سؤال بخصوص اول عربيه اشتريها. . . لوجان غالبا

**oufa182** · 27-03-2015 01:15 PM

السلام عليكم
في البدايه بشكر الناس الموجوده في المنتدى على التقارير والاراء اللي محتاج كتير اوي عشان تعرفها لو انت مش هنا

واتمنى اقدر اضيف اي حاجه بس للاسف مش هعرف على الاقل دلوقت لعدم وجود خبره

المهم انا نويت اشتري عربيه ظروفي :
لسا بتعلم سواقه ، العربيه تكون اتوماتيك، هسافر كتير ، هشتري تقسيط ودي هتكون اول عربيه ليا وخبرتي بالسيارات معظمها من المواضيع اللي قريتها هنا فقط

باختصار بالنسبه ليا اللوجان اتوماتيك شكل وسعر كويسين وان كنت هضغط على نفسي كمان في السعر لاني كنت ناوي اجيب اقل من كده
الناس كلها هنا بتشكر في اللوجان لكن بره المنتدى الوضع مختلف كله قالي ابعد عنها ومنهم ناس مهندسين سيارات ..السبب ان التقفيل وحش ، قطع غيار غاليه ،هخسر لو بعتها....على حسب كلامهم

هنا الناس بعد ماجربت الشكل الجديد بيقولو في مشاكل ثبات (انا مش ناوي اجري بيها لاني لسا بتعلم بس معرفش بعد ما اتعلم كويس هعمل ايه )
في ناس قالتلي هات افيو ، وناس قالتلي هات جين 2 وناس قالتلي هات صني الشكل القديم (لو اغلى من 110 مش هجيبهم )
وبرضه من التدوير في المنتدى شوفت السوفت ديزاير الناس مبسوطه منها

السؤال بقى عشان طولت عليكم ، اجيب عربيه ايه؟ تكون اتوماتيك وسعرها ميعديش 100 او 110 الف بالكتير
واالوجان فعلا تقفيلها وحش والثبات هيعملي مشكله ولا عادي ؟ والسانديرو فيها نفس مشاكل اللوجان ولا لا

شكرا مقدما

**محمد مجدي محمد** · 27-03-2015 03:51 PM

اشتري الصني الشكل القديم او الجين 2 فعلا احسن من اللوجان
او وفر و اشتري البي واي دي l3 اوتوماتيك السعر : 97000
و عربية بجد ممتازة

**hosam ali** · 27-03-2015 11:59 PM

اللوجان جميلة جدا

**Yehya Badr** · 28-03-2015 12:03 AM

طالما جديد في السواقة يبقي أشترى مستعمل قطع غياره رخيصة حرام تشتري زيزو تتعلم فيها و بعدين تيبعها بخسارة كبيرة أيا كان نوع العربية أنا أرشح لحالتك لانسر أو byd f3 أو فيرنا أتوماتيك تتعلم فيها براحتك و لما تتمكن جيب زيرو

**Salah Kamal** · 28-03-2015 12:05 AM

الصنى القديمه محترمه بس تاخد نصيحه منى الزيرو مفيش بعده . التقفيل بتاع اللوجان مش وحش بس الخامات مش عاليه بالدرجه الكافيه خصوصا خامات التابلوه والأبواب بس بالنسبه ليا مش وحشه كمان الجين 2 عربيه محترمه بس لو بتتكلم فى قطع غيار وان سعرها بينزل هتلاقى نفس المشكله فى الجين 2 بردوا لو هتاخد رأيئ توكل على الله فى اللوجان الزيرو

**oufa182** · 28-03-2015 11:09 AM

المشاركة الأصلية كتبت بواسطة محمد مجدي محمد

اشتري الصني الشكل القديم او الجين 2 فعلا احسن من اللوجان
او وفر و اشتري البي واي دي l3 اوتوماتيك السعر : 97000
و عربية بجد ممتازة

الجين 2 طلعت ب 116 هتبقى غاليه عليا وخلينا بعيد عن البي واي دي ،صيني برضه
اعتقد هي بين الصني الشكل القديم واللوجان

**oufa182** · 28-03-2015 11:11 AM

المشاركة الأصلية كتبت بواسطة yehya badr

طالما جديد في السواقة يبقي أشترى مستعمل قطع غياره رخيصة حرام تشتري زيزو تتعلم فيها و بعدين تيبعها بخسارة كبيرة أيا كان نوع العربية أنا أرشح لحالتك لانسر أو byd f3 أو فيرنا أتوماتيك تتعلم فيها براحتك و لما تتمكن جيب زيرو

ناس كتير قالولي عالموضوع ده وبفكر فيه فعلا... اني اشتري مستعمل

**oufa182** · 28-03-2015 11:13 AM

المشاركة الأصلية كتبت بواسطة salah kamal

الصنى القديمه محترمه بس تاخد نصيحه منى الزيرو مفيش بعده . التقفيل بتاع اللوجان مش وحش بس الخامات مش عاليه بالدرجه الكافيه خصوصا خامات التابلوه والأبواب بس بالنسبه ليا مش وحشه كمان الجين 2 عربيه محترمه بس لو بتتكلم فى قطع غيار وان سعرها بينزل هتلاقى نفس المشكله فى الجين 2 بردوا لو هتاخد رأيئ توكل على الله فى اللوجان الزيرو

الصني القديمه . اقصد الشكل القديم بس زيرو برضه 2015

**Salah Kamal** · 28-03-2015 11:13 PM

انا عارف انك تقصد الشكل القديم فى الصنى وعموما انا شايفه افضل من الجديد كمضمون وكشكل بس انا كلامى ان فيه فرق 5 سنين موديل بردوا مش شويه انا بفضل الجديد سواء صنى او غيره