السجن يستعوضوا ربنا فيه تماما .اقتباس:
المشاركة الأصلية كتبت بواسطة MoToRiZeR
(وَأَن لَّيْسَ لِلْإِنسَانِ إِلَّا مَا سَعَى{39} وَأَنَّ سَعْيَهُ سَوْفَ يُرَى{40} ثُمَّ يُجْزَاهُ الْجَزَاء الْأَوْفَى{41} وَأَنَّ إِلَى رَبِّكَ الْمُنتَهَى)
بس خدوا بالكوا يا جماعة ان وقت الإختبار نفسه بيكون الوضع مختلف، يعني أب ما شاء الله في عز شبابه و إبنه لسه طفل، صعب يتخيل نفسه في الموقف ده، انما تخيلوا أب عدى الخمسين من العمر و محتاج إبنه في السن ده يكون معاه، مش محتاجه خلف الأسوار و مستقبله ضايع، ده غير انهيار الأم و ضغوط الأهل و الأقارب و الجيران و حتى بواب العمارة و لومهم ان ازاي ما تسيب ابنك يتحبس!.. هل ده كله هايخليه برضه يسيب الولد يتحبس و يلقى جزاؤه عشان يتعلم؟ و لا هايقوم له 50 محامي عشان الولد يخرج منها؟ سؤال صعب حد يجاوب عليه.
بس كده ...ياراجل...ده انت قولت هيقول اطخه عيارين فى نفوخه و نخلص من عاره :(اقتباس:
المشاركة الأصلية كتبت بواسطة MoToRiZeR
فعلا ديه نقطة مهمة جدا....اى حد هيبص لوضوع السجن هيعرف انه مش مجرد عقاب و بس او حرمان شخص من حريته اللى هى اهم ما يملك...و لكن فى بلاوى تانية ممكن تحصل...ده غير اللى بيبقى عنده سابقة ده حتى لو حاجة مش مخلة بالشرف بعد مايخرج حياته بتبقى تقريبا ادمرت...و تأثيرها مش هيبقى عليه لوحده ..ده بيبقى ع اغلب اللى يعرفهم.....فاكيد لو فيه اب فكر فى الحاجات ديه اعتقد انه هيحاول يطلعه باى شكل.اقتباس:
المشاركة الأصلية كتبت بواسطة fiatto
هسيبه يتحمل نتيجته لو انا عارف انه واد صايع و سواقته ضايعة ....
لكن لو انا عارف انه سواقته على اده و غلبان ممكن يكون يبقى غى تصرف تانى ...:(
انا كدة ح اروح اشتري سماعة وبالطو ابيض وطقم مشارط ....
ربنا يبارك فيكم كلكم
.........
الخيارين اصعب من بعض يا محمود
انا لما كتبت ... كان لسة ما فيش خيارات في الموضوع .....
اللي بيقول انه ح يسيب الولد يتحبس و يتربى ..... لا اعتقد انه بيتكلم علي الواقع ...
يعني ح يسيب ابنة يترمي مع المجرمين والمدمنين والقتلة .... ده ابنه مش القطة بتاعته ؟؟؟؟
كل واحد اكيد ح يحاول اصلاح ما افسدة ابنة .... ويحاول يتصالح مع المصاب ...ده كلام مافيهوش جدال .....
الكلام بقي بعد كدة ح تعمل ايه في الولد الفاسد دة .....
ح تركبه عربية تاني و تسيبه يموت خلق الله .... والا ح تربيه من جديد ..... ولا ح تدخله الجيش ......
........................
الحل قبل كدة مش بعد كدة ..... احنا معظمنا اولادنا لسة صغار .... ممكن بدل من نتخيل المستقبل و نشوف ح نعمل اية ..... ممكن نعمل من دلوقتي عشان ما نواجهش مواقف من النوعية دي في المستقبل
ازااااي
- ثانيا : نحسن تربية اولادنا و نربيهم علي الخوف من الله قبل الخوف من العقاب ... وعلي تحمل المسئولية ...
اما اولا : فهي اننا نتقي الله .... عشان ربنا يباركلنا في اولادنا ....اللي بيعمل خير بيلاقيه في اولاده وصحته وماله وحياته ومماته ودنيته وآخرته ... واللي بيعمل غير كدة ...فلا يلومن الا نفسه
.......
