اسئله حول الفيكترا c و الاسترا h

**FAR!D** · 19-03-2015 04:11 AM

شباب القسم
1- ايه الفرق مابينهم بخلاف الحجم طبعا ؟؟
2-هل الاتنين تعليق خلفي مالتي لينك ؟
3-هل ليهم مشاكل معروفه او متكررة ؟ (عيب تصنيع متفق عليه )
4-هل الماتور قادر على العربيتين تمام ولا ضعيف ؟
5الفتيس الايزيترونك له مشاكل بخلاف فكره انه لازم يتراعي انه مانوال ؟
6-متوسط الأسعار للعربيتين كام ؟
7-ايه افضل مميزات كل عربيه فيهم و ايه نقاط الضعف لكل عربيه فيهم ؟
8-انا معايا في حدود 75 اخرهم 80 يجيبوا انهوا واحده حاله كويسه و أنهوا فئه بالتحديد ؟
عارف انها مقارنه طويله و مفصله لكنها اكيد حتساعدني و حتساعد غيري فبالتالي محتاج ارآء الملاك فقط و شكرا

**احمد فهمى** · 19-03-2015 08:31 AM

المشاركة الأصلية كتبت بواسطة FAR!D

شباب القسم
1- ايه الفرق مابينهم بخلاف الحجم طبعا ؟؟
مفيش فرق ملحوظ غير فسوفت وير كنترول الفتيس لكن نفس التكنولوجيا
2-هل الاتنين تعليق خلفي مالتي لينك ؟
ايوا
3-هل ليهم مشاكل معروفه او متكررة ؟ (عيب تصنيع متفق عليه )
البوبينه بتضرب وميكاترونيك كنترول الفتيس كلها مشاكل
4-هل الماتور قادر على العربيتين تمام ولا ضعيف ؟
على ا لاسترا كويس على الفيكترا لا
5الفتيس الايزيترونك له مشاكل بخلاف فكره انه لازم يتراعي انه مانوال ؟
الفتيس مانيول ملوش مشاكل لكن كنرول الفتيس والميكاترونيك كلها مشاكل
6-متوسط الأسعار للعربيتين كام ؟
فى التمنينات
7-ايه افضل مميزات كل عربيه فيهم و ايه نقاط الضعف لكل عربيه فيهم ؟
ثبات ممتاز وفرامل وصالون مريح وواسع والمشاكل هي الموضحه فوق
8-انا معايا في حدود 75 اخرهم 80 يجيبوا انهوا واحده حاله كويسه و أنهوا فئه بالتحديد ؟
يجيبو استرا اول فئه حاله كويسه
عارف انها مقارنه طويله و مفصله لكنها اكيد حتساعدني و حتساعد غيري فبالتالي محتاج ارآء الملاك فقط و شكرا

الرد تحت النقط

**FAR!D** · 19-03-2015 11:14 AM

شكرا لردك يا استاذ احمد لكن شايفك مركز جدا على موضوع مشاكل الفتيس في الاتنين
هل الموضوع ده اساسي فيها يعني بيجي كع كل عربيه من المصنع؟ عارف انك كان معاك الفيكترا حصل معاك كده قبل ماتبيعها ؟
هل العطل ده بيظهر مع اهمال تغيير الزيوت في ميعادها مثلا ؟ ولا هوا كده حيجي حيجي ؟

**Abdo Taha** · 19-03-2015 01:11 PM

المشاركة الأصلية كتبت بواسطة FAR!D

شكرا لردك يا استاذ احمد لكن شايفك مركز جدا على موضوع مشاكل الفتيس في الاتنين
هل الموضوع ده اساسي فيها يعني بيجي كع كل عربيه من المصنع؟ عارف انك كان معاك الفيكترا حصل معاك كده قبل ماتبيعها ؟
هل العطل ده بيظهر مع اهمال تغيير الزيوت في ميعادها مثلا ؟ ولا هوا كده حيجي حيجي ؟

بص يا باشا المشكلة بتبقى شربون في كنترول الفتيس او clutch actuator بالتحديد و ده بيبقى عمره كده بيتصلح من 500 الى 1000 جنيه حسب اللي بتصلح عنده و تقعد معاك 100 الف متعملهاش تاني لو انت هتغير طقم الدبرياج في معاده و فتيسك سليم و لو بتسافر كتيير المشكلة دي مش هتقابلك قريب زي اللي بيمشي اكثر في الزحمة

