الموضوع: حد يعرف فين عوكل الجن

أولاً : ربنا معاك و يعوضك خير .
ثانياً :حضرتك سألت في الحرفيين ؟ أعتقد ممكن تلاقي هناك اللي إنت عايزه .
ثالثا ً: سؤال جانبي , اللي خبط العربية لحضرتك بالمنظر ده , عملت معاه إيه ؟؟ يعني خبط العربية و جري ؟ مش ممكن طبعاً لأن أكيد عربيته إتبهدلت هي كمان .

السلام عليكم ورحمة الله

أولا: جزاك الهه خيرا على الرد والدعاء
ثانيا: سألت فى الحرفيين وعزبة شلبى والوكالة وباب اللوق وأيضا فى التوكيل الحالى (عبد اللطيف جميل) والتوكيل السابق (رجب) ولم أجد كل ما طلبه السمكرى ( بالتحديد وجدت باب الشنطة والباب الخلفى لكن لم أجد الرفرف

ثالثا: إجابة جانبية :D اللى خبطنى عربية مقطورة على الدائرى كان ماشى بسرعة وبيطلع منى راح ديل مقطورته سلم على عربيتى سلام جامد شوية وجرى ولم ىخد نمره أو يوقفه أحد

إنت سألت كويس في الحرفيين و لفيت فيها كلها ؟ يعني مافيش حد هناك ممكن تتفق معاه يجيبلك حاجتك بالطلب , مخصوص ليك ؟ هي تبقي أغلي طبعاً لكن إنت مضطر .
طيب ماتعرفش حد في بورسعيد يسألك هناك ؟ المفروض إن فيها كل حاجة , بردو إتأكد من السمكري إن حاجتها موجوده هناك , أكيد هو عارف .
لو مالقيتش ( لا قدر الله ) , يبقي مفيش غير إنك تروح لسمكري محترف و باله طويل يتصرف في اللي موجود و يصلح العربية علي حالها . بس إن شاء الله ربنا يكرمك و تلاقي حاجتها .

نصيحه انزل بورسعيد و دور هناك و اسال في الحرفيين علشان مهما شغل السمكري كويس عمره ما حيبقي زي الاول ف الاحسن انك تغير.
و بعدين انت لقيت باب الشنطه قوله اجيبهولك و انت استعدل الرفرف

مين عوكل الجن دا
ولو هو حلو اوى كدا طب ماتروحلو

مين عوكل الجن دا
ولو هو حلو اوى كدا طب ماتروحلو

يا استاذ حسين هو قصده بواحد بمهاره عوكل الجن في فيلم عوكل بتاع محمد سعد :mrgreen: :mrgreen: :mrgreen: :mrgreen:

السلام عليكم ورحمة الله وبركاته
جزا الله كل من تفضل بالرد خيرا
لكن أنا متأكد بنسبة 99% إن الرفرف ده غير موجود ومفيش رفرف عربية أخرى يشبهه (أنا شفت قطعيات لبردوا كانشيل وكانت مختلفة) ومن فم واحد من التجار المتخصصين فيها إن سفر بورسعيد مش هايفيد لإن لو فيه هناك كان هو جاب

أنا دلوقتى يا جماعة عاوز ترشحولى سمكرى خبرة فى التعامل مع مثل هذه المواقف ماذا وإلا.....
هاضطر للبيع ولا حول ولا قوة إلا بالله

والسلام عليكم ورحمة الله وبركاته