واخيرا
بروا آبائكم تبركم ابنائكم
الاختيارات المطروحة بالاستطلاع غير منطقية
MMamdouh
احمد بيك ابراهيم
مش القصد ان الواحد يسيب ابنه يتحبس
لا طبعا ...اكيد هانقوم محاميين و نحاول نصالح المصاب و أهله ده بدون نقاش
بس محمود أعتقد يقصد لو في امكانية قفل القضية من بابها و الواد ولا كأنه عمل حاجة (كوسة جامدة يعني)
وده يبقى تزوير و ظلم مش دفاع مشروع عن الولد
انما لو المصاب اتصالح و خد فلوس أو قومنا محامي و الموضوع طلع تعويض مش حبس ..فده طبيعي واجب الأب نحو ابنه اللي بيحبه و صرف عليه سنين عمره
و بعد كده التربية لازم تصلح الباقى بس النقطة ان الولد هايكون فهم انه عمل مصيبه و كان بالفعل هايروح في داهية و يشوف يومين يوزنوا دماغه و يعقلوه ويعرف قيمة الاستقامة و قيمة الأهل
مش القصد نشهد عليه و نسجنه يعني بس ما نغضبش ربنا في ابننا
علي فكره انا عملت حاجه زاى دى بس مش خبط انسان خبط عربيه تانيه بس الكانو واقفين عرفيني وقولت ليهم لما صاحب العربيه يجي ابعتو علي البيت عشان بابا كان مستني العربيه وانا اتخرت عليه وكان عندي سعاتها 15سنه وقولت لبابا طبعا علي الانا عملته زاعق ليه شويه وبعدين روحنا عشان نشوف الراجل والعربيه لاقناء مشي
وهو ولا جه ولا سائل و خلصت علي كده بس انا عمرى ما كنت مستهتر
سيصحبك ولدك الى الجنة ان شاء الله . فهنيئا لك يا اخىاقتباس:
المشاركة الأصلية كتبت بواسطة Ahmed Samy
لو هوة غلطان يبقى يتحمل النتيجة ( يعنى لو بيجرى او كدة )
لكن لو ماشى فى امان الله و لقى واحد اتزرع قدامة لا بية ولا علية و خبطة يبقى اكيد حطلعة
انا بفكر فى الموضوع دة كتيير لأنى لما بسوق على البحر بجد حاجة تقرف كل شوية ناس بتعدى و المشكلة ان النفق بيبقى جمبهم مفيش 5 متر و كمان اكتر غباء شفتة انهم بيعدو من بعد الأوتوبيس :( يعنى مفيش اذكى من كدة ) انا ابقى ماشى ورا الأوتوبيس و الاقى واحد فى وشى مكنتش شايفة :( اعمل اية انا و هوة الى غلطان مش انا ! و على فكرة انا كذا مرة كنت حدوس ناس بسبب الموضوع دة بس ربنا بيسترها
سؤال صعب جداً:eek4:
احنا ممكن كل واحد فينا دلوقتى يتخيل هيعمل ايه بس الله أعلم لو حصل الموقف ده معانا الله أعلم هنعمل ايه
مشاعر أى أب و أم بتبقى قوية جداً و فياضة للغاية و متهيألى محدش يرضى أن ابنه يتعرض لسؤ حتى لو كان غلطان
أرجو أنه مايتفهمش من كلامى انى بأشجع على الغلط (أبداً و الله) أنا ضد التسيب و الاستهتار و الاستهانة بروح الآخرين.
بس ممكن نبص للموضوع من وجهة نظر أخرى
هو أنا هأسيب ابنى لغاية أما يعمل مصيبة و أربيه بعدها أنا مفروض أحرص على تربيته تربية صالحة من البداية علشان يكون فعلاً ليا السند و العضد بس ابن مستهتر و ضايع ده حمل عليا مش ليا.
المشكلة يا جماعة دلوقى بقت ان الأب و الأم مابقوش يربوا ، فاكرين انى أما بألبى كل طلبات ابنى المادية يبقى أنا كدة أب تمام و ده أبعد ما يكون عن الصحة .
التربية الصحيحة انى أربى ابنى من البداية على الصح و الغلط و أعلمه دينه و أقربه من ربه ، أعلمه أنه يحترم البنى آدم و يُقدس أى روح ماشية على الطريق ، نغرس فى أولادنا احترام الآخرين ، مادام أنا أسست ده فيه يبقى استحالة هيغلط .
انما ابن مستهتر و بعد كدة أقول اربيه يبقى ساعتها احنا محتاجين نربى أبوه و أمه معاه لأنهم أكيد استهانوا فى تربيته من الأول.
برغم ان آرائكم جميعا تقبل الصحة من الجانبين
لأن :
- لو سيبته يترمي في السجن عقابا له على ما فعله ... نرجع ونقول ان السجون المصرية وأي سجون عموما ما هي الا أداة لخلق المجرم المحترف الناقم على المجتمع أكثر من ذي قبل (وأسالوني انا عن السجون المصرية بالذات) .... يبقى كده فعلا الواد ضاع أكتر ماهو ضايع ... الأول كان ممكن يتربى بعد كده خلاص مافيش فيه فايدة
- لو طلعته بالسلطة والنفوذ يبقى انا كده خالفت ضميري وخالفت قول رسول الله الكريم (ص) {لو أن فاطمة بنت محمد سرقت لقطع محمد يدها .. إن ما أهلك الأمم قبلكم أنهم إذا سرق فيهم القوي تركوه وإذا سرق فيهم الضعيف أقاموا عليه الحد} أو كما قال ... وليس لي إلا ان أنتظر عقاب الله بعد ذلك
لكن أحب أوضح شيء غير منطقي شوية في الموضوع
- لو فرضنا ان أنا أب ملتزم وأسرة تحاول أن تكون في رضوان الله (اللهم إجعلنا جميعا كذلك) مش هايحصل ان ابني يطلع بهذا الشكل اللا مبالي والمستهتر لأنه أكيد هايكون نال قسط وافر من التربية الجيدة والإحساس بالمسؤلية
- ولو فرضنا اني أب من اللا مباليين بالمجتمع من حولي وكل اللى يهمني أنا وبس وفلوسي وعيالي يبقى ساعتها عادي جدا لما ابني يطلع بايظ لأني ماربتوش أصلا وعادي لما الواد يعمل كده وعادي لما أجري انا واطلعه من القضية وطظ في المجتمع
- طب لو حصل موقف زي ده لأسرة طيبة وتراعي الله في تربيتها لأولادها (لكن الموقف حصل قدر الله بقى) .... ساعتها هايكون كلي يقين أن الله سيوفق أهل المصاب وأهل الجاني لما يرضاه هو جل وعلا عما سواه وبصورة ترضي الطرفين بإذن الله ... وأكيد أهل الجاني بإذن الله هايرجعوا يربوا الواد ده من أول وجديد لأنهم ناس في الأصل محترمين
أنا لم أصوت على الإستطلاع لأني مش قادر أختار دي ولا دي لأن للاسف بلدنا بايظة وماينفعش معاها لا دي ولا دي
وربنا يحفظنا من أننا نتحط في موقف مشابه