حاجه غريبه العربيه حرارتها أصبحت كويسه بعد فك ثرموستات الكوع

**محمدقناوى** · 31-03-2015 12:20 AM

من كام يوم وانا راجع بالعربيه بليل لاقيت الحرارة عليت عند النص او فوق بحاجه بسيطه المهم نزلت لاقيت العربيه ناقصه مايه زودت مايه واكتشفت ان الردياتير بيجيب مايه من تحت العربيه المهم مشيت بالعربيه وكل شويه اركن وازود مايه وعنيه على الحرارة اول ما تزيد اركن تانى لحد ما وصلت البيت تانى يوم روحت صلحت الردياتير وقلت المشكله اتحلت يادوب مشيت 500 متر الحرارة عليت نزلت افتح اشوف فى ايه وانا بفتح غطا الردياتير لاقيت مياة خرجت من الغطا وهى سخنه جدا مع العلم ان المروحه ما كنتش شغاله واول ما فتحت الغطا والمياة خرجت المروحه اشتغلت والحرارة نزلت للتلت روحت للميكانيكى فتح غطا الردياتير وزود مايهلاقى فقاقيع مايه بسيطه قالى دة جوان بس لسه فى اوله المهم روحت مشوار لوسط البلد ولما وصلت قولت افتح