*=== (( ما يلفظ من قول إلا لديه رقيب عتيد )) ===*
عرض للطباعة
*=== (( ما يلفظ من قول إلا لديه رقيب عتيد )) ===*
زي ما حضرتك مؤمنة بحرية التعبير في ناس كتير أوي مؤمنة بحرية قلة الأدب لأن دي هي حرية التعبير عندهم
أنا كذلك بطلت أعلق في أي صفحة أو موقع محتواه مخالف لآرائي لأن تعليقي إما مش هينشر من الأساس يا إما لو اتنشر لازم وحتما ولابد هيترد عليه بقلة أدب وسفالة تصل إلى قذف الأم وسب الأب
احنا وصلنا لمرحلة إن مش بس المواضيع السياسية هي اللي بيترد عليها بسفالة ، بل وصل الأمر حتى للمواضيع التقنية مثلا فتلاقي اتنين بيتبادلوا السباب بالأب والأم علشان واحد متعصب للآيفون والتاني متعصب لسامسونج !!
احنا وصلنا لوضع مزري ملوش مثيل وثورة يناير فعلا أظهرت أسوأ ما فينا اللي كان مستخبي ورا البطش الأمني والتدين المزعوم
الحل هو تجنب التعليق طالما المكان اللي هنعلق فيه مش بيعاقب المخطئ وبيحذف كلامه لذلك المكان الوحيد اللي بعلق فيه هو منتدى نايل موتورز لثقتي في رقابة المشرفين الحاسمة وعدم تحيزهم لحد دون حد غير كده مش بشارك حتى صفحتي على الفيس مش سايب فيها حد أصلا من المخالفين إلا قليل أوي بس عارف إن أخلاقهم مش هتسملحهم بقلة الأدب والتطاول