المكيف السياره ممتاز أثناء الوقوف وعلى السرعات ضعيف

**borio1704** · 30-03-2015 10:15 PM

المشاركة الأصلية كتبت بواسطة mohamedshosha

ممتاز لكن اتأكد ازاي ان فيه تسريب من الابواب خاصه ان الابواب كلها جلد حوالين كل باب ولما تمشي بسرعه كبيره مفيش اي هوا داخل لك من الخارج.

خلي حد تاني يركب معاك ويقعد جنب الأبواب كلها وانت ماشي بالعربية.. أكيد هيحس بأي هوا داخل غلط..

على فكرة.. الهوا ممكن قوي يدخل من تحت كسوة الباب.. حتى من أكرة الباب أو من السماعات مثلا.

الباب اللي تعرف إنه بيسرب لازم كسوته تتفك والعزل اللي تحته يتقفل كويس.

...

**seri0us** · 31-03-2015 09:51 PM

المشاركة الأصلية كتبت بواسطة mohamedshosha

المغرب اليوم كنت عند المراكبي للتكييفات بجسر السويس وجلس جنبي بالسياره وشيك ع العزل لقاه ممتاز والتبريد تلاجه بمعني الكلمه ومشينا ٢ كم بالسياره لكن التبريد استمر ممتاز فطلب مني الحضور بالنهار للتأكد من ان الكمبروسور لايفصل ويقدر يحكم ع الكمبورسور لان النهار غير الليل بالنسبه للمكيف.

وصلت لايه يا باشا ؟؟

لاني عندي نفس مشكلتك في لانسر شارك 2008 .. و بقالي فترة مش عاوز اخد خطوات تجريبية و اجرب في سكك غلط و ارجع اندم ..
حتى لما نبقى عدد في العربية النفس بيشبر ع الازاز القدماني !!! و لما بغير اتجاه الهوا الساقع ناحية الازاز الاقيه بيطير البخار فورا بس ساعة فصلة الكمبروسر الاقي هواء شبه سخن داخل و بيعمل بعض البخار ع الازاز لحد ما الكمبروسر يشتغل يقوم مطير البخار .. و هكذا !!! :(((

فياريت تفدني عملت ايه علشان اعمل زيك .. مع العلم انا شاكك في سرعة المروحة التانية مش شغالة او مشكلة في حساس الحرارة انه بيقرا السخونة متاخر و بالتالي بياخر تشغيل المروحة فيسخن الجو في الكبوت و يطلع ع الكابينة !!!!
و فيه ناس بتقول انه من تلاجة السخن و بينصحوا بلغي السخن من الكبوت !! مع العلم ان ماعنديش مايه بتنشع جوه الصالون من عند الرجلين !!!!

مستني يا باشا ردك ضرووووري .. و شكرا مقدما ..

**mohamedshosha** · 31-03-2015 10:02 PM

الرد : الساعه ٢ ظهرا توجهت الي المراكبي بجسر السويس وده شهير في المكيفات للسيارات نص ساعه اضغط علي الدواسه للبنزين بحيث يتأكد ان السياره لما تسخن الكومبريسور هيفصل ولا لأ ...المهم ان المكيف اشتغل كويس جدا وبعدين أكدت له ان لازم نتحرك بالسياره المهم هو قال:
الحاله دي وردت عليه كتير وحلها حاجه واحده تغيير الكومبريسور
بس سبته ومشيت وهشوف لما الصيف يدخل لاما اغير الكومبريسور لاما استحمل الصيف ده.

**mohamedshosha** · 31-03-2015 10:17 PM

الحقيقه انا عرضت رأي الفني المتخصص بس أنا صاحب المشكله ومعاصرها تماما
الموضوع مش مروحه لان التبريد ممتاز جدا ليلا وبالتالي المروحه سليمه
ثانيا حساس الحراره جزء أول من المشكله وسبب جدير بالاهتمام .
لكن انا متأكد ان حرارة الموتور ليها دخل كأن هناك تخفيف أحمال بحيث ميكونش المكيف عبأ عالموتور في الحته دي المكيف بياخد اوردر انه يفصل .
والله أعلم

**ahmed** · 01-04-2015 03:42 AM

شوف حاجه اسمها كنترول بلف بيتغير ..تكييف الافيو كان بيعمل معايا كده اكون ماشي ع الطوالي الاقي الهوا طالع منه سخن ومرطب بعد ما كان ساقع افصل التكييف 10 دقايق واشغله تاني يشتغل كويس لحد ما جه ف مرة مابقاش يطلع هوا ساقع خالص رحت كشفت غيرت الكنترول بلف ده

**mohamedshosha** · 01-04-2015 07:30 AM

تحياتي أنا فعلا مش هغير كمبروسر لكن هشيك ع الكنترول بلف لاني باعتقد أن فيه سبب بيخلي الكمبروسر يفصل والسياره ماشيه علي سرعات ربنا يسهل .

**mohamedshosha** · 01-04-2015 09:50 PM

حد يفسر لي ان ٣ فتحات تكييف تجيب تبريد تلاجه وواحده فجأه تجيب هوا ساخن وطبعا أثر علي تبريد الجو داخل السياره

**mohamedshosha** · 12-06-2017 01:29 PM

العربيه موديل 2009 الابواب انا مغير الجلد اللى لافف حوالين الابواب ومفيش تسريب من الابواب لكن نفس التكييف الهوا الخارج منه وانت فى اشاره او على السلانسيه مفيش تبريد لو جريت على سرعه عاليه التبريد فوق الممتاز ورحت غسلت السربنتينه بالمياه وزدت مية الرادياتير ولسه شاحن فريون من شهرين عند عشم نوار.

**mohamedshosha** · 12-06-2017 01:32 PM

الفنى اللى فى عشم نوار ورشة التكييف لما شحن الكمبروسور قال لى انه ضعيف مصدقتوش ليه لان كان وقتها مفيش مشاكل وانت واقف التبريد تلاجه ماشى برضه تلاجه . لما الحر زاد ظهرت المشكله دى !!!!