بصراحه كده الواحد غلب حماره

كل لما تشوف حد متجوز وتكلمه عن الجواز يقعد يقول يا ريتني وندمان وكلام من ده

والشباب اللي في سننا هيموت ويلاقي شريكه حياته اللي تناسبه ويتجوز
انا عن نفسي موضوع الارتباط والجواز ده معشعش في دماغي ونفسي الاقي بنت الحلال اللي تكمل معايا حياتي

بصراحه كده ومن غير مبالغه هل كل اللي متجوزين ندمانين وتعبانين في حياتهم ولا هما بيهرجوا فقط

وهل كل البنات فيهم الطابع النكدي ولا في بنات بنت حلال بتسعد زوجها وتقف جانبه؟؟

علي العموم كلامي ده مش كلام واحد مراهق وبيحب علي نفسه

انا طبيب لسه متخرج وعندي 24 سنه وبدات افكر جاديا في حوار الجواز ده بس للاسف بنت الناس المحترمه الجميله الي من عيله محترمه بقت عمله نادره اوي

وعلي فكره رغم اني طبيب بس عمري ما فكرت اني ارتبط بطبيبه لاني عارف ان الطب بيقتل معني الانوثه داخل المراه الا من رحم ربي

عايز الرائكم في الموضوع ده بجد .. ويا ريت لو في تجارب ليكم لكي تعم الافاده

خاصه لو في تجارب في جواز الصالونات