ناس عايزه تتجوز وناس ندمانه علي الجواز

**hitman235** · 29-03-2015 10:36 AM

موضوع الجواز فيه متغيرات كتير من ضمنها الفلوس و الوسط الاجتماعى الى انت فيه و سنك و حاجات تانيه كتير
بس بشكل عام فى العصر الحالى الفلوس ليها عامل كبير فى السعاده
فلوس كتير + سن صغير + شغل مافيهوش مرمطه = راحه و روقان بال و سعاده و هتختار الى تتجوزه بسهوله ( غالبا ما بيحصلش الا لو بابى و مامى مرتاحين و جابولك الشقة و العربيه و الوظيفه المريحه)

فلوس قليل + سن صغير + شغل فيه مرمطه = هتتفشخ فى حياتك و هتتمرمط لحد ما تعمل قرشين لو عملتهم اصلا ( نسبه كبيره من الناس كده) و ممكن تتجوز بدرى اه بس بصعوبة انك تلاقى حد يرضى بيك و هتتمرمط فى جزء كبير من حياتك و هتمرمط عيالك معاك من الاخر هتبقى نسخه من اهلك الفقراء فى الغالب

**Ahmedmiy** · 29-03-2015 12:46 PM

بسم الله الرحمن الرحيم

الحمد لله والصلاة والسلام على رسول الله نبينا محمد خير خلق الله

دكتور ميدو صلاح توكل على الله بصدق وألح بالدعاء اليه عز وجل وقريبا إن شاء الله تغير توقيعك

كم احترمك يا زوجتى , لن اتنازل عنك بعدما ايقنت انك اصيله بجد

سبحان الله العظيم وبحمده

سبحان الله وبحمده سبحان الله العظيم

**hossam_elwani** · 30-03-2015 12:37 AM

اتزوج واحده غير المصريه

**mr_safwt** · 30-03-2015 12:39 AM

المشاركة الأصلية كتبت بواسطة medosalah

استاذ صفوت... انا يمكن الكلام اللي هقوله ده هيبقي من وجهه نظري كشاب .. ودي برضه وجهه نظر زمايل كتير ليا.. مش عارف حضرتك هتتقبلها ولا لا .. بس انا هعرض وجهه نظري ونتحاور فيها
بس ارجو ما حدش يفهمني غلط او يفتكر اني دي وجهه نظر شاب مراهق

مش معني ان الواحد يقبل ان مراته تشتغل يبقي هيشغلها في مثل هذه الشركات

انا ذكرت قبل كده بعض الوظائف اللي من رايي غير مهينه للمراه

مدرسه... صيدلانيه .... مدرسه في حضانه.... جميع الهيئات الحكوميه واخري

انا كنت زي حضرتك بالظبط في فكره ان الست ليها بيتها بس بصراحه لما فكرت تراجعت عن الفكره

كل اللي اعرفهم حواليا بلا استثناء وزوجاتهم ربات بيوت بيعانوا من هذه المشكل

1) الزوجه فاضيه للنكد والخناق 24 ساعه في ال 24 ساعه
2) الزوجه تشعر انها لم تحقق زاتها .. شايفه زوجها مركزه بيكبر قدامها. طبعا بتفرحله بس حاسه انها اتظلمت
3)مستوي تفكيرهم ياخذ في التدني تدريجيا حتي يصل الي التفاهه فقط.. لا يتحدسون الا في الطبيخ والفوط والملايات والبطاطين
4)لا يوجد اي اهتمام بنفسهم علي الاطلاق وده بيبدا بعد الزواج بفتره قصيره جدا قد تصل الا سنتين او اقل
5)وسط اي خلاف زوجي.. الزوجه تقول لزوجها انا اللي عملتك يقوم رادد عليها يقولها انتي ميين اصلا وده بيعمل شرخ في العلاقه يستحيل اصلاحه
6)وزن الزوجه يزيد تدريجيا واهمال نفسها (بحجه انها مشغوله في البيت والاولاد) يزيد تدريجيا حتي تجعل زوجها يسب ويلعن الجواز ويبدا يبص لبره ويكره حياته

