اقتباس المشاركة الأصلية كتبت بواسطة Mohab.Nabil مشاهدة المشاركة
هو بصراحة انا بدأت اقتنع بيها شوية خصوصا ان العربية هتبقى شخصية و هو لسه معندوش اسرة .. فعلا فى فئة الهاتشباك مفيش اى منافس ليها .. عندك السى 4 اختها نازلة من غير تربو و فيها نص اوبشنز الـ 308 تقريبا غير ان الفيس ليفت بتاعها نزل خلاص يعنى كلها سنتين تلاتة و تغير الشكل خالص ..

الشكل حلو فعلا من ورا حلو جدا من قدام يعنى كويس بس مش شاددنى اوى بصراحة بس مع الليد شكله حلو و هى واقفة مش داخلة دماغى اوى .. من جوة التابلوه فاضى شوية بس برضه كويس يعنى بالنسبة لى احسن كتير من الليون مثلا و فى الاول و الاخر الشكل ده اذواق و مفيش عربية كل الناس هيقولوا عليها حلوة او وحشة ..

المساحة للاسف انا مجربتش اقعد فيها بس انا شايف اكتر من حد بيشتكى من المساحة خصوصا ورا يا ترى رأى حضرتك ايه ؟

الاوبشنز طبعا العربية مميزة جدا فى النقطة ديه و تقريبا مش ناقصها الا حاجات بسيطة اوى زى الـ start/stop و الفاميه و النافيجيشن بس عموما الاوبشنز نقطة تميز للعربية

بنزين 92 ديه نقطة كويسة جدا برضه و فى صالح العربية ، الاداء مفروض يبقى قوى جدا مع الموتور التربو و الحمد لله الفتيس و الموتور متجربين يعنى ان شاء الله ميبقفاش فيها مشاكل زى معظم العربيات التربو فى مصر

التوكيل بصراحة مجربتوش و الاراء متضاربة عليه ناس بتشكر جامد و ناس بتشتم جامد و الله اعلم هل هو كويس فعلا ولاا لا

السعر فعلا عالى شوية بس منطقى بالنسبة للعربيات التانية فى السوق ، انا كنت بقارنها بالفئة الثانية فى الـ 508 تقريبا نفس الاوبشنز و فرق حوالى 34 الف جنيه .. بالنسبة لاعادة البيع ففعلا اى عربية هاتشباك بتخسر جامد فى مصر خصوصا ان العربية تمنها عالى فى الاول فلازم حضرتك تبقى عامل حسابك انها هتخسر و ديه ضريبة ان الواحد يركب عربية محترمة فى مصر

كل الريفيوز اللى شفتها فعلا متحيزين للجولف و الغريب ان ردود الناس عليهم من برة بتأكد كده و اكتر من حد من انجلترا اكد ان العربية احسن من الجولف فى حاجات كتير و ان اللى بيعملوا ريفيوز متحيزين للجولف ( عندهم عقدة الجولف زى عقدة الخواجة عندنا كده ) ههههه

اللون ده مفروض يا باشا انا جايب الصورة من موضوع لعضو فاضل هنا و مفروض الصور ديه من مصر فياريت تتأكد من التوكيل من الموضوع ده لأن العربية ديه كانت متصورة فى مصر و ممكن نحاول نسأل صاحب الموضوع كانت فى معرض ايه لأن اللون فعلا مميز و ان شاء الله تقدر تلاقيه

شكرا على معلومة التست درايف

الفيوجن انا للاسف مشوفتهاش فى الحقيقة لأنها نادرة فى اوروبا بس شكلها من الصور انها عربية تحفة فعلا و ان كان اكتر من حد قال ان التوكيل منزل انتريور تعبان اوى فى مصر

ان شاء الله ربنا يوفق حضرتك و يوفقنا لأفضل اختيار
باشا انت عبقري الصورة فعلا في مصر قدام بسكلته بتاع العجل، من الاخر انا مش حدفع شقا عمري و مجيبش اللون ده باذن الله هوا السلفر و فرش غامق حعملهم مجنون في التوكيل، باشا العربيه سافله من قدام مع الفانوس الفول ليد ابو ٦ اللاف جنيه هاهاها دي اغلي حاجه في العربيه زي مالتوكيل قالي باقي قطع الغيار في المتوسط زي ٥٠٨، ننسي تماما الجولف عشان موضوع قتل بحثا بعد dsg و ال tsi و التوكيل السيئ، العربيه من ورا مش ضيقه جيده يعني اوسع مثلا من fabia sedan و ١١٦ القديمه اما الصيانه فالوكيل قالي مش حكدب عليك و اقولك ان احنا ممتازين بس انسي اباظة و اعتبرنا احسن الوحشين ، من الاخر بلدنا في رايئ الشخصي مفيهاش غير اتنين عليهم القيمه الفطيم هوندا و غبور، انا اتعاملت مع سكودا زبااااله ورينو غالي و ٦ سنين مع تويوتا كانوا ممتازين بس قلوا اوي عن زمان، الباقي اردم ، صاحبي جايب ٣٠٠٨ عمل اول صيانه ٢٥٠٠ ببلاش بيقولي الناس شكلها محترم و عمل صيانه ٢٠ الف لعربيه مراته ٢٠٧ ٢٠١٢ دفع ٨٠٠ ج يعني اعتقد مفيش حاجه تخوف ، بعد الاجازة بعون الله اعمل التست درايف واطمن علي موضوع الارتفاع اللي واكل دماغي و اقولكوا علي الخلاصه
الحمد الله ان محدش جاب سيرة اللون الموكا اللي الشعب المصري كله خاوتنا بيه هاهاهاهاها و كل سنه وانتوا طيبين