محتاج نصيحتكم ضرورى جدااا وعلى وجه السرعة
انا خلاص بعت عربيتى وبعد المقارنات والحيرة وتعدد الأختيارات وبعد ماعشت هنا على المنتدى كتيييير اوى قررت اجيب فلوانس وفعلا النهارده عملت اتصالات لرينو علشان أعرف الأسعار ومواعيد الحجز ولاقيت الأسعار زادت جدااا وعايز أخد رايكم اكتر من سؤال
1- انا عايز اجيب اوتوماتيك من واحدة من الفئات الثلاثة الأخيرة وعينى زايغة على الهاى لاين والزينون والفرش الجلد وفى نفس الوقت بقول ان اللى قبل قبلها مش وحشة وخصوصا ان الفرق حوالى 20 ألف واتنازل عن فتحة السقف والزينون بس هايفرق معايا الفرش ,, ايه رأيكم فى المقارنة بين اخر ثلاث فئات ؟؟ الفرق كبير بينهم ولا ايه ,, يعنى اجيب الهاى لاين ولا امسك العصاية من النص ولا اخلينى فى اول واحدة وأوفر 20 ألف
2- السؤال الثانى هوه انى لما سألت على الفتيس وبتأكد انه الأصدار الحديث من ال cvt وانه إكس ترونيك رد عليا المندوب وقالى انه سى فى تى ستيب ترونيك مش إكس ترونيك والناس هى اللى بتسميه كده لكنه هوه ستيب ترونيك (مع انى اعتقد ان العربية مكتوب عليها إكس ترونيك) ؟؟ ايه رأيكم فى الكلام ده وانهى الصح
3- طبعا العربية بالحجز لكن بعد ماعملت اتصالات لاقيتها موجودة فى الطارق وفى المصرية والغربية انها ارخص 1000 جنيه ,, هل ده صح انهم يبقوا ارخص من الوكيل واستلام فورى وازاى أتأكد ان دى الفلوانس الفايس ليفت 2015 بالفتيس الجديد وتنصحونى اتعامل مع الطارق ولا المصرية
ارجوكم محتاج نصيحة ضرورى علشان مش عارف اقعد من غير عربية


تم تعديل العنوان
م.ع 7