برده الزوج معزور... الفتن حوليه في كل ناحيه

انا مش ابرر له انه يعصي ربه بس بعزره لو سب ولعن في الزواج

اهتمام الزوجه بنفسها مش حراااام ومش كماليات ومش عالم فاضيه
ايه المانع ان الزوجين يعيشوا مع بعض طول عمرهم في حب وتفاهم

على فكرة انا متفق مع حضرتك فى جزء كبير و فعلا انا شايف ان فية وظايف لازم تبقى اللى بتقوم بيها انثى
زى الدكتورة والمدرسة لانى طبعا عايز اللى يكشف على اهل بيتى تكون دكتورة واللى تعلم بنتى تكون مدرسة
لكن بجد اكتر وظيفة بكرهها للست ويمكن عشان دية وظفيتى هى الهندسة بجد انا مش شايف اطلاقا انها تصلح للسيدات
وبالنسبة للستات اللتى لا تعمل دلوقتى الانترنت بقى مفتوح للثقافة والعلم والكتب كلها بالمجان فالست اللى عايز تفضل مواكبة الحياة هتستغل الوقت الفاضى فى انها تطور نفسها

**AHMED12345678** · 30-03-2015 02:33 AM

مع احترامى لجميع الاراء
لكن من تجربة زواجى وتجارب زواج اخوتى واصدقائى
مهما اختلفت مواصفات الزوجة الى عاوزها شريكة حياتك من شخص لاخر
وكل شخص معتقد ان مواصافاته هى الافضل التى ستحقق له السعاده او حتى الحد الادنى من السعاده
الا ان رغم اى مواصفات فالجواز زى ما قال المثل عامل زى البطيخ يا حمرا يا قرعه وانت ونصيبك

**medosalah** · 30-03-2015 05:17 AM

المشاركة الأصلية كتبت بواسطة ESO101

معلش اسمحولي هقول كلمتين صراح
وأنا عارف فيه نسبة كبيرة هنا
بيتكلم بعاطفية بعيدة كل البعد عن الوقع

أولًا مجتمعنا ( طبقي ) وكل المجتمعات طبقية بشكل أو بآخر
ومش عيب نكون طبقيين طالما دا هيحقق لنا حياة أفضل

فمفيش أي مشكلة لما الأب يختار لبنته حياة إجتماعية أفضل
ودا مش في كل الأحوال سببه ( الفلوس ) !
لكن شخصية الشخص اللي نشأ في بيئة مرتاحة ماديًا أو غنية
تختلف إختلاف جذري عن شخصية اللي نشأ في طبقة إجتماعية متوسطة أو كادحة

و دا بيبقى في معاملته مع زوجته ونظرته ليها على انها ( كيان مش أقل منه ) أو ( حاجة تانية )
وعشان أكون أكثر صراحة وربما فيكم من يعتبرها وقاحة ولكنها الحقيقة
فيه ذوقيات ومستوى من التعامل مش موجود عند كتير من أبناء الطبقة الكادحة
يعني فكر فيها كدا ... واحد متربي على قيم معينة هيحط إيده فإيد راجل شايف بنته ولا أخته ( ساندوتش ) !

ناس كتير من طبقات في المجتمع معندهمش أدنى مشكلة مع الفكرة دي وشايفين بناتهم ساندوتشات فبتالي بالهنا والشفاعليهم كلهم
لكن شخصيًا ليا وجهة نظر مقتنع بيها .. أختي ولا بنتي تعيش معززة مكرمة في بيت أهلها ومديهاش لحد شايفها كدا لو آخر راجل في الدنيا
بغض النظر بقى عن مستواه المادي إيه ... دا شكل من القيم مرفوض !

لكن محدش له حق يصف البنت اللي أهلها بيحددوا مهر وطلبات معينة يحدد المستوى القيمي والثقافي والإجتماعي والمادي المناسب لبنتهم إنها لحمة و رخيصة ..
هوا عشان حضرتك مش قادر توصلها هتشتمها وتنتقص منها !