بالنسبة لمشكلة الموبينة لو عايز تتجنبها تغير بوجيهاتك في معادها و تبقى gm اصلي

انا معايا فيكترا سي من الزيرو

حصل حوار الموبينة ده مرة معايا و غيرت حساس كرنك و حوار كنترول الفتيس ده صلحته عادي بس قرفه ان العربية مبتمشيش بسببه لو حصل

لكن غير كده الحمدلله كله تمام

الموتور على الفيكترا سي بالنسبة لي مش حلو اوي طلعتها تقيلة و تجميعها مش حلو على السرعات المنخفضة خصوصا على ال rpm القليل

الاسترا h الايزي ترونك فيها احسن شوية لأن وزن العربية اخف و تجميعها احسن كتيير بس كثبات الفيكترا احسن شوية

**FAR!D** · 19-03-2015 02:54 PM

المشاركة الأصلية كتبت بواسطة ashourashour

العربيات المحترمه اللي لسه فيها خير
الاسترا تبدا من 80
الفكترا سي المانيوال 83
الفكترا سي الايزيترونك تبدا من 97

ممكن تلاقي ارخص من كدا في استرات ب 75 و فكترات ب 90 بس كل سنه وانت طيب ملهاش لازمه

الفتيس الايزيتلرونك مشكلته الاساسيه فتقبله والاحساس بالنقلات و كل 60 الف لازم تغير الميكانزم بتاع كنترول الفتيس او تعمله صيانه عشان متعطلش وتبهدلك

الاسترا فالركوب ورا اريح من الفكترا الفكترا

الاسترا تورشن بيم
الفكترا مالتي لينك

فتيس الاسترا نسب واسعه وايد رانج
فتيس الفكترا نسب قريبه كلوزد رينج
الفتيسين ميركبوش مكان بعض نسب التروس مش هيا هيا (يركبوا ميكانيكا بس الكنترول هيدي f بدايه من الرابع )

شوف موضوع ليا عن الاختلاف بين الفتيسين

الله ينور عليك بصراحه

**FAR!D** · 19-03-2015 02:55 PM

المشاركة الأصلية كتبت بواسطة abdo taha

بص يا باشا المشكلة بتبقى شربون في كنترول الفتيس او clutch actuator بالتحديد و ده بيبقى عمره كده بيتصلح من 500 الى 1000 جنيه حسب اللي بتصلح عنده و تقعد معاك 100 الف متعملهاش تاني لو انت هتغير طقم الدبرياج في معاده و فتيسك سليم و لو بتسافر كتيير المشكلة دي مش هتقابلك قريب زي اللي بيمشي اكثر في الزحمة

بالنسبة لمشكلة الموبينة لو عايز تتجنبها تغير بوجيهاتك في معادها و تبقى gm اصلي

انا معايا فيكترا سي من الزيرو

حصل حوار الموبينة ده مرة معايا و غيرت حساس كرنك و حوار كنترول الفتيس ده صلحته عادي بس قرفه ان العربية مبتمشيش بسببه لو حصل

لكن غير كده الحمدلله كله تمام

الموتور على الفيكترا سي بالنسبة لي مش حلو اوي طلعتها تقيلة و تجميعها مش حلو على السرعات المنخفضة خصوصا على ال rpm القليل

الاسترا h الايزي ترونك فيها احسن شوية لأن وزن العربية اخف و تجميعها احسن كتيير بس كثبات الفيكترا احسن شوية

شكرا يا باشا و الله ينور

**Abdo Taha** · 19-03-2015 07:26 PM

المشاركة الأصلية كتبت بواسطة far!d

شكرا يا باشا و الله ينور

بس اهم حاجة الحالة تبقى كويسة جدا كميكانيكا و كهرباء بالذات لكن لو مش تمام ابعد عنها تماما

الاوبل يتركب حالة كويسة تحب العربية جدا

حالة وحشة هتكره العربية الا لو انت حبيت تشدها و تظبطها بقى

**FAR!D** · 19-03-2015 02:56 PM

المشاركة الأصلية كتبت بواسطة م أحمد

كدة يبقى صرفت النظر عن ال 406

ههههه لا خلاص كنت
ال406 ان شاء الله

-

الموضوع: اسئله حول الفيكترا c و الاسترا h

LinkBack

أدوات الموضوع

عرض

العرض المتطور

-

-

-

المواضيع المتشابهه

شباب الاسترا h و الفيكترا c

شويه اسئله ومشاكل مقابلانى فى الفيكترا بى ..

شكلي هبيع الفيكترا بسبب عصابة الفيكترا

الفيكترا ولا الاسترا

الكلمات الدلالية لهذا الموضوع

المفضلات

المفضلات

ضوابط المشاركة