Check Gearbox

**M.Radwan** · 27-03-2015 06:54 PM

المشاركة الأصلية كتبت بواسطة medo_molto

كل يوم وانا طالع بالعربية الصبــــح فقـــط تطلعلى check gearbox لو كنت قارص تعمل هبدة لو ماشى سلانسية تظهر بس من غير هبدة والله انا محتار كمان ومش عارف او خايف اعمل حاجة ارجع اندم خصوصا ان العربية مش مزعلانى فى حاجة والفتيس نقلاتة تمام وبمشى ساعات 190 ومعظم الاوقات على سرعات عالية ولمسافات طويلة خايف اغير زيت او اغير سلونيد او اعمل اى حاجة اقول ياريتنى فياريت يا جماعة حد يقلنا اية الصح وبالخطوات يعنى ايهما افضل
1- اغير زيت ولا اسيبها كدا واكبر دماغى
2- اغير سلونيد فالف ولا بلاش لعب فى الفتيس
انا عارف ان الموضوع دا اتفتح كتير بس ياريت نفهم الخلاصة عشان كل واحد برأي فى الموضوع دا خصوصا انة منتشر جدا فى الميجان
وتحياتي للاعضاء المحترمين كلهم

أسلم حل تروح التوكيل أو فرنش موتورز تكشف عندهم عن سبب الرسالة دي إيه٬ لأنها ساعات بتظهر بسبب حساسات أنظمة تانيه ملهاش علاقة بالفتيس..
بالنسبه لتغيير الزيت أنا غيرته كذا مرة ومفيش منه أي مشاكل الحمد لله

**medo_molto** · 04-04-2015 01:05 PM

طب مين الميكانيكية الى بيفهمو في الموضوع دا يا جماعة ,وإلى غير الزيت غير نوعه أية وهل بيظهر معاك check gear over heat لأني بمشي بسرعات عالية كتير ولمدة طويلة

**Super_Star_h** · 04-04-2015 09:26 PM

طالما بتهبد معاك وبتظهر Check gearbox
يبقى غالبآ سولونيد فالف
وعلى فكره الرساله دى ممكن تظهر من عيوب اخرى تمامآ
زي الكويلات والبوجيهات وحساس الاي بى اس وحساس الماب...
اكشف بالجهاز عشان تتأكد

**fepsceasar** · 06-04-2015 03:26 PM

انا كانت بتطلعلى الرسالة بعد ما امشي بدقيقة روحت لمركز فى الزيتون كنت هغير سولونيد ..لكن جه المهندس قالى ما كنتش الكهربا وصلاله ..يظهر فيشة وقعة واتعملت وخلاص

**ahmed9adel** · 07-04-2015 04:10 PM

أنا غيرت زيت الفتيس بزيت توتال عادى و طلعتلى رسالة check gearbox و أنا ماشى على 170 و إختفت لما هديت على 130.

**medo_molto** · 07-04-2015 06:18 PM

المشاركة الأصلية كتبت بواسطة ahmed9adel

أنا غيرت زيت الفتيس بزيت توتال عادى و طلعتلى رسالة check gearbox و أنا ماشى على 170 و إختفت لما هديت على 130.

غيرتة فين ياباشا والفتيس عامل معاك اية دلوقت واكيد الرسالة الى بتظهرلك check over heat

**ahmed9adel** · 07-04-2015 06:28 PM

أه معلش أنا إتلخبط. الرسالة فعلا Gearbox Overheating. أنا إضطريت أحط زيت علشان كان فى تسريب فى أويل سيل الخلفى للكرنك و تقريبا الفتيس ماكانش فى زيت خالص. عملته عند عادل اللى فى صقر قريش. تسريب زيت الفتيس وقف بس لسة زيت الموتور بينقص فهرجعله تانى بس لما أفضى. خد 500 مصنعية و 250 تمن 2 أويل سيل و تقريبا 4 ساعات شغل.