أيهما افضل السيارة الدفع الامامى ام السيارة الدفع الخلفى ؟

**Sameh** · 10-12-2009 08:41 AM

أنا معاك طبعاً إن أسعار الكورونا هتبقا أغلى كتير من الكبالن أكتر من الضعف على الأقل ، بس السؤال هو كام مرة هتحتاج تغيرها فى عمر العربية ، أعتقد إنها بتعيش أكتر من ضعف الكبالن
المقارنة بتاعت الريجاتا وال 131 منطقية ، بس ال 131 دى اشتغلت أد إيه قبل ما بدأت تحتاج كورونا ؟ أنا سوقت شاهين اللى هى نسخة من ال131 لمدة 10 سنين ماحتاجتش فى الكورونا أكتر من الزيت

العيب اللى يخص المساحة اللى بتشغلها الكورونا أنا كنت هكتبه فعلاً فى مشاركتى الأولى وبعدين لما افتكرت شكل الكورونا بتاعت المرسيدس وبتاعت السوبارو قلت دى مش قاعدة وصانعى العربيات هم اللى لسة متمسكين بتصميمات قديمة ورخيصة فى حين فيه تصميمات متطورة وحجمها صغير ، فقلت العيب ده ماينفعش يتعمم طالما له حل حسب تصميم وميزانية صانع السيارة

خلينا نتفق إن مافيش حاجة أفضل على الإطلاق طبعاً وأكيد فيه مزايا وعيوب فى كل نظام ، الفاصل دايماً إنت بتفضل إيه وممكن تتستغنى عن إيه (مثلاً بتفضل أداء بالشكل الفلانى ومش مهم لما كل شوية أبص على الزيت ، أو مش فارقة معايا الفروق دى بس مش فاضى كل شوية أبص على حاجات فى العربية أهو لما تبوظ هروح أغيرها وخلاص ، وهكذا)
وتقبل احترامى لحضرتك

**maka** · 11-12-2009 07:07 PM

اولا انا سعدت بالمناقشة مع حضرتك

بس لو عمر الكورونا 100 الف و الكبالن لو وصلت ل 50 الف يبقى الكبالن اريح

و ممكن حضرتك فى ال 10 سنين متكونش قطعت كيلوات كتييرة

و فعلا الموضوع نسبى و حسب احتياجات الشخص من عربيته

و لك خالص مودتى و احترامى

**mostafa_9128** · 20-12-2009 03:06 PM

المشاركة الأصلية كتبت بواسطة eng.geo

انا عايز اعرف انت مش متفق مع المثال ولا فكرة ان الدفع الخلفي افضل؟؟؟؟
علي العموم انا متفق معاك في جزء معين ولكن قوة الجسم ممكن تكون ثابتة لو زودت القوة يعني لو زودت عدد اللي بيزقوا ومثال ليها انك لو حبيت تزق حاجة تقيلة و جيت تزقها بصباع واحد هتلاقي ان صباعك بيتهز وهتفضل تزق اكتر وهنا هيوجد اختلاف في القوة وبكدة مش هتبقي ثابتة طيب لو زقتها بايدك كلها الاهتزاز هيقل وهتتزق اسهل طيب لو في اكتر من ايد هتتزق افضل بكتير و تعتبر قوة ثابتة يعني قريبة من ثبات التسارع بتاع الموتور

انا بس مش متفق مع المثال لان في تاس كتير بتقول المثال ده بس انا شايف انه مش صحيح
لان لو في جسم معين و انت اثرت عليه بقوة شد من قدام و جسم زيه في الوزن و الابعاد اثرت عليه بنفس القوة بس بالدفع من الخلف الجسمين هيمشوا بنفس السرعة و التسارع لان مجموع القوي ثابت في الحالتين
ده رأيي من وجهة نظر الميكانيكا اللي درستها

**Sameh** · 22-12-2009 08:17 PM

كلام مظبوط طالما نفس القوة بتأثر على نفس الوزن يبقا مايفرقش إتجاه القوة فى الموضوع (ماحدش يقولى هتفرق لو زقينا العربية من الجنب إحنا بنتكلم إنها تمشى مع العجلات)
المثال بتاع الزق أو الجر بواسطة الإنسان مش فى محله لأن حركة جسم الإنسان معقدة جداً عن حركة السيارة ، وبيشترك فيها عضلات كتيرة ومفاصل يعنى نظام روافع ، ودى بتختلف أثناء الدفع أو أثناء الجر ، يعنى القوة مش متساوية ماينفعش نقارن بين الوضعين ، وإلا لو الخلفى أحسن يبقى نربط الحمار ورا العربية الكارو مش قدامها

**Tayer** · 22-12-2009 11:59 PM

أنا بفضل الدفع الخلفى (انا معايه بيجو 504 دفع خلفى ) و بتخيط أى دفع أمامى و العربيه موديل 79 يعنى يقالها 30 سنه مبعملش فيها حاجه غير أنى بشيك على الزيت كل فين و فين

