عايز معلومة عن دكتور اورام يكون شاطر بالله عليكم

**eng_demy** · 04-04-2015 02:05 AM

ربنا يشفى كل مريض يا رب انا ليا تجربة مع اختى في مرض السرطان لحد ما عملت عمليت زرع نخاع بس ده كان في 2001--2002 واتعاملت مع الدرعة واتعاملت مع اطباء في القاهرة كتيير بس نصيحة لوجه الله لاننا طبعا صرفنا مصاريف مايطيقها بشر ولكن الحمد لله ربنا شفاها والحمد لله افضل مكان ليها في مصر هو مركز القصر العينى لطب الاورام وهناك عمالقة الاطباء في مصر جامعة القاهرة المركز ده مش ناس كتير عارفاه مش معهد الاورام لأ مركز القصر العينى لطب الاورام ونصيحة اى دكتور هتابع معاه مش هتقدر على الجرع الكيماوى ولا العلاج المركز ده ماشاء الله وربنا يشفى كل مريض تليفونى 01228060503

**kazamodia** · 04-04-2015 09:43 PM

المشاركة الأصلية كتبت بواسطة abdo_younes

ربنا يعافينا ويعافيك يا رب هوا سرطان ثانوي بالعظم بس على حسب معلوماتى العامة ان سرطان العظام بيجي فى مراحل الشبااب وربنا يشفي مرضانا يا رب
د.هبة الظواهري هل هي دكتورة ممتازة علشان منبهدلش على الفاضي انت عارف الدنيا برضو

بص يا باشا طالما سرطان ثانوي في العظم يعني انتشر الى اماكن اخرى معناه ان العلاج هيبقى تحفظي وانصحك متتعبش نفسك اوي عشان محدش يضحك عليك ويقول لك الشفاء من المرض لان الدكاتره في مصر كل همهم الفلوس فافضل حاجة تتابع مع دكتور عندك في اسيوط وبلاش سفر لان العلاج هيبقى بالكيماوي والاشعاعي بدون جراحة وشوف لو في مركز تابع لجامعة اسيوط لان العلاج مكلف جدا جدا

**abdo_younes** · 05-04-2015 04:25 PM

المشاركة الأصلية كتبت بواسطة eng_demy

ربنا يشفى كل مريض يا رب انا ليا تجربة مع اختى في مرض السرطان لحد ما عملت عمليت زرع نخاع بس ده كان في 2001--2002 واتعاملت مع الدرعة واتعاملت مع اطباء في القاهرة كتيير بس نصيحة لوجه الله لاننا طبعا صرفنا مصاريف مايطيقها بشر ولكن الحمد لله ربنا شفاها والحمد لله افضل مكان ليها في مصر هو مركز القصر العينى لطب الاورام وهناك عمالقة الاطباء في مصر جامعة القاهرة المركز ده مش ناس كتير عارفاه مش معهد الاورام لأ مركز القصر العينى لطب الاورام ونصيحة اى دكتور هتابع معاه مش هتقدر على الجرع الكيماوى ولا العلاج المركز ده ماشاء الله وربنا يشفى كل مريض تليفونى 01228060503

ربنا يجزيك كل خير لمرورك الكريم والحمد لله على شفي اخت حضرتك ورببنا يشفى مرضانا يا رب
ان شاء هشوف المركز دا ..الف شكر لمعلوتة حضرتك ..

**abdo_younes** · 05-04-2015 04:31 PM

المشاركة الأصلية كتبت بواسطة kazamodia

بص يا باشا طالما سرطان ثانوي في العظم يعني انتشر الى اماكن اخرى معناه ان العلاج هيبقى تحفظي وانصحك متتعبش نفسك اوي عشان محدش يضحك عليك ويقول لك الشفاء من المرض لان الدكاتره في مصر كل همهم الفلوس فافضل حاجة تتابع مع دكتور عندك في اسيوط وبلاش سفر لان العلاج هيبقى بالكيماوي والاشعاعي بدون جراحة وشوف لو في مركز تابع لجامعة اسيوط لان العلاج مكلف جدا جدا

تماام ياباشا كلامك بس هدفي من الموضوع دا ان حد يكسب فيا ثواب ويدلني على دكتور يتقي الله وميكنش همة على الفلوس رحنا عند دكاترة فى المنيا مش كويسين للاسف
وللاسف برضو معرفش اى دكتور فى اسيوط تخصص اورام او حتى عظام ان كان ليها حل برضو
وربنا جعل الدكتور سبب وربنا يكرمك يا رب لاهتمامك ..

