-
حقيقى انا استفدت جدات من موضوع الصيانة دة
ومشكور بشدة
-
انا جبت قطع الغيار كلها من الوكيل فى السعودية وطبعا كله أصلى و دى الأسعار
فلتر هواء : 160
تيل فرامل : 250
فلتر بنزين : 375
طنابير : 1100 عشان عندى مشكلة فى الدركسيون بسببهم
طبعا دى الأسعار بالجنية المصرى اعتقد الأسعار متقاربة ماعدا التيل وفلتر البنزين .. معرفش الطنابير تعمل كام فى مصر .بس وزنتهم لقيتهم 10 كيلو ما شاء الله داهية
هل لو سحبت هواء من الفرامل فى مشاكل ولا عادى ؟
-
جزيل الشكر لسيادتكم
مرررررررررررررررررررجع
-
-
السلام عليكم
سؤال غريب؟
أنا لما يكون معايا ضمان وأروح التوكيل ... بدفع في التوكيل تمن الحاجه والا بدفع المصنعيه بتاعت التركيب و التغيير
-
هو الحقيقة كلمة ضمان دي احيانا بتكون مش واضحة لناس كتير ..الضمان معناه ضمان ضد عيوب الصناعة طوال فترة الضمان للأجزاء الميكانيكية والكهربية ما عدا المستهلكات
يعني بالطبع الحوادث او الخبطات (سواء جامدة او بسيطة وسواء سمكرة ودهان او فوانيس مكسورة او مشروخة ) ليس لها علاقة بالضمان وانما التأمين هو اللي بيغطيها
كذلك المستهلكات من سيور وفلاتر وتيل فرامل واسطوانة دبرياج وبوجيهات دي خارج الضمان
يمكن حد يقول امال كده هيتبقى ايه .. لأ طبعا هيتبقى مليون حاجه في العربية الضمان مغطيها زي كل اجزاء المحرك والتكييف والردياتير والشكمان والفتيس باجزاءه والعفشة باجزاءها والتابلوه والكمبيوتر وحاجات كتير جدا كل ده ضمانه 3 سنوات او 100 ألف كيلو متر أما البطارية فضمانها سنة واحدة
خلال فترة الضمان لو فيه جزء تلف مغطى بالضمان بيتم استبداله (قطعة غيار جديدة) وتتحمل الشركة الأم (ميتسوبيشي اليابان) تكلفة قطعة الغيار وتكلفة المصنعية (التركيب) من خلال مطالبة ضمان يقدمها الوكيل للشركة الأم بشكل دوري
وبالتالي فالوكيل ليس له اي مصلحة في رفض اصلاح ضمان او ادعاء ان تلف قطعة الغيار هو عيب استخدام وليس عيب صناعة لأن الشركة الأم هي المتحملة
-
شكرا يا بشمهندس أنا كده خدت بالي وفهمت
-
شكرااااااا جدا و فعلا مجهود رائع و اتمنى يكون في خصم لأعضاء نايل موتورز حتى يكتمل التألق و التميز المستحق للموقع و للأعضاء.....
-
عزيزى المهندس / طارق
جزاك الله خيرا على المجهود و المعلومات الرائعه التى تضيفها لرواد المنتدى
لى استفسار بسيط هو هل هناك تعليمات بعملية تشحيم للعفشه للسيارات البومه ام لا ؟ و اذا كان هناك تشحيم فما نوع الشحم و كميته و سعره ؟
و جزاك الله خيرا
-
بسؤال مهندسي التوكيل افادوا ان اللانسر ليس لها تشحيم نهائي
Content Relevant URLs by
vBSEO 3.6.0 PL2