السلام عليكم يا شبااب .. يارب تكونو كلكم كويسين ...

عندى شويه اسئله ومشاكل كده وعاوز اراءكم .. واعذرونى لأنى ناوى ازهقكم بس من عشمى فيكم بقا

بسم الله الرحمن الرحيم نبدأ ..

1- مشكله حراره : مبدئيا انا مركب الترموستات الاصفر وترموستات الكوعه راكب والمراوح شغاله سرعتين ...بس الله اعلم القوه مظبوطه ولا لأ ..

اتجاه المراوح .. المروحه الكبيره بتجيب هوا لجوا (يعنى باحط ايدى بينها وبين الموتور تلاقى هوا ) والمروحه التانيه بحس بهوا لبرا (لما بحط ايدى قدام شبكه الاكصدام اللى تحت بحس بهواها ) هل اتجاهاتهم صح كده ولا ايه ؟

من غير تكييف الحراره فى الزحمه الصبح اخرها 90 -92 وتنزل وكذلك بالليل .
مع التكييف والزحمه الصبح بتزيد (مش بعد وقت طويل - بمجرد دخول الزحمه ) وتفضل تعلا لحد 97 رغم ان المراوح شغاله ع السرعه التانيه - قفلت التكييف بعدها فالحراره نزلت- ..بالليل والتكييف اخرها 92 ..

مع العلم ..العربيه فى الطوالى والقرص 160 مثلا بلاقى الحراره 90 رغم المفروض تنزل ..شكيت فى شكمان غيرته ولسه المشكله ..كده ردياتير صح ؟ انصحونى بحد فى مدينه نصر يفكه ويسلكه و يظبطه ..وايه احسن ميه احطها لأن الميه اللى حاططها حاليا عاديه ..و بتنقص حاجه بسيطه جدا جدا كل فتره فمستبعد احتمال التسريب ..

نقطه تانيه .. السرعه العاليه للمراوح مش بتشتغل بمجرد تشغيل التكييف .. يعنى السرعه البطيئه بتشتغل لحد ما الحراره توصل 91 مثلا تبدأ السرعه العاليه تشتغل .. هل ده الطبيعى ؟؟ ولا المفروض السرعه العاليه تشتغل اول مااشغل التكييف بغض النظر عن الحراره ؟؟

2- العربيه ال RPM مش بيزيد للتسخين فى اول الدواره (زى الكورى واليابانى مثلا ) ومش بيزيد مع تشغيل التكييف .. بيفضل ثابت .. هل ده الطبيعى ؟؟
3- الRPMعندى وانا ماشى على سرعه 100 بيكون 3 بالظبط .. هل ده عالى ولا طبيعى؟؟وعند حضراتكم كام ؟؟ الموتور 1600 الاسود ..وايه اللى يخلى عربيتين زى بعض ال RPM مش زى بعض على نفس السرعه لأنى شفتها كتير ومش عارف تفسيرها ؟ ..

3- اقصى سرعه جبتها بيها 180 على طريق الساحل .. ممكن يكون ايه السبب رغم انى لسه معمر ؟ ...ولا كده رضا اصلا خصوصا ان الكرنك على ما افتكر كان 0 30 ..مش اول عمره يعنى ..
4- التكييف بيجيب ميه ع الدواسه اليمين رغم تسليك الفايظ وبالكشف الظاهرى السريع واحد قالى ان الكويل مكسور وان مفيش ضرر منه الا موضوع الميه .. هل ده صحيح ؟ وايه تكلفه اصلاحه ؟مؤقتا لحمته بسيليكون وبرضه جاب ميه بس اخف من الاول ..بالمره السرعه الرابعه للهوايات مش شغاله .. ايه حلها ؟؟
5-بما ان مقاس الكاوتش الاستوك 14-185-70 .. يبقى بالحسابات على جنط 15 يكون 15-195-60 احسن مقاس .. (وده اللى انا مركبه ) .. ازاى مقاس العربيه الاستوك برضه بس 15 بيكون 15-195-65 ؟؟ عشان انا احترت لما عرفت ان ده الاستوك رغم انه فارق كتير عن 14-185-70 ؟

6 -هل مساعدين ال 2000 يركبو على ال1600 سواء امامى او خلفى ؟
7-سعر فوانيس البى 1 الخلفيه ديبو جديد بكام ؟ و بتوع البى 2 بكام ؟
8 - هل موتور تحريك قمره النور الواطى بيركب عادى على الفانوس الديبو الامامى ولا لازم الاصلى ؟
9- سعر السقف كامل بفتحه السقف كهربا بالرف بالفرش .. يعمل كام ؟ لأنى سمعت تفاوت كبير . قشطه و الشاطر 1800 - خطاب والعايدى 1500 - سفينه اوبل قالى 850 !!

اتمنى متكونوش زهقتو منى !!! وربنا يعينكو فى الردود اللى مستنيها على احر من الجمر بمعنى الكلمه ! :))