الموضوع: حادث النيو صنى و التأمين

المشاركة الأصلية كتبت بواسطة سعد المحمدى

رحت النهاردة قالولى ان بما ان خبير قدرها ب 85 الف و الخبير اللى بعده قدرها ب 90 الف ، يبقى ناخد المتوسط 87500 :b4_556:
رفضت تانى و رحت قابلت المدير ، وعدنى انه هيتابع الموضوع بنفسه
انا مأمن ب 114 الف من عشر شهور

المفروض ان بيتخصم 10% من قيمة البوليطة او قيمة العربية في اخر بوليصة تأمين وبما ان العربية لسة في اول سنة المفروض يتخصم 11 الف من سعرها اللي هو 10% .ده في حالة الحوادث ... في حالة السرقة بتعتبر هلاك كلي بردو بس بيخصموا 25% من قيمتها بدل 10%

المشاركة الأصلية كتبت بواسطة eng f3lix

المفروض ان بيتخصم 10% من قيمة البوليطة او قيمة العربية في اخر بوليصة تأمين وبما ان العربية لسة في اول سنة المفروض يتخصم 11 الف من سعرها اللي هو 10% .ده في حالة الحوادث ... في حالة السرقة بتعتبر هلاك كلي بردو بس بيخصموا 25% من قيمتها بدل 10%

فى حاجة مهمة محدش واخد باله منها
انتى و انت بتشترى العربية بتبقى الفرحة واخداك و بتفكر تخلص الاجراءات بسرعة علشان تستلم العربية و تفرح بقى بالفلوس اللى دفعتها فى عربية ع الزيرو
فبيجى فى وسط الاجراءات وثيقة التأمين اللى 99% مننا محدش بيقراها
وحتى لو حد قرأها، الوثيقة بتبقى كام بند وخلاص و بيعتمد على مبادىء قوانين مكملة و كتيب التأمين بتاع الشركة اللى محدش بيشوف مكتوب فيه ايه
انا مثلا اكتشفت ان موضوع 5 الى 7% اقل من المبلغ المأمن به خلال اول عام ده وهم كبير
النسبة مش بس بتبقى اقل 10%
10% او سعر السيارة السوقية
وده بيحدده الخبير
يعنى لو عربية ب100 الف و هو حدد سعرها السوقى ب 70الف يبقى مش هتاخد ال 100 الف ناقص 10%
يعنى 90 الف، لأ هتاخد ال 70 الف
طبعا من حقك تعترض
بتنزل لخبير تانى يديك 80000 ، مش هتاخد ال 80 الف لا، بتاخد متوسط ال 70 و ال 80، يعنى 75 الف
يعنى حتى لو الخبير الاخير حدد سعرها 100 الف مش هتاخد غير متوسط اول تسعير 70 الف و اخر تسعير و هو ال 100 الف
هيبقى 85 الف
و هى بقى كدة ، انت مش مضيت على وثيقة، اضرب دماغك فى اقرب حيط، و لسة ... بتبيع لهم العربية بعقد مسجل، بتحاسب على المقايسة، بتحاسب على ارضية وقوف العربية فى التوكيل، و بتستنى شهر، اتنين ، تلاتة.. و كله على حسابك لانك للاسف غلطت و عملت حادثة يا مهمل. :b4_556:

انا عملت حادثة بردو فب السنة الرابعة للعربية

العربية شاريها كانت ب 84 الف ... فضلت كل سنة قيمتها تقل لحد اخر سنة وصلت 65 الف وحصلت الحادثة والعربية كانت اهلاك كلي واتخصم من المبلغ 10% اللي هو 6500 جنيه وخدت في الاخر شيك ب 58 الف تقريباً

انا مش عارف كل الشركات نظام واحد ولا كل شركة ليها نظام لاني كنت مع قناة السويس

طبعاً المقايسة تقريبا 1200 جنيه والارضية بتتحسب من ساعة مالعربية راحت لحد مايطلع القرار انها تبقي اهلاك كلي ممكن الموضوع فعلاً ياخد 10 ايام او شهر علي حسب كل شركة .. والعقد المسجل لازم هتدفعه انت وتسلم لوحات في المرور وتجيب الوصل عشان تنقل الملكية للشركة وبعد كل ده هتروح بالوصولات دي للشركة وتستني الشيك يحددولك معاد عشان تستلمه

للاسف هيا نصباية وهما بردو اللي بيطلعوا كسبانين بس في نفس الوقت وجودهم مهم في حاجات كتير لان عربيتي مثلاً اللي قيمتها السوقية كانت 65 الف بعتها في الاخر وهيا حادثة قوية باقل من سعرها في السوق ب 6500 جنيه

انا لسة ما وصلتش للمرحلة دى
انا لسة هكتب اقرار بالموافقة على مبلغ التعويض
و بعد كدة استنى اللجنة و الشئون القانونية
واضح ان كل شركة بتختلف عن التانية ، او بالاحرى بيحطوا بنود فى الوثيقة علشان تبقى مرنة فى صالحهم
الله المستعان.

السلام عليكم
اخيرا و بعد شهرين و نصف من الحادث خلصت كل الاجراءات و استلمت الشيك امس
هكتب موضوع منفصل فى قسم التامين عن العذاب و النصب المصري باسم شركات التامين...
بس حبيت اسأل سؤال
طبعا انا من ساعتها من غير عربية، و مش هشترى تاني جديد غير معروف عيوبه
فعاوز كسر زيرو او سيارة استعمال خفيف فى حدود 100 الف
تكون اتوماتيك
تنصحوني بايه
و يا ريت محدش يقولي صنى تاني
الف شكر على اراءكم مقدما