استشارة قبل شراء سيارة جولف 4

**Barakat20** · 22-03-2015 11:52 PM

بسم الله الرحمن الرحيم

نخش فى الموضوع على طول.. ابويا كان واعدنى بعربية من زمان اوى و اخيرا جات اللحظة
المهم بعد تدوير عميق عالنت لقيت عربية جولف موديل 99 رشة كلها و متورها 2000 بتاع الجولف مثبوت 2000 فى الرخصة العربية شكلها سليم من بره و من جوه سليمة و بيقولى المتور بالتكيف و الفتيس 6 غيارات و الضفيره بتاعت المتور وشوية الكماليات سماعات ،زينون وحدات رفع وكده هو طالب 69000 انا مش عارف اتاكد من سلامة العربية ديه ازاى مع العلم ان العربية ديه اغلى حاجه حتحصلى فى حياتى الكلام ده بعد ما شفت العربية ..انا فى الاسكندرية فياريت اى حد ينصحنى ،ورشة اكشف عليها..ابص على حاجات معينة اعرف بيها العربية اكثر.. فى مشاكل فى المتور ال2000 بتاعها و قطع غياره ..بانسبالى اول عربية و قليل الخبرة فياريت تشرحولى كما لو كنت من العصر الحجرى ...اسف على الاطالة

**mohamed.alu** · 23-03-2015 12:51 PM

وديها عند هريسة عند سينما امير فى شارع فؤاد وهو يتاكدلك انها كويسة ولا لأ ......... بس راى الشخصى بلاش رشة كله وكمان العربية شكلها ملعوب فيها كتير لو فتحت بؤها قدام هتقرفك وتزعلك جامد

**Barakat20** · 23-03-2015 01:41 PM

المشاركة الأصلية كتبت بواسطة mohamed.alu

وديها عند هريسة عند سينما امير فى شارع فؤاد وهو يتاكدلك انها كويسة ولا لأ ......... بس راى الشخصى بلاش رشة كله وكمان العربية شكلها ملعوب فيها كتير لو فتحت بؤها قدام هتقرفك وتزعلك جامد

شكرا لردك ..بس لو العربية سليمة زى ما بيقولى صدر ودواخل و اوايم فبريكة فى شئ يعيب العربية ديه غير انها رشه ؟

**mohamed.alu** · 23-03-2015 02:01 PM

المشاركة الأصلية كتبت بواسطة barakat20

شكرا لردك ..بس لو العربية سليمة زى ما بيقولى صدر ودواخل و اوايم فبريكة فى شئ يعيب العربية ديه غير انها رشه ؟

بص الواحد بيخاف من اللعب فى الكهربة ........ عموما انت اكشف عليها ميكانيكا وكهرباء وعفشه واتكد انى البويه على نظافة يعنى مفيش صدأ تحتها .....من الاخر فصص العربية ما تسيبش فيها حاجة

**Barakat20** · 23-03-2015 06:23 PM

المشاركة الأصلية كتبت بواسطة mohamed.alu

بص الواحد بيخاف من اللعب فى الكهربة ........ عموما انت اكشف عليها ميكانيكا وكهرباء وعفشه واتكد انى البويه على نظافة يعنى مفيش صدأ تحتها .....من الاخر فصص العربية ما تسيبش فيها حاجة

طب بانسبة للمتور بفرض ان كل حاجة تمام فى العربية ..قصدى المتور ال2000 عموما ..حد بيشتكى منه؟ قطع غياره متوفرة فى مصر ؟ و بالنسبة للسعر ؟ متشكر جدا على اهتمامك =)

**mohamed.alu** · 23-03-2015 08:13 PM

المشاركة الأصلية كتبت بواسطة barakat20

طب بانسبة للمتور بفرض ان كل حاجة تمام فى العربية ..قصدى المتور ال2000 عموما ..حد بيشتكى منه؟ قطع غياره متوفرة فى مصر ؟ و بالنسبة للسعر ؟ متشكر جدا على اهتمامك =)

والله بص هو هريسة اصلا بتاع قطع غيار ومركز صيانه فولكس عموما هتلاقى عنده كل حاجة بس اساله اخبار قطع الغيار بتاع 2000 cc ايه وبرده مش عارف لو عملت كبس موتور علشان تشوف كفاءه الموتور كام فى الميه يبقى افضل وبرده نشوف برده الجروب هنا هينصحك بايه تانى ........يارب اكون افدتك