افيدونى بسبب نقص الزيت

**Phantom2008** · 30-03-2015 01:17 PM

عربيتى تويوتا ٢٠٠٦ خليجى
بعانى من مشكله نقص الزيت ... انا ماشى بيه لحد الان ١٣٠٠ كيلوا ونقص عن العلامه التانيه بمقدار التلت تقريبا هل ده طبيعى ؟؟
الزيت mobil xhb
كشفت على ضغط المحرك تمام التمام وزى الفل
مغير قريب جوان غطا التكيهات عشان كان ف ترشيح بس بعد كده تمام
مفيش اى بقع زيت على الارض
تنصحونى بايه ؟؟ اغير نوع الزيت اللى بستخدمه ؟ ولو هغير هغير لاى نوع ؟
وليا سؤال اخير كنت قريب عند المكانيكى وقالى ان المكنه 1800 مش 1600 وقال ان الخليجى بيكون كده ايه صحه الكلام ده وازاى اقدر اعرف بالظبط هى كام سى سى ؟ وهل ده يفرق ف نوع الزيت المستخدم ؟

ولكم جزيل الشكر وارجو الرد

**Abo_Mazen** · 30-03-2015 04:08 PM

هي العربيه دي إيه الزيت بتاعها ..يعني من خلال الكتالوج بتاعها هتلاقي في لزوجه المصنع قايلك عليها عشان تستخدمها ..إيه هي اللزوجه دي ..تاني حاجه ..في دخنه بتطلع معاك من الشكمان ..وخصوصا مع الحرق ..وبعدين حضرتك كشفت على كبس المحرك فين ....فيه تسريب عند حضرتك من جنب الفلتر ..أو من عند الطبه ..مثلا ..

**Phantom2008** · 30-03-2015 05:54 PM

للاسف معيش الكتالوج عشان اعرف الزيت المناسب فبستخدم اللى بيستخدمه كل الناس mobil xhb
وبعدين مفيش دخان نهائى ... وكشفت ع كبس زى ما قلت عند ميكانيكى عنده جهاز .. اما الطبه مشفتهاش ومجتش ف بالى عشان مفيش بقع زيت ع الارض والفلتر مغيره قريب

**Phantom2008** · 30-03-2015 05:59 PM

ماشى بيه لحد الان ١٣٠٠ كيلوا ونقص عن العلامه التانيه بمقدار التلت تقريبا هل ده طبيعى ؟؟ ده اهم سؤال لان قريت اكتر من مره ان طبيعى يقل مع الاستخدام بس متقلش بمقدار قد ايه .... ولو افترضنا الطبه بتنقط بسيط مع انى اشك عشان مفيش نقط ع الارض هل ينقص ده كله ؟؟!!

**Phantom2008** · 30-03-2015 11:49 PM

مطنشنى ليا يا جدعاااااااان

**Abo_Mazen** · 31-03-2015 08:42 AM

المشاركة الأصلية كتبت بواسطة phantom2008

مطنشنى ليا يا جدعاااااااان

يا سيدي مش مطنشينك ولا حاجه ..إنت بس اللي مستعجل ..عايز الردود ورا بعضها ورا بعضها ..حضرتك هنا مش في الفيس بوك بتكتب تعليق وواحد يرد عليك في وقتها ...في ناس ممكن ما تدخلش على الموقع باليومين والتلاته عشان ظروف عندهم

المهم ..حكاية إنك تعرف الزيت المنصوح بيه من المصنع مهمه جدا في حالة حضرتك دي ..وخصوصا إنك بتقول إن كبس المحرك تمام ..ومفيش تسريب ..ومفيش دخنه ...يبقى الزيت بيروح فين ؟؟...أكيد المكنه بتاكله بنسبة بسيطه ومش ظاهره عشان اللزوجه بتاعته فيها مشكله ..ممكن تعرف المعلومة من التوكيل ..بتاعة اللزوجه اللي بينصح بيها للمحرك ..ممكن تعرفها من حد يكون معاه نفس الموديل ..ممكن تسأل في التوكيل العربيه اللي معاك دي بيتحطلها زيت نوعه إيه ..أهو برضه التوكيل مهما إستخدم في ماركات وأسماء تجاريه إلا إنه برضه ما يقدرش يخرج عن مستوى اللزوجه المنصوح بيه من المصنع ..

**borio1704** · 01-04-2015 02:06 AM

لو حالة الموتور كويسة.. يبقى احتمال كبير يكون الزيت غير مناسب.

واحتمال كمان إن ثرموستات الكوعة يكون متشال من عندك وده بيأثر كمان على استهلاك الزيت.

وزي ما قاللك أخونا m_m_sh_a ... لازم تعرف نوع الزيت المناسب من الكتالوج.. مش من حد تاني.

فيه معلومات عن أسباب استهلاك الزيت في الموضوع ده:
http://www.nilemotors.net/Nile/418186-a.html

أما بالنسبة للموتور إذا كان 1800 ولا 1600.. فالخليجي فيه منه 1600 و 1800 فعلا... والكورولا الـ2015 فيه منها دلوقتي 1600 و 200 cc... ده غير إن في فرق في سعر العربية.. لإن جمرك الـ1800 أعلى بكتيير من جمرك الـ1600.

عموما .. تقدر حضرتك تفتح الكبوت وتصور الموتور وتحط الصورة دي في قسم تويوتا في المنتدى هنا.. وأكيد أخوانا هنا هيساعدوك.

...

**volociximab** · 02-04-2015 05:38 PM

نقص الزيت مشكلة مشهورة فى تويوتا من شكل 2003 و فوق
و يقولون الاتوماتيك لا ينقص زيت
راجع اقوال الخلايجة فى مواقعهم عن تويوتا الشكل ما بعد 2002
و مع ذلك يعتبرون شكل 2003-2006 اخر زمن تويوتا الجميل
هذا كلام بعضهم

يالغالي اذا موترك ينقص تحت الف كيلو شيك عليه يمكن تهريب او شنابر او بلوف

اذا على 5000 نص علبه هذا طبيعي

**Phantom2008** · 06-04-2015 06:25 AM

شكرا للردود

الموضوع: افيدونى بسبب نقص الزيت

LinkBack

أدوات الموضوع

عرض

افيدونى بسبب نقص الزيت - انشر الموضوع فى :

-

-

-

المواضيع المتشابهه

رائحه بنزين فى الزيت افيدونى

الحقوووونى بقة كده كتير قلبى هيقف بسبب الزيت

كارتيرة الزيت اتشرخت افيدونى

صوت تكتكة واطي اوي .. هل ده بسبب الزيت ؟

كم واحد موتور عربيته باظ بسبب المياه على الزيت؟؟؟

الكلمات الدلالية لهذا الموضوع

المفضلات

المفضلات

ضوابط المشاركة