لاء المهر وطلبات الأهل مش معناها أي حاجة إلا إن دا المستوى الإجتماعي ( بكل تبعاته ) اللي عايزين بنتهم تعيش فيه
اللي ميقدرش على الطلبات دي .. يبقى هوا أساسًا مش من الطبقة المناسبة ( بكل تبعاتها ) !

فبتالي دا حق مشروع للأهل إنهم يحددوا المستوى الإجتماعي والمادي والثقافي اللي يليق ببنتهم

ومش معنى كدا إن كل واحد يقدر على المهر هيتم قبوله ! المفروض إنه يكون بالمستوى الأخلاقي والثقافي المناسب

ولكن عمومًا اللي عايش في مستوى معين بيكون عنده مجموعة من القيم الغالبة عليه
اتعلم بمستوى معين والدته ووالده تعاملهم مع بعض بشكل معين إتربى على قيم معينة
فبتالي نظرته لزوجته وتعامله معاها بيفرق
ومش بس زوجته دا ( نسب ) و علاقات هتقوم بين عيلتين لازم كمان مستوى العيلتين وتفكيرهم وقيمهم يكونوا على نفس النمط
و أبناء وحياة هتقوم بين زوجين لازم يكون جيل واخد قيم معينة الأهل من حقهم يضمنوا لبنتهم حياة تحققلها المستوى المناسب

كلام محترم و سليم جدا ...

احب اضيف حاجه كمان

عندنا في الطب النفسي بندرس ان الحب ما هو الا مجموعه من الهرمونات اللي الجسم بيفرزها في اوقات معينه .. اهمها هرمون السيرتونين وهرمون الدوبامين .. seretonin and dopamin>>
دول هرمونات تتفرز في حالتين فقط .. ان الواحد يسمع خبر كويس او يقابل من يحب.. او ياكل بعض الاطعمه مثل الشوكولاته والكاكاو(الجاتوه)

دي من الاخر هرمونات الحب

علشان كده اطباء علم النفس بينصحوا الشباب انهم في المقابله الاولي بتاع التعارف بين الطرفين .. يجب عدم تناول الكاكاو او اكل الجاتوه والايس كريم والشوكولاته علشان ده هياثر علي تفكير الطرفين وممكن يعمل نسبه من الانجزاب والارتياح الكازب المؤقت

طب هل الحب يقدر يقوم علاقه لوحده دون دعائم اخري؟؟؟

الاجابه لا لا لا

اهم 4 دعائم في الزواج هم (التدين .. تناسب المستوي الاجتماعي.. تناسب المستوي الثقافي والدراسي.. التفاهم بين الطرفين)

يليهم 2 دعائم عير اساسيه ولكنها تقوي العلاقه(تناسب المستوي المادي .. والحب)

يعني من الاخر كده انسب وانجح العلاقات والزواج هو المبني علي التدين والتفاهم وتناسب المستوي الاجتماعي والفكري والثقافي ثم بعد الزواج ينشا الحب ويتساوي المستوي المادي للاسره لانهم بقوا اسره واحده

ولكن العلاقات التي تبني فقط علي الحب دون ادني تناسب بين العيلتين .. يتصدموا من الواقع فيما بعد .. تبدا الخلافات والنزاعات والقيل والقال واحساسيه بين الزوجين لو طرف اقل في التعليم من الاخر او لو اسره تفكيرها مختلف عن الاخر وتبقي الخلافات ويتبخر الحب جتي تنتهي العلاقه في الخر غالبا الا النفصال

كل الكلام ده بناء علي دراسات ومعلومات من طب النفس

وفقا لاخر احصائيه من الجهاز المركزي للتعبئه العامه والاحصاء ان نسبه الطلاق في مصر تعدت ال 40 في الميه

يعني كل 10 بيتجوزوا ... منهم 4 بيطلقوا

يعني من الاخر الموضوع مش حكايه بابي ومامي معاهم قرشين وبيجوزا الواد ابنهم ويجيبولوا الشقه والعربيه

