حادث النيو صنى و التأمين

**احمد فهمى** · 19-03-2015 07:31 AM

الحمد لله على السلامه طبعآ يكاد يكون مستحيل التوكيل يقول لك سبب العيب او كلية هندسة والمهم ان العربيه مؤمنه وبتوكيلك بتنقل وثيقة التآمية بأسمك وبتدفع 300 جنيه تقريبآ عشان الشيك يطلع بأسمك والموضوع مش هيطول ان شاء الله ﻷنهم بساخدو العربيات الجديده يبيعوها لحسابهم ودي رغم المنظر ده هتتصلح عادي وتك ن من نصيب واحد تاني وهيخصمو من الميلغ المؤمن به نسبة هالك على سنين الاستخدام وتاخد الفلوس ان شاء الله ومتشتريش صني تانى بس المهم تتابع معاهم وتتعرف علي حد من جوه الشركه يسرع لك الاجراء

**dr_ashrof** · 19-03-2015 01:46 PM

العربية طبعا توتال لوس بس المشكلة دلوقتي ان لازم صاحب الوثيقة كان يعملك تنازل عنها في مصر للتامين وده محصلش. قدامك حلين ياتلغي كل اللي عملته وتتعامل من الاول على ان صاحبها هو اللي ساقها وعمل الحادثة والشيك يطلع باسمه او تلغي اللي عملته والراجل يروح يتنازلك عن الوثيقة وبعدها تعمل محضر بتاريخ جديد ان الحادثة لسة حاصلة وانا عملت كدة من سنة وعدت الحمد لله وياريت تكلمني افهمك 01225333564

**dr_ashrof** · 19-03-2015 01:50 PM

انما كدة مش عارف هيعترفوا بيك انك تسوق العربية بس بناء عن التوكيل ويطلعوا الشيك باسمه او ممكن يقولك العربية كدة اتباعت والثيقة متنقلتش فيرفضوا التعويض في في اخر خطوة

**hatahet** · 19-03-2015 02:00 PM

بص يا باشا الحمد لله انك سليم و طلعت منها على خير
انا كنت عملت حادثة قبل كدا و عندى خبرة شوية فى المعاملة مع التامين
اول حاجه انت لازم تعمل محضر باللى حصل لان دا بيكمل اوراق عربيتك فى الشركة بتاعة التامين
تانى حاجة بتاخد مقايسة التوكيل و تطلع بيها لشركة التامين
و هناك يحددولك معاد هيروح واحد خبير ميكانيكى فى عريتك و يروح التوكيل معاك يراجعوا على المقايسة و تحديد اعمال الصيانة بالظبط
و انت لازم تكون موجود فى اليوم دا عشان مفيش حاجة تطبخ كدا ولا كدا
بعد كدا الشركة بتاعة التامين بتراجع ورق العربية و تكاليف الصيانة و بتسالك العربية هتكلف كذا و نسبة تحملك فى الموضوع كذا نبدا فى الاصلاح ولا ايه فانت هتوافق بناء على اللى هيقولوهولك
و بعد كدا بتستنى عربيتك تتصلح ان شاء الله
و بعد كدا بتشوف مع التامين مين فيكم هحاسب التوكيل الاول
لان انا حصل معايا انى حاسبت التامين و بعد كدا وديت الفاتورة للتوكيل هما بعتولى شيك بالفلوص مخصوم منها المصاريف الاداريه
و تم بحمد الله
و الخمد لله على سلمتك و على كل حال
و انا ملاحظ ان العربيه مش توتال لوس ولا حاجه هى شكلها صعب اه لكن ان شاء الله بسيطه و ربنا يعينك

**Mohamed Bander** · 19-03-2015 03:14 PM

من الوارد يكون فيه حاجه فى الارض بدليل العربية اللى قدامك كانت بتتمرجح برضه

اهم حاجة اسال على موضوع التوكيل ده هينفع ولا لأ لان ممكن التامين ميصرفلكش التعويض لان اسم صاحب الوثيقه مش هو اللى سايق

**eng.m7md.ali** · 19-03-2015 08:02 PM

قدر الله وماشاء فعل

انا لو منك اسأل مندوب في التأمين بس ميكونش عارف حضرتك يعني تكلمه من موبيل وتحكيله الموضوع

تاني حاجة نسبة الهلاك الكلي بتاخد 90% من سعر العربية في اخر وثيقة بعد خصم 10% استهلاك والحاجات دي من قيمة الشيك النهائي .. انا شايف ان التأمين لو قالك هنصلح قولهم لا انا عايزها اهلاك كلي وهيحصل كدة فعلاً لان ده اللي حصل معايا في شركة قناة السويس مش عارف مصر للتامين زيهم ولالا

**mahmoud.69** · 20-03-2015 11:24 AM

ياجماعة ما الناس حظرت من العربية المقلب دي ورغم كدة الناس بتروح تشتريها فا الناس الي اشترتها متندمش بقا لي اننا احنا الي بنعمل في نفسنا كدة احنا لو صح عربية زي دي مافيهاش موصفات وكلها عيوب مانشترهاش هتلقي الوكيل بتعها خسر وسعتها هيبدق يخاطب الشركة في تغير العربية لكن هو شايف العريس مستني العروسة وكله بيسقف وهو بيكتب الكتاب وبياخد الفلوس

**eeee123** · 20-03-2015 03:01 PM

الصني الجديده أكثر عربيه في شوارع مصر فما هي نسبه المشاكل لإجمالي عدد السيارات و مقارنتها بباقي الموديلات علشان يكون تقديرنا للمشكله واقعي و مش اعتباطي عاطفي

**grumby78** · 20-03-2015 06:15 PM

الف سلامة على حضرتك أولا
ثانيا العربية دي موجودة في أغلب دول العالم ومنتشرة في كل حتة بما فيها الولايات المتحدة وامريكا اللاتينية وافريقيا واسيا وفي اليابان نفسها بدون مشاكل .. يمكن لان معندهمش خبراء عربيات ومحللين زينا .. ؟ ممكن .. احنا بلد الخبرات الفذة وعقدة الخواجة بكل اشكالها ..