**mostafa_9128** · 23-12-2009 10:18 AM

المشاركة الأصلية كتبت بواسطة Sameh

كلام مظبوط طالما نفس القوة بتأثر على نفس الوزن يبقا مايفرقش إتجاه القوة فى الموضوع (ماحدش يقولى هتفرق لو زقينا العربية من الجنب إحنا بنتكلم إنها تمشى مع العجلات)
المثال بتاع الزق أو الجر بواسطة الإنسان مش فى محله لأن حركة جسم الإنسان معقدة جداً عن حركة السيارة ، وبيشترك فيها عضلات كتيرة ومفاصل يعنى نظام روافع ، ودى بتختلف أثناء الدفع أو أثناء الجر ، يعنى القوة مش متساوية ماينفعش نقارن بين الوضعين ، وإلا لو الخلفى أحسن يبقى نربط الحمار ورا العربية الكارو مش قدامها

هو ده اللي انا قصدي عليه
هو بس الفرق بين الامامي و الخلفي هيبقي في ال weight transfer و هو ان في الشد بالعربيه بتلاقي ان التحميل علي العجل اللي ورا اكتر من اللي قدام و ده بسبب ال inertia بتاعت العربية و ده علي التسارع العالي فقط و بيخلي في تماسك اكتر للعجل الخلفي عن الامامي

**seqoia** · 23-12-2009 10:24 AM

الخلفي اثبت
ولكن المامي اقوى سحب عند تساوي حجم المحرك

**Moh.Abdelbaset** · 23-12-2009 10:32 AM

من وجهة نظري الدفع الخلفي
و ديه جملة قالها جيريمي كلاركسون عن الموضوع ده
All keen drivers will tell you that
front-wheel drive modern cars are
for the weak.
And that if you're at all serious
about your driving, you have to have
a car with rear wheel drive.

**Sameh** · 23-12-2009 08:11 PM

المشاركة الأصلية كتبت بواسطة mostafa_9128

هو ده اللي انا قصدي عليه
هو بس الفرق بين الامامي و الخلفي هيبقي في ال weight transfer و هو ان في الشد بالعربيه بتلاقي ان التحميل علي العجل اللي ورا اكتر من اللي قدام و ده بسبب ال inertia بتاعت العربية و ده علي التسارع العالي فقط و بيخلي في تماسك اكتر للعجل الخلفي عن الامامي

تمام كدة
أضف كمان نوع القوة اللى بتأثر على شاسيه العربية فى الحالتين ، فى حالة الخلفى بتبقا قوة إنضغاط compressive strength وفى حالة الأمامى بتبقا قوة شد tensile force ، ومعروف إن معظم المواد اللى فى الدنيا بما فيها الحديد المكون لشاسيه العربية بتكون قوة تحملها للإنضغاط أضعاف قوة تحملها للشد ، وبالتالى إحتمالية تعرض الشاسيه للكسر أو الشرخ بعد فترة طويلة من الخدمة أو ما يعرف بالكلل المعدنى ....l fatigue (ميتال فاتيج مش عارف مش عايزة تتكتب ليه) هيكون إحتمال حدوثه أكبر فى الجر الأمامى عن الدفع الخلفى
(لأن الشاسيه فى الخلفى هيعمل تحت تأثير قوة فى مدى تحمله بعامل أمان محترم ، أما فى حالة الأمامى برضه هيكون متماسك طبعاً مش هيتكسر وانت ماشى إنما مش بعامل أمان مماثل للخلفى)

**Eng.Geo** · 23-12-2009 08:28 PM

عفوا لخطأ المثال
انا فكرت اكتر في المثال ولقيته فعلا غلط وده لان العضلات المستخدمة في الشد غير المستخدم في الدفع وبكدة يبقي المثال خاطئ (ارجوا ان تتقبلوا اعتزاري )
انما فكرة ان الخلفي ولا الامامي فهي برده الخلفي افضل
اما بالنسبة لفكرة ليه الحصان بيبقي في الامام مش في الخلف : فده مش راجعة لان الشد افضل ولكن الفكرة في ان الحصان فيه القوة اللي بتمشي العربة وفيه التوجيه اللي بيوجه بيه والخاصيتين لا يمكن الفصل بينهم فعشان التوجيه ييقي لازم يكون الحصان قدام ماينفعش يكون ورا
شكرا ليكم

مشاهدة نتائج الإستطلاع: ايهما افضل ؟؟ وايهما تفضل ؟؟

الموضوع: أيهما افضل السيارة الدفع الامامى ام السيارة الدفع الخلفى ؟

LinkBack

أدوات الموضوع

عرض

-

-

-

المواضيع المتشابهه

عضو هونداوى و محتاج مشوره من اهل الدفع الخلفى

تعدبل السيارات ذات الدفع الخلفى بكل انواعها و موديلاتها هنا

تغييرالمحركات لسيارات الدفع الخلفى

تجربتى مع الدفع الامامى والخلفى

الدفع الخلفى ولا الجر الامامى

الكلمات الدلالية لهذا الموضوع

المفضلات

المفضلات

ضوابط المشاركة