الموضوع هو التناسب بين الطرفين هو اهم شيء لبناء اسره مترابطه وسعيده

**medosalah** · 30-03-2015 05:27 AM

المشاركة الأصلية كتبت بواسطة ahmed12345678

مع احترامى لجميع الاراء
لكن من تجربة زواجى وتجارب زواج اخوتى واصدقائى
مهما اختلفت مواصفات الزوجة الى عاوزها شريكة حياتك من شخص لاخر
وكل شخص معتقد ان مواصافاته هى الافضل التى ستحقق له السعاده او حتى الحد الادنى من السعاده
الا ان رغم اى مواصفات فالجواز زى ما قال المثل عامل زى البطيخ يا حمرا يا قرعه وانت ونصيبك

بس برده الواحد لما يحب يجيب بطيخه كويسه لازم يعمل اللي عليه

بيروح لفكهاني يعرفه كويس وبيحاول ينقي البطيخه كويس ويبقي عمل اللي عليه والباقي علي ربنا

يعني الواحد لما يختار شريكه حياته اكيد هيسال عن الاهل والعيله ويقعد معاهم اكثر من مره وبيتعامل معاهم في ظروف مختلفه وبيشوف طباعها وطباعهم وطريقتها في التعامل مع اهلها ومستوي التدين

وبعد كده ياخد قراره

**Ahmedmiy** · 30-03-2015 07:37 AM

المشاركة الأصلية كتبت بواسطة ESO101

معلش اسمحولي هقول كلمتين صراح
وأنا عارف فيه نسبة كبيرة هنا
بيتكلم بعاطفية بعيدة كل البعد عن الوقع

أولًا مجتمعنا ( طبقي ) وكل المجتمعات طبقية بشكل أو بآخر
ومش عيب نكون طبقيين طالما دا هيحقق لنا حياة أفضل

فمفيش أي مشكلة لما الأب يختار لبنته حياة إجتماعية أفضل
ودا مش في كل الأحوال سببه ( الفلوس ) !
لكن شخصية الشخص اللي نشأ في بيئة مرتاحة ماديًا أو غنية
تختلف إختلاف جذري عن شخصية اللي نشأ في طبقة إجتماعية متوسطة أو كادحة

و دا بيبقى في معاملته مع زوجته ونظرته ليها على انها ( كيان مش أقل منه ) أو ( حاجة تانية )
وعشان أكون أكثر صراحة وربما فيكم من يعتبرها وقاحة ولكنها الحقيقة
فيه ذوقيات ومستوى من التعامل مش موجود عند كتير من أبناء الطبقة الكادحة
يعني فكر فيها كدا ... واحد متربي على قيم معينة هيحط إيده فإيد راجل شايف بنته ولا أخته ( ساندوتش ) !

ناس كتير من طبقات في المجتمع معندهمش أدنى مشكلة مع الفكرة دي وشايفين بناتهم ساندوتشات فبتالي بالهنا والشفاعليهم كلهم
لكن شخصيًا ليا وجهة نظر مقتنع بيها .. أختي ولا بنتي تعيش معززة مكرمة في بيت أهلها ومديهاش لحد شايفها كدا لو آخر راجل في الدنيا
بغض النظر بقى عن مستواه المادي إيه ... دا شكل من القيم مرفوض !

لكن محدش له حق يصف البنت اللي أهلها بيحددوا مهر وطلبات معينة يحدد المستوى القيمي والثقافي والإجتماعي والمادي المناسب لبنتهم إنها لحمة و رخيصة ..
هوا عشان حضرتك مش قادر توصلها هتشتمها وتنتقص منها !

لاء المهر وطلبات الأهل مش معناها أي حاجة إلا إن دا المستوى الإجتماعي ( بكل تبعاته ) اللي عايزين بنتهم تعيش فيه
اللي ميقدرش على الطلبات دي .. يبقى هوا أساسًا مش من الطبقة المناسبة ( بكل تبعاتها ) !

