الموضوع: ذراع لقم 3/4 بوصة

المشاركة الأصلية كتبت بواسطة mecha

واحدة واحدة ياهندسة انا بلحم في الشاسيه الاضافي المربوط في شاسيه العربيه .شاسيه المركبة rails & cross members ممنوع اي لحام او تسخين باستثناء بعض المركبات زي اللاندروفر القديم والتاترا في النقل.في حاله الوجوب للاصلاح لازم تكون certified.
بالنسبه لل mig جميله جميله لا كل شويه تغير سلك ولا تاتش .ولحامها ناعم ومتجانس وانتاجيه.حاليا معظم اللحامات mig والبنسه تراجعت جدا.وطالع الوقتي مكن flux core ومنو بدون غاز وبيدي لحام اكثر اندماجا مع الشغله واقل في الارتفاع low profile .بس ال mig مازال هو الاعتمادي المفضل .عيبه الوحيد المكنه كبيره شويه .فيه مكن stick علي انفرتر حلو بردو

كلامك صحيح تماما .... و دى غلطتى فعلا انى اشتريت ماكينة لحام عادية ... يلا الحمد لله على كل حال ...

احد المشكلات .. ان ماكينة الميج مش منتشرة فى مصر .. ماشفتهاش عند صنايعية خالص ... و لا فى ورش كبيرة كمان ... الكل بيستخدم مكن لحام الكهرباء العادى
فيه ميزة كمان فى ماكينات الميج ... ممكن تلحم صاج 1 مم ببساطة .... انما البنسة بتخرم الصاج ال 1مم ... و دى مشكلتلى الازلية :b4_556:

المشاركة الأصلية كتبت بواسطة mecha

هي البليزر بتاعتك بيك اب ولا صالون

2 باب صالون موديل 1980

المشاركة الأصلية كتبت بواسطة Mecha

اول مانزلت مصر اخر التسعينات ,الناس سموها بالغلط كالعاده مكنه CO2.معرفش ازاي ورش ومصانع ميستعملوهاش متحتجش تشيل بودره سلك البنسه وال spatter بتاعها قليل ولحام ناعم متجانس وكل دا هيوفر يفرق في الفنش والدهان .ونفس الموضوع مكن البلازما لسه الناس بتقطع بالاستلين رغم تكاليف تشغيله اعلي من البلازما وسطحه خشن .اصرار علي التخلف لسه عايشين زمن ترانسات الماكو.
عشان تلحم 1mm ببنسه عاوز مكنه ممتازه زي لنكولن او ميلر .يا اما تعملها بنط

ايوة ... هى دى .. CO2 ... البياعين مش فاهمين يعنى ايه ميج .... فين و فين لما واحد فاهم قالى ان هنا اسمها ماكينة ال CO2 .... و ده وفر عليا كتير .. الله يباركله
و الراجل ده قالى ان سموها كدة علشان بيستخدموا معاها غاز خامل و هو CO2

و هى شكل لحامها جميلة جدا
البلازما يا باشا ب 6000 جنيه !!! على الجانب الاخر ....
اسطوانة الاكسجين ال 40 لتر ( الكبيرة ) ب 800 جنيه .. و بتتملى لحد ضغط 1200 باوند ب 25 جنيه
اسطوانة الايتيلين ب 600 جنيه .... و بتتملى اول مرة ب 1000 جنيه !!! و بعد كدة ب 100 جنيه على ضغط 800 باوند تقريبا ( مش متأكد من ملو اسطوانة الاسيتيلين )

بنسة قطع .. تقريبا ب 200 جنيه ... شوية خراطيم و منظمات .. تعمل تقريبا 400 جنيه


ماكينات اللنكولن و الماير و الحاجات النضيفة دى تمنها غالى جدااااااا
و بالفعل ... انا عملت بنط . بس شكلها مش حلو و مش عاجبنى اللحام ... و الموضوع صعب كتير

ان شاء الله حرفع صور بعض الشغل الى عملته فى سمكرة البارومة

المشاركة الأصلية كتبت بواسطة mecha

طب دي شاسيه rails&cross members .يا اما تقصد ارضية الشنطه .ممكن تلحم او تربط فيها لوح صاج بقلاوه يدعمها ويتغير وتحط عليه طبليه خشب او الواح خشب تتربط فيه وتشيل الحمل كلو

انا اقصد ارضية الشنطة بالفعل ... و كنت فكرت اعمل شدادات بين فردة الشاسيه اليمين و الشمال ... بس مش حينفع علشان بينهم تنك البنزين
ارضبة الشنطة صاج معرج تخانة ا مم ... حصوره و ارفع الصور ان شاء الله