الموضوع: عاااجل/ دقت طبول الحرب بعد بيان المجلس التعاون الخليجي

المشاركة الأصلية كتبت بواسطة yasser100

و الله انا مش فاهم الاعتراض على ايه بالظبط ؟ انتم مش معترضين ليه على الاردن او المغرب او السودان او حتى باكستان اللى فى اخر الدنيا , هو الاعتراض للاعتراض فقط ؟ ان لم تتدخل مصر يقولوا مش الموضوع يهمنا برضه ؟ و يقولوا خلاص مصر دورها و تاريخها راح و غيرنا بيدافع عن مصالحنا و امننا و لو اتدخلت مصر نبدأ نصوت و الحق جنودنا , طيارينا .

سبحان الله , شعب فعلا ما يعجبوش العجب

مصر صرحت بترتيب لدعم بري وبحري وجوي "إن لزم الامر"

المشاركة الأصلية كتبت بواسطة mr_vampire

تمام جدا متفق معاك في كلامك. بس هل معاملة مصر في كل حدودها بيبقي بالمثل ????

اقرب مثال. سينا. هل رد فعل مصر مع اسراييل بيبقي بالمثل بالرغم من انتهاكتها المتكررة وبعد كدة يطلع اعتذار اسراييلي.

ومادام هو امن قومي مصري ازاي القيادة المصرية تسمح الدفاع عن حدود مصر بطايرات غير مصرية ?????

ترضاها انتا ????

ايوة بيبقى هو نفس رد الفعل وبنخترق مجالهم الجوي ونتجسس على مفاعلاتهم النووية بطيارات بدون طيار وبنديهم بالجزمة ومش بيفتحوا بقهم كمان

خبر بتاريخ ديسمبر ٢٠٠٣ من صحيفة صانداي تايمز

طائرات تجسس مصرية بدون طيار تحلق فوق مفاعل ديمونة

Egypt's spy drones spook Israel

Uzi Mahnaimi, Tel Aviv

Published: 21 December 2003

ISRAEL has threatened to shoot down Egyptian drones spying on a nuclear installation and a ballistic missile site amid growing distrust between the two countries over a military build-up.

Ahmad Maher El Sayed, the Egyptian foreign minister, is expected to be taken to task during a visit to Israel this week, his first for two years. Israeli sources claim that the flights contravene a peace treaty between the former enemies that was signed in Washington in 1979.

“We’ll raise the urgent issue of their spy flights for sure,” said one Israeli source. “However, we know that they may stop them only when we intercept the intruders, and that will not take long.”

Egypt’s unmanned aerial vehicles (UAV) have been seen in recent weeks over Israel’s nuclear research facilities at Nahal Sorek and the test site for the country’s advanced ballistic missiles in Palmahim, south of Tel Aviv.

Egypt's spy drones spook Israel | The Sunday Times

المشاركة الأصلية كتبت بواسطة ibrahim sallam

أنا أتصور أن الرغبه في القضاء على الحوثيين هي رغبه واراده سعوديه خالصه ( وهذا لايمنع المشاوره او الاستئذان او الضوء الاخضر سمها كما شئت من الادراه الامريكيه).

ومن وجهة نظري أن من مصلحة الامريكان أن يبقا الحال كما هو عليه في اليمن( استحواذ الحوثيين على مفاصل الدوله) فبين الحوثيين وبين تنظيم القاعده باليمن مصانع الحداد وبينهم حرب عقائديه فالقوى التي تجابه تنظيم القاعده هم الحوثيين لذلك امريكا ترضى او تغض الطرف عن الوجود المسلح للحوثيين في اليمن.

وبما ان السعوديه كشرت عن انيابها وتحسست مواطن الخطر الايراني وأخذت الخطوات اللازمه لذلك فلم يكن أمام امريكا الا الانصياع للقرار السعودي وخصوصا انهم متفقين فيما بينهم في محاربة ( التطرف).

فكل دوله الاوراق التي تلعب بها وتضغط بها في الوقت المناسب وقد حان دور الورقه السعوديه

تحياتي لك

شكرا وتحياتي لك. انا مختلف مع حضرتك في اغلب النقاط , هقولك وجهة نظري:
القضاء على الحوثي تماما مش من مصلحة السعودية ولا إيران ولا أمريكا. ومش دا هدف (عملية عاصفة الحزم) في رأيي.

الحوثي له دور محدد, نفس دور أفغانستان في "اللعبة الكبرى" بين روسيا وانجلترا. الحوثي قفاز السعودية ضد القاعدة في اليمن, و مبرر وجود علي عبدالله صالح ضد شعبه قديما, وجزرة علي عبدالله صالح مع إيران, وذراع ايران في اليمن وعلى الحدود السعودية الجنوبية.

المشكلة اللي حصلت هو محاولة إيران حصد مكاسب حربها على الدولة الإسلامية في العراق والشام مبكرا, واستغلال حالة الفوضى في المنطقة لتثبيت اوضاع تفيد في تفاوضها مستقبليا بدون الالتفات لحلفائها ولا التنسيق معاهم.