**S.h.a.h.e.r** · 06-04-2015 07:21 AM

انا كنت شغال في سرطان الثدي وكان بينتشر للرئة والعظام
زي ما اخونا قالك العلاج في الثانوي صعب علاجو
وربنا يشفي كل مريض
لكن لا يكلف الله نفسا الا وسعها

**kh_fawzy** · 06-04-2015 10:50 AM

دكتور محمد لطيف في عبدالمنعم رياض التحرير شاطر اوي وكويس وهو عميد معهد الأورام

**msobhy** · 06-04-2015 04:04 PM

أستاذ ابو يونس
أنا للأسف عندى تجربه مريره ومازالت عايش فيها
والله العظيم انا متعلم - وعارف قيمة العلم
والله العظيم انا مؤمن بالله العلى العظيم وبقدره وعارف انى لازم أسعى
أرجوكم مش عايز هجوم ولا حتى رد عليا
والدتى كان عندها ورم بالمخ - وكانت الحاله متأخره جدا - وده كان بسبب خطأ فى التشخيص لمدة 15 سنه
مش هيه ديه القضيه
عن طريق دكاتره أقاربى ومعارف - والدتى عملها العمليه أكبر دكتور مخ وأعصاب فى مصر وأحب أقولك ان المواضيع ديه تكاليفها فلكيه بكل ما تعنيه الكلمه من معنى
والدتى كان مقدر لها على كلام الدكاتره انها تعيش فى احسن الظروف 6 شهور بالكتير
الحمد لله والدتى ما زالت معانا ومنورانا بعد العمليه اللى عملها أكبر جراح فى مصر
والله والله والله لو رجع بيه الزمن كنت سيبتها بدون عمليه
ال 10 شهور اللى فاتوا انا احتكيت بشكل مهول بالدكاتره والتمريض وما شابه
كل اللى بتسمعه كوم واللى هاتشوفه كوم تانى
انت بالنسبه لهم زى ما تكون فتاة ليل والكل بيتناوب عليك واسف فى التعبير
الكل عايز يمص دمك - الكل بيسألك انت شغال ايه واللى حواليك شغال ايه علشان يتفنن فى انه يقتلك ويقتلها
فى مره بتكلم مع ممرضه من اللى بتراعى والدتى وبقولها ايه رأيك فى حالة والدتى
قالت لى انها معجزه انها لسه عايشه
بسألها عن الدكتوره وعن التمريض والرعايه اللى والدتى كانت بتحصل عليها وانها لو كانت مكانى كانت عملت العمليه ولا لأ - كان ردها صادم بالنسبه ليه
قالت لى بالحرف الواحد لو أى حد من قرايبى وصل للمرحله بتاعت والدتك وسنه كبير زى والدتك - مستحيل كنت عملتها
طبعا انا تنحت - لاقيتها بتقول لى الموضوع بيبقى ضايع من البدايه والدكاتره والتمريض بيعملوا شغل وخلاص - والخسران أولا وأخيرا بيكون المريض وبالتباعيه طبعا بيبقوا أهله
وبدأت تدينى أمثله كتييييييييييييير على دكاتره رفضت انها تعالج أقاربهم لمعرفتهم باللى هايحصل

نصيحتى ليك - انا مش بقولك أرمى جدتك فى الشارع
انا بقولك حاول تكون عقلانى - لو امكانياتك الماديه عاليه جدا جدا جدا جدا جدا ابدأ الخطوه ديه
غير كده يبقى هاتبهدل جدتك
ربنا يشفيها ويعافيها وأسف على اسلوبى الخالى من المشاعر اللى بتكلم بيه

أسألكم الدعاء لوالدتى بالشفاء