الموضوع: أيهما افضل السيارة الدفع الامامى ام السيارة الدفع الخلفى ؟

المشاركة الأصلية كتبت بواسطة Eng.Geo

عفوا لخطأ المثال
انا فكرت اكتر في المثال ولقيته فعلا غلط وده لان العضلات المستخدمة في الشد غير المستخدم في الدفع وبكدة يبقي المثال خاطئ (ارجوا ان تتقبلوا اعتزاري )
انما فكرة ان الخلفي ولا الامامي فهي برده الخلفي افضل
اما بالنسبة لفكرة ليه الحصان بيبقي في الامام مش في الخلف : فده مش راجعة لان الشد افضل ولكن الفكرة في ان الحصان فيه القوة اللي بتمشي العربة وفيه التوجيه اللي بيوجه بيه والخاصيتين لا يمكن الفصل بينهم فعشان التوجيه ييقي لازم يكون الحصان قدام ماينفعش يكون ورا
شكرا ليكم

مظبووووط

المشاركة الأصلية كتبت بواسطة eng.geo

انا افضل الدفع الخلفي وانا شايف انه الافضل
وفكرة انه الامامي اكثر انتشارا مش عشان الافضل ولكن اوفركتير في الانتاج فالمصانع بتحاول توفر
اما بالنسبة لمن هو الاقوي في السحب فهو الخلفي وفي مثال
تخيل انك طالع كوبري وعايز تتطلع حاجة بتزقها ياتري انهي افضل طريقة عشان تطلعها لو شدتها من قدام هتبذل مجهود جبار اما لو زقتها من الخلف فهتتحرك بمجهود اقل
والدليل علي كدة انك لما تكون بتزق عربية حتي مش بتشتغل فبتزقها من الخلف مش بتشدها

لو الكلام ده صحيح كانوا خلوا جرار القطر يدفع من الخلف مش يشد من الامام

يا جماعه ما احنا اتفقنا المشكلة مش قدام ولا ورا طالما نفس القوة اللي بتاثر مافيش مشاكل المشكله في الweight transfer
و بعدين كل واحد بيجيب امثلة غريبة و بتخرج عن الموضوع الاساسي و كل مثال له حالته الخاصة و حساباته

والله على طول الناس بتشكر فى الدفع الخلفى عن الجر الامامى ويقولوا عشان الكرونه احسن من الكبالن الى كل شويه بتبوظ
عاوزين حد يقولنا مميزات وعيوب كلا منهم ؟

المشاركة الأصلية كتبت بواسطة ahmed_h_g

لو أحمال يبقى خلفى لكن لو سرعات يبقى أمامى
يعنى لو معاك عربيه وحبل وقلتلك حركها من مكانها
العربيه لو تقيله من الصعب انك تشدها من مقدمتها ولكن ممكن تدفعها من الخلف والعكس .

no comment

المشاركة الأصلية كتبت بواسطة sameh

وضع الموتور : فى الأمامى وضعه عرضى بالفتيس بالكبالن وده يخلى العربية من قدام أتقل بكتير من ورا ، فى حين فى الخلفى الموتور وضعه طولى وبيبقا الفتيس تقريبا فى نص العربية غير الكورونا اللى ورا بوصلاتها ، بيكون توزيع الوزن على العجلات الأربعة أفضل بكتير من الأمامى وده يعزز الثبات فى الملفات وفى الفرامل الشديدة
.

طيب ماهو كدة فرق توزيع الوزن الكامل للسيارة بين الأمامي و الخلفي هيعادل قوة ربط الكاوتش بالأسفلت, يعني:
لو الأول كان أمامي و الوزن متركز قدام عن ورا فا ده هيزود إلتصاق الكاوتش الأمامي بالأسفلت عن الخلفي.
وفي الخلفي الوزن متوزع بالتساوي قدام زي ورا يبقى مع التسارع (ووزن السيارة بيترمي لقدام) يوصلك لنفس توزيعة الوزن للأمامي أثناء الثبات (بدون تسارع).
و بكدة يبقى الأمامي أثناء التسارع أفضل من الخلفي.
بس محتاجين نعرفة نسب توزيع الوزن للأمامي و الخلفي عند الثبات و أثناء التسارع علشان الكلام يبقى مظبوط.
في الفرامل و مع وجود ال abs و ال ebd في كل السيارات يبقى مفيش فرق بين الإثنين (أمامي و خلفي)... و الله أعلم.
أحمد سامي

المشاركة الأصلية كتبت بواسطة Horsepower

طيب ماهو كدة فرق توزيع الوزن الكامل للسيارة بين الأمامي و الخلفي هيعادل قوة ربط الكاوتش بالأسفلت, يعني:
لو الأول كان أمامي و الوزن متركز قدام عن ورا فا ده هيزود إلتصاق الكاوتش الأمامي بالأسفلت عن الخلفي.
وفي الخلفي الوزن متوزع بالتساوي قدام زي ورا يبقى مع التسارع (ووزن السيارة بيترمي لقدام) يوصلك لنفس توزيعة الوزن للأمامي أثناء الثبات (بدون تسارع).
و بكدة يبقى الأمامي أثناء التسارع أفضل من الخلفي.
بس محتاجين نعرفة نسب توزيع الوزن للأمامي و الخلفي عند الثبات و أثناء التسارع علشان الكلام يبقى مظبوط.
في الفرامل و مع وجود ال abs و ال ebd في كل السيارات يبقى مفيش فرق بين الإثنين (أمامي و خلفي)... و الله أعلم.
أحمد سامي

هو الإستنتاج مبنى على فرضية مش مظبوطة - أثناء التسارع وزن العربية بيترمى لورا مش لقدام حتى إنك بتلاحظ إن بوز العربية بيترفع شوية مش كدة ، إنما الوزن بيزيد قدام فى حالة الفرامل مش التسارع وبتلاقى بوز العربية بينزل لتحت كأن حد دايس عليه أو كأنك حطيت عليه وزن تقيل

فى حاجة تانية ودى للتوضيح بس إن التوزيع فى الخلفى مش متساوى قدام زى ورا فى كل العربيات ، صعب أوى يكون كدة لأن هتجيب منين وزن فى الخلف يساوى وزن الموتور والتكييف والرادياتير والبطارية و ... ، إنما المقصود إن الفروق بين ورا وقدام بتبقا أقل من الفروق فى الأمامى (عشان آلات الجر كلها اتشالت من قدام وباقت ورا + الوضع الطولى للموتور بيخلى الفتيس تقريباً فى نص العربية) وطبعاً دى ميزة إن الإختلاف يبقا أقل وعلى حد علمى الشركة الوحيدة اللى بتحرص على ده جداً هى بى إم دبليو ودايماً يقولوا فى الدعايا بتاعتهم إنهم محققين نسبة 50% ل 50% لتوزيع الوزن بين قدام وورا عشان ده بيعزز الثبات ، فأكيد هم مش صارفين أبحاث وتصميمات وبيفتخروا بنقطة مش ذات أهمية

اكتب على جوجل BMW 50:50 weight distribution واتفرج على الشغل العالى بتاع الشركات الكبيرة

وتقبل تحياتى