يا م . طارق انت مش فاضي ولا اية علشان تفدني باسعار الحجات ال قولتك عليها
يا م . طارق انت مش فاضي ولا اية علشان تفدني باسعار الحجات ال قولتك عليها
هو انا معايا ميتسوبيشى جالانت 84 هل ممكن اوديها التوكيل يظبطها ولا الحاجات دى بطلت خلاص اضيها عند صنايعيه وانى افضل...
طيب فرضنا انها مش متوفره ممكن اجيبها من بره وهما يركبوها....ولا هايرفضو
استاذى البشمهندش طارق
تحية طيبة وبعد.........
انا اشتريت لانسر شارك من اسبوع ( وكيل ) هاى لاين
ممكن حضرتك تقولى اعمل ايه الفترة اللى جاية بالتفصيل
والعربية عاملة 750 كيلو وانا عايش فى المنيا يعنى مسافة 300 كيلو ولسه مرخصتش العربية
عايز اعرف بقى من حضرتك كل خطوة بالتفصيل لغاية لما اطلع من مركز الصيانة بعد صيانة الالف
ولك منى وافر التقدير والاحترام
لو قطع ميكانيكا ومش اصلية فهيتم رفض تركيبها في التوكيل لأنه هيكون مسئول عن الصيانة اللي تمت
ألف مبروك العربية
لو سؤال حضرتك معناه المطلوب عمله في الألف الأولى او التحذيرات يعني فكل المطلوب عدم زيادة السرعة عن 90 كيلو او عدد لفات المحرك عن 3000 لفة في الدقيقة وممكن تشغل التكييف عادي بدون مشاكل
وفي صيانة الألف الأولى بيتم تغيير زيت المحرك والفلتر ومراجعة على العربية بشكل عام ويفضل تغيير زيت موبيل وان او ما يكافئة علشان تقعد بعدها 10 آلاف كيلو مش بتعمل حاجة في العربية غير البنزين
لا انا قصدى يعنى لازم اكون مرخص العربية ولا مش لازم الترخيص
ولو العداد عدى 1000 كيلو مثلا 1200 هاتترفض صيانة ال 1000 ولا عادى
ولو السرعة زادت ووصلت لل 140 ده ممكن يعمل حاجة فى العربية ولا ايه
تكاليف صيانة ال 1000 كيلو لانسر شارك
عملتها من يومين هى
290 زيت موبيل 1
55 فلتر زيت
10% ضريبة
الاجمالى 379 جنيه مصرى
بس فى حاجة مش كويسه مدى تعامل مركز الصيانة مع العملاء انا اسف جدا ( زبالة )
واسف جدا انى اشتريت لانسر علشان وكيلها وصيانتها بجد عيب
واسف جدا للبشمهندس طارق على الكلام ده بس دى الصراحة
فى هناك شوية موظفين ماينفعش يبقوا خدمة عملاء
قبل ما تسأل واحد سؤال يأما يرد عليك بتريقة واستظراف وكنت هموت واحد منهم بسبب دمه الخفيف
او يرد عليك بنرفزة معرفش او استنى يابيه شوية انت مش شايفنى مشغول
الحكاية بالظبط كأنك فى مصلحة حكومية قديمة وموظفينها اسف ................... !!!!!!!
بشمهندس طارق ليا طلب عند حضرتك وهو وضع جدول الصيانات الدورية لى الانسر الشكل الجديد ( القرش )
لأنى روحت التوكيل من قريب لقيت فى حاجات مش بتتعمل زى اللى مكتوبة فى بداية الصفحة فكنت عاوز اعرف التفاصيل
شكراً