بوجيهات 99 ج
- فلتر بنزين 506 ج
الاسعار الجديد 22/4/2009
بوجيهات 99 ج
- فلتر بنزين 506 ج
الاسعار الجديد 22/4/2009
معذرة توكيل مجدي شاهين للسيارات الخليجي في الأسكندرية الأسعار مختلفة
فلتر هواء 265 جنيه وبيغيروه على 20000
وبيغيرو معاه بوجيهات (80 جنيه) وتيل فرامل أمامي( 385 جنيه)
ممكن تفيدوني بفلتر البنزين بيتغير على كام كيلو وليه سعره غالي جدا بالمقارنة بالماركات الثانية ويا ترى سعره برة التوكيل كام
فلتر البنزين بيتغير كل 40 ألف كيلو
وهو غالي زي ماركات تانية كتير بتشترك كلها في ان الفلتر في تنك البنزين وهو غالي كذلك في كل الماركات التانية
بخصوص نايل موتورز باذن الله هيكون لهم خصم خاص قريبا رسمي لأنه حتى الآن بيتعمل لكن مش رسمي
السلام عليكم ازي حضرتك يا باشا و عامل اية بقالى كتير بعيد عن المنتدى الجامد بتاعنا دة لظروف خاصة يا ترى حضرتك لسة عند وعدك ليا بخصوص الخصم بتاعنا الى هيبقى طبعا مش اقل من 50%:biggrin:ولا اية و كمان انا قربت على صيانة ال30000ك يا ترى نفس الاسعار الى مكتوبة ولا زادت ارجو التوضيح علشان ابدا اعمل الجمعية من دلوقتى:satelite:
باسم باشا فينك من زمان مختفي ليه لعل المانع خير
صيانة 30 ايه يا راجل اللي تحوش لها ، التحويش بيكون لصيانة الأربعين والتمانين بس انما التلاتين دي يا دوب زيت وفلتر وشوية صيانة خفيفة انما انت وحظك بأه في موضوع التيل يعني لو العربية محتاجة هنسألك الأول معاك فلوس تدفع ولا هنحجز على العربية
شرفنا بس وخصم الـ 50% على الشاي والقهوة ساري طبعا اطمن
باشا ربنا يخليك المانع كان الحمد لله خير اولا كنت بعمل عمرة و ثانيا شوية لخبطة فى الشغل اية الخصم الجامد دة الى اعرفوة ان الخصم على الشاى و القهوة مش 50% ولكن100% ودة من كرم اخلاقك بس حضرتك بردوة مردتش عليا فى الخصم بتاعنا وكمان انا اكيد محتاج تيل و طبعا احتمال خرط طنابير فيا ريت تقولى بجد التكلفة كاملة كام بالتيل و خرط الطنابير و بدون و شكرا يا كبير
الأسعار تقريبا هي نفسها ما عدا الصيانة 120 بدلا من 100 يعني :
صيانة الثلاثين ألف كيلو متر:
زيت موبيل وان 210 ج
فلتر زيت 50 ج
الصيانة (فردية) 120 ج
اذا احتاجت تيل فرامل :
تيل فرامل 385 ج
تركيب تيل فرامل 40 ج
خرط الطنابير 80 ج
كل ما سبق + 10 % ضريبة مبيعات
وباذن الله فيه خصم 10% على المصنعيات و 5% على الزيوت وقطع الغيار
اية الخصم الجامد دة..:k49:...
شكرا يا باشمهندس طارق علي ذوق حضرتك وعلي الاهتمام المذهل دة بأعضاء المنتدي ...
وإن شاء الله في صيانة الالف الاولي اقابل حضرتك وتكون بصحة جيدة إن شاء الله.
الاستاذ طارق
انا اول مرة ادخل الموقع ومبسوط جدا من ارائك ، عندي سؤال ...انا عربيتي 2008 بومة 1300 سي سي
لما كنت بعمل صيانة 30 الف المهندس قاللي ان الطنبورة لازم تتغير ،ممكن تفسر لي السبب في الكلام ده
سامي حسن
بسم الله الرحمن الرحيم
اللهم صلي على سيدنا محمد وعلى آله وصحبه أجمعين
السلام عليكم ورحمة الله وبركاته
معالي الباشمهندس/ طارق باشا
إن شاء الله ناوي أعمل صيانة العشرة آلالف يوم الإثنين القادم 27/7/2009
فهل لازم أحجز .
أنا قرأت لحضرتك مشاركة من قبل إن صيانة العشرة آلاف مش محتاجة حجز لو هروح يوم غير السبت
وأتمنى من الله إني أقابل حضرتك في هذا اليوم .