فبتالي دا حق مشروع للأهل إنهم يحددوا المستوى الإجتماعي والمادي والثقافي اللي يليق ببنتهم

ومش معنى كدا إن كل واحد يقدر على المهر هيتم قبوله ! المفروض إنه يكون بالمستوى الأخلاقي والثقافي المناسب

ولكن عمومًا اللي عايش في مستوى معين بيكون عنده مجموعة من القيم الغالبة عليه
اتعلم بمستوى معين والدته ووالده تعاملهم مع بعض بشكل معين إتربى على قيم معينة
فبتالي نظرته لزوجته وتعامله معاها بيفرق
ومش بس زوجته دا ( نسب ) و علاقات هتقوم بين عيلتين لازم كمان مستوى العيلتين وتفكيرهم وقيمهم يكونوا على نفس النمط
و أبناء وحياة هتقوم بين زوجين لازم يكون جيل واخد قيم معينة الأهل من حقهم يضمنوا لبنتهم حياة تحققلها المستوى المناسب

بسم الله الرحمن الرحيم

الحمد لله والصلاة والسلام على رسول الله نبينا محمد خير خلق الله

يمكن أكون بقرأ المشاركة ديه فى مزاج مش كويس

لانى مزاجنجى بصراحة

من العجائب أن النقد يتوجه حسب الهوى وفى نفس السطر القناعة بنفس النقد

قبل اى حاجة انا مريض
فعلا بفكر بعاطفية وبفصل نفسي عن الواقع علشان امكانيات عقلى محدوده فى فهم الواقع .. ومفيش لحمة رخيصة خالص وفعلا مش لاقى واحدة ترضى بواحد مثلى وعلشان كده بحاول اشوه صورتهم ،،، عايز كمان حاجة انا مش راجل اصلا ومبعرفش وكمان مجنون وعصبي وعندي انفصام فى الشخصية ومش فاهم اى حاجة من حولى ومش عارف افرق بين مستويات الناس الثقافية ،وكمان عاطل وفاضي لتحليل الناس علشان اقول ده حلو وده وحش و دماغي مهويه ، يعنى ضايع خالص
أتمنى كده تكون عرفت التحليل المظبوط لشخصيتى الشاذه فكريا.

عارف كويس الناس الى بتظهر كده فى اوقات مناسبة وممكن أقولهم بالاسم كمان ،، ونصيحة ليهم ولنفسي بصدق والله علشان المرض ده خطير وبيقتل صاحبه ويدمره تماما وبيخسر كل حاجة مفيش علاج غير بالايمان بالله والتسليم والرضي بما يريد لعباده عز وجل.

الفقرة القادمة تهديد جامد جدا

الصحافة الصفراء والحمراء بتجيب زباين وبتعمل فلوس .. بس بعد كده بتفضل السمعة زى بيوت الرذيلة الفخمة شكلها حلو ومفروشة أغلى فرش بس الى ساكن فيها معروف هما مين

ومن الذكاء طبعا ان محدش يرد على المشاركة ديه واتمنى ما يكونش حد عاجبه الفرجه على الموضوع وهو بيسخن وعايز يتفرج علشان مش هيلاقى حاجة يتفرج عليها غير خيبته وخيبتنا كلنا.

لا حول ولا قوة إلا بالله العَلى العظيم

إنا لله وإنا إليه راجعون

بندعى ربنا يحفظ مصر ،،،، والله حاجة قمة العجب

زى بالضبط لما واحد يدعي .. يا رب وفقنى النهاردة فى السرقة ديه

من حقهم يضمنوا لبنتهم حياة تحققلها المستوى المناسب
طيب ممكن ضمان
أشهد أن لا إله إلا الله وحده لا شريك له المُلك وله الحمد يُحي ويُميت وهو على كل شئ قدير

إنا لله وإنا إليه راجعون

سبحان الله وبحمده سبحان الله العظيم

سبحان الله العظيم وبحمده