3 أمناء شرطة حرروا مخالفة لسيارة ''ضابط جيش'' فحدث تشابك بالأيدى وتم حبسهم

**Elawany13** · 21-04-2015 10:56 AM

المشاركة الأصلية كتبت بواسطة yassin_samir

هوا ليه الناس دايما بتربط بين وظيفه شخص و ضميرة او هوا ظالم او صالح
علشان ايه لما حد يبقي بيشتغل في الشرطة او الجيش لازم يبقي فاسد و ظالم
طب ما الفساد و الظلم موجود مع الانسان العادي فى اى وظيفه حد من الاخوة اللي بيهاجم عمرة ما ظلم حد او كان فاسد اعمالكوا كلها صح بنسبه ١٠٠٪
خلاص البلد كلها ماشيه زى الساعه معادا الجيش و الشرطة كل الناس صالحين الا الجيش و الشرطة

طبيعى جدا انك تلاقى مواطن حرامى أو فاسد فى اى مكان فى العالم
بس مش من الطبيعى انك تلاقى حاميها حراميها
مهو مين اللى هيعاقب المواطن العادى الفاسد او الحرامى ده مش المفروض أولى الأمر اللى فى ايديهم تطبيق وتنفيذ القانون !!!
طيب لما هما يكونوا اول ناس تضرب بالقانون اللى هما بيحطوه وبينفذوه عرض الحائط ويتجاوزوه بصور فى منتهى الاستفزاز لباقى أفراد الشعب ... يبقى كل واحد فينا هيلاقى لنفسه المبرر يعمل زيهم لو يقدر ويفقد القانون هيبته واحترامه فى قلوب الجميع ونتحول تدريجيا الى غابة مفيهاش قانون حد بيحترمه و يفقد فاعليته ويبقى مجرد حبر على ورق وحاجه كده ماسخه وشكليه ملهاش اى لازمة زى ما بيحصل دلوقتى ... ويبقى على الدولة السلام

**تامر.محمد** · 21-04-2015 11:14 AM

المشاركة الأصلية كتبت بواسطة yassin_samir

هوا ليه الناس دايما بتربط بين وظيفه شخص و ضميرة او هوا ظالم او صالح
علشان ايه لما حد يبقي بيشتغل في الشرطة او الجيش لازم يبقي فاسد و ظالم

فيه حاجة اسمها (الشائع و المعتاد)
هو ده السبب , و المبدأ ده لا ينفي وجود البعض يمتازوا بعكس الصفة (الشائعة و المعتادة)
لكنهم استثناء لا ينفي وجود المبدأ

بالمناسبة لو ده مش المبدأ (الشائع) حاليا
كان حالنا اختلف كتير

و بالمناسبة , ده لا يعني ان الآخرين ملايكة
على الاقل لو ملايكة ما كانش عجبهم حاجة زي اللي بنتكلم عليها دي

**Elawany13** · 22-04-2015 12:20 PM

المشاركة الأصلية كتبت بواسطة maserati

السلام عليكم و رحمة الله و بركاته

شكرا لك يا أخى الفاضل. لأنك وفرت على مشقة كتابة نفس الرد اللى أنت كتبته ده.

السؤال هنا بقى, هو اللى كان معترض على أننا بنهاجم الشرطة و الجيش الفاسدين, مش واضح أودام عينه الكلام اللى أنت قولته ده زى الشمس !!!!.

ماهو بالعقل طبعا, معروف أنه فيه أطبا و مهندسين و محاسبين و ناس من كل التخصصات فاسدين و مرتشين. بس مين اللى فى ايده السلاح و القانون اللى بيظلم بيه الناس؟؟؟!!!!! و مين اللى عنده المعتقلات و السجون اللى مليانة ناس أبريا حاليا ؟؟؟؟, المهندس و لا الطبيب؟؟؟؟؟. طبعا لأ. الشرطة و الجيش و بتوع النيابة هنا اللى عندهم الامكانيات دى. عشان كده بنهاجمهم.

احنا مش بنهاجم حد .... احنا بنوضح صور سلبيه فى حياتنا قد يلتقهتا الإعلام وقد توصل لمسئول شريف يحاول ان يصلح
احنا بنحلم نبقى دولة محترمه بجد فيها قانون حقيقى ينفذ على الجميع بلا استثناء
واهى احلام ..... ولو بطلنا نحلم نموت

**Elawany13** · 22-04-2015 04:52 PM

شوفوا كلام الناس المحترمه
بس اتمنى انه يطبق ويبقى مش مجرد كلام

• من المنظور المجتمعي .. فبصفة عامة, يلزم المساواة في تطبيق القانون على الكافة .. فمخالفة القانون - خاصة من القائمين على تطبيقه تشريعاً أو إنفاذاً أو حكماً - دون مبرر يتعلق بالأمن- فالعيب كل العيب فيمن ينهى عن شيء ويأتيه) .. فهويكون مدعاة للإحتقان ويدعوا الغير لإرتكاب المخالفة تحت مظلة الوجاهة الإجتماعية غير المبررة وهو نوع من التمييز غير المبرر وغير المقبول ويتنافى مع اولى قواعد العدالة وركائزها.
• وأخيراً فإن ما عرضته يوجد في مقابله الكثير من المظاهر المخالفة له والتي آمل أن تندثر تدريجياً والتي أثق أن هناك محاولات جادة لمواجهتها ..
عقيد.د.أيمن الضبع