الطمع الإيراني ومحاولة حصد المكاسب مبكرا أحرج أمريكا امام حلفائها الخليجيين, ولذلك أمريكا وافقت على الضربات الجوية بدون المشاركة فيها عسكريا (وهي تقدر بالطبع لكنها لم تشارك عشان تستفيد بموقفها دا لاحقا في التفاوض مع إيران). وفي نفس الوقت لخفض سقف التفاوض لإيران. (روحاني) المشهور بقدراته العالية جدا على التفاوض واستخدام الاوراق المتاحة بمهارة ومحتاج بعض التحجيم.

أيضا من مصلحة السعودية وأمريكا التدخل بالشكل دا (وتمرير الهدف الديني والعقدي للقضية) لسبب مهم جدا. أن الفراغ اللي هيحدث بسبب ا جتياح الحوثي واختفاء اي منافس له, هيملأ الفراغ دا تنظيم القاعدة أو الدولة الإسلامية في العراق والشام. ودا هياخد الأمور لاتجاه لا يمكن مواجهته. لأن وقتها تدخل إيران عسكريا بصورة واضحة محدش هيقدر يوقفه. (نفس الموقف حصل في العراق, و امريكا والسعودية وايران بيحاربوا في جبهة واحدة) . وفي نفس الوقت هيخلق حاضنة شعبية هامة للتنظيمين عند شعب اليمن. وهيدي اوراق تفاوضية اكبر لإيران.

لذلك. القضاء على الحوثي نهائيا مش من مصلحة أي طرف. كل المطلوب عودته للدور القديم اللي كان عليه وعدم تخطيه. ودا هدف العملية في رأيي.

بالنسبة لمصر فلا ناقة لها ولا جمل. المضيق محدش يقدر يقفله ولا يفتحه الا بأوامر امريكا. لكن زي ما قلتلك اللي متجبهوش الوطنية يجيبه النزعة الدينية, ومهم جدا ان القياد الحالية تظهر ان لها حسابات وطنية وعقدية. مينفعش تكون الواجهة عقدية فقط طبعا.

مقدرتش اقرا كل التعليقات تعبت من الخلافات السياسيه الى فيه و من المعلومات الى من غير اى مصدر بس عايز اقول محدش يقول فلوس مقابل الاشتراك و مرتزقه الله يكرمه ليه ؟؟

عشان مصر باعته 3 سفن بس و السعوديه داخله ب 100 طياره و 150 الف مقاتل السودان و باكستان و الاردن مخدوش فلوس و داخلين مجامله بقوات رمزيه لكن حقا الحرب سعوديه بشكل ضخم و خليجيه بنسبه 99 فى الميه و ده حقهم و امنهم من الحوثين و الايرانين و امريكا و خلق فوضى فى المدن الحدوديه تتنتقل بالتدريج للمدن الداخليه

لو السعوديه و الخليج بعتو كل المليارات دى عشان 3 سفن مجامله يبقو عبط لما اشوف البحريه كلها هناك و قواعد مليانه جنود مصرين مش اقل من 10 الاف ساعتها هقول اه بيشترونا و يريحو نفسهم و عيالهم من الحرب

اسف مش مصدق انهم طيارين مصرين حقا السعوديه متفوقه فى سلاح الجو و على الاقل هيلاقو 20 طيار كويسين

الى قال محتل من امريكا العالم كله متنيل من امريكا و اسال الاسطول السادس و الخامس المشكله لما تيجى ايران تحب تزعل امريكا تقفله و نلبس احنا لما تبقى الدوله المسؤله هى امريكا تحت غطاء الامم المتحده مش هتعبث بامن و مصالح حلفاؤها فى الخليج بشكل مباشر عشان تشترى ودهم عكس لما يبقى فى فوضى و يقولو اصل ايران هى الى عملت

ايران ليها ام طموح اخطر من اليهود اقل من اليهود المهم متجيبهومش جنب بيتك بعدين تصرخ متصرفتش ليه بصو على العراق فى 2004 اتقال نفس الكلام اننا لو معملناش شىء هيبقو مصدر الخراب على الجميع لو لم تسقط العراق فى الفوضى و وجود امريكا الى بتقول اصلى بحارب ايران و السنه المتشددين مكنتش خربت فى سوريا و لا على حدود السعوديه ف اه حتى لو امريكا متحكمه فيه مصلحتنا الاولى ان متجيش دوله تانيه على خلاف ظاهرى مع امريكا تديهم الحجج الكافيه لاغلاقه و يطلع عينا احنا

نفس الكلام ينطبق على ليبيا و مسانده الدوله للحكومه الى شايفه انها ممكن تامن الحدود الغربيه لينا بانها تبقى تحت سيطره حكومه مواليه ليك و منتظمه عشان كده فى دعم بالسلاح و المال و التدريب غير الدعم السياسى

اتمنى تكون النقط واضحه و مش معنى انك متقدرش تحارب اسرائيل عشان ضعيف قدامها و قدام حلفاوها انك تجيب كل الاعداء من كل حته و تسيبهم بقى عشان ابقى مش بكيل بمكيالين عدو واحد ارحم من 10

المشاركة الأصلية كتبت بواسطة mohab.nabil

احنا بندي اسرائيل بالجزمة ؟؟ طيب

هههههههههههههه:b4_556: