الموضوع: مقابله عيد ميلاد المنتدى الثامن -كل سنه وانتم بخير

المشاركة الأصلية كتبت بواسطة solyahmed

اولا كل سنة ونايل موتورز اكبر ومن تقدم الي تقدم
ثانيا اسمحولي انتقد القرار باقامة ايفينت مهم وسنوي في مكان بعيد لا يسمح لكل من يرغب في حضوره بسهولة الوصول والمشاركة
حفل عيد ميلاد المنتدي يجب علي الاداره الحرص علي ان يكون فية اكبر نسبة من الاعضاء لمنتدي فية حوالي نصف مليون عضو . حرص الاداره علي حضور اكبر عدد من الاعضاء يظهر في التفكير في جميع حالات الاعضاء مثلا اللي باع سيارته ولسة لم يشتري مثلا عضو لا يمتلك سياره طيب دول حيقدروا يروحوا السخنة ازاي ??
لو حدث مهم زي ده اتعمل في القاهرة بما انها محافظه مركزية مش ممكن اللي اي حد يجي ولو مواصلات ويشارك في الداي يوز وحتي اللي جي من المحافظات ساعاتين ويبقي في القاهرة ويشارك برضوا
ما فيش اوتيل في القاهرة في اكتوبر او مركب نيلية او حتي الاوتيل السابق جراند بيراميد بينفع كل ده لا يصلح لاقامة حدث رئيسي والسخنة بس هي اللي تنفع
علي سبيل المثال انا من اسكندرية السنة اللي فاتت صاحي الساعة 5 الفجر ونازل الساعة 6 ماسك الطريق 7 واصل الفندق الساعة 1 ظهرا بما فيهم ساعة ونص ماشين غلط الاتجاه التاني ناحية برتو واستلمنا الغرفة بعد ساعة في الاستقبال من الزحمة يعني داخل الغرفة الساعة 2 (مشوار ابن تييت)
للاسف الاداره بتسيطر عليها فكرة التصيف المبكر بصرف النظر عن الاهتمام بنسبة مشاركة الاعضاء من عدمة يعني اهم حاجة دوروا عليها الملاهي المائية مش مشاركة اعضاء او سهولة الوصول او راحة الاعضاء وبما ان الاداره الرئسية من القاهرة والسخنة قريبة منا يعني ساعاتين زمن يبقي نطلع السخنة طيب والناس اللي من محافظات تانية حد فكر فيهم ..لا طيب حتي اللي من القاهرة ومعندهوش عربية حد فكر فية… برضوا لا كل ده امور ثانوية غير مهمة واهم حاجة هي فكرة التصيف المبكر , حيث اصبحت السخنة هي المقر الرسمي لعيد ميلاد المنتدي .
واخيرا ورغم ان عيد ميلاد المنتدي حدث احرص علي المشاركة فية سنويا الا انني اعتذر مع الاسف عن الحضور هذا العام . واخر الكلام نصيحتين اتقدم بهما اولهما كان ممكن تعملوا الافينت الرسمي في القاهرة وعشاق التصيف في السخنة تحددلهم معاد ثانوي تتطلعوا فية مع بعض هناك
النصيحة التانية السخنة يعني برتو وما حولها من فنادق او علي الاقل ستيلا دي ماري وطبعا الرد ان الفنادق دي غالية وحرصا علي الاعضاء والتوفير الاماكن دي غير مناسبة… يااااراجل
عيد ميلاد سعيد نايل موتورز

القاهرة مفيهاش أماكن كويسة للتجمعات اللي زي دي احنا بنروح السخنة علشان نغير جو ونشم هوا نقي بعيد عن هواء القاهرة الملوث فلو المقابلة اتعملت في القاهرة برده قليل اللي هيروح لأننا كده معملناش حاجة احنا ما بنصدق نلاقي حاجة تطلعنا من القاهرة وجوها ومفيش أحلى من منظر البحر والقاهرة مفيهاش بحر فها ترعة اسمها نهر النيل !
زائد إن الإدارة كانت ناوية في البداية تعمل المقابلة في برج العرب بس الناس اعترضت لأنها لا محصلة بحر ولا محصلة اسكندرية ! فغيروها للعين السخنة بس مكان تاني غير السنة اللي فاتت
أخيرا السخنة مش بعيدة وطريقها رائع وفاضي أنا عندي أروح السخنة ولا أروح الهرم مثلا أو الجيزة !