عاوز رايكم فى موضوع مهم

**mr_sese** · 15-03-2015 12:53 AM

كنت مشارك واحد فى مشروع من خمس سنين و كنا بالنصف و بعد سبع اشهر لقى المشروع ماجبش فلوس و كان مكسبة ضعيف طلب انه يخرج منه و فعلا خرج و قلتلة خليك بشغلك فى المشروع و هاديك ربع الدخل
و انا بدات اكبر المشروع و الان المشروع اصبح بيكسب اكبر من خمس سنين 10 اضعاف و هو نسبتة زى ماهى بتزيد معايا بردك و عمرى ماستكرتها عليها على الرغم انه دورة فقط العمل لمدة 5 ساعات فى اليوم و انا على طول موالية و مهتهم بكل الاشياء الاخرى.

المهم هو طالب الشراكة معايا تانى اعمل ايه .... انا تعبت قوى قوى لما كبرتة و عمرى ماطمعت فى نسبتة اللى بتوصل الى 2000 جنيه شهريا

اعمل ايه؟

**FAR!D** · 15-03-2015 01:15 AM

الموضوع من رأيي له جانبين
1-مادي و ده حقك انك لو شايف انك محتاج شراكته يبقى وافق ولو ﻷ يبقى البزنس مافهوش صحاب و لا معارف
2-انساني لو فعلا شايف ان ظروفه محتاج انه يدخل معاك

**بحار** · 15-03-2015 01:35 AM

الشغل شغل .. دى واحده
المشروع كل همة ومشاكلة وصعوباته فى البدايه .. وهو مستحملهاش .. يبقى مايجنيش ثمارة .. دى التانيه
لو قابلك لا قدر الله صعوبه تانيه هايخلع برضه ويسيبك ويرجع تانى لما تفرج .. دى الاخيرة

**abou-yahia** · 15-03-2015 08:33 AM

الشراكه حتعود بالنفع عليك لانه حيدفعلك فلوس عشان تكون الحصص مضبوطه

وده حيخليك تستفيد من الفلوس ديه بانك تزود المشروع نفسه او توجهها الي استثمار اخر

ثانيا انت مقولتش الراجل ده اخباره ايه

يعني هل خبرته ليها عامل في نجاح المشروع ام لا

وبعدين هوه برضه صبر معاك علي 25% لما كانت بتجيب قليل

المهم احسب حتعمل ايه بالفلوس لما تاخدها وهوه ده الفيصل من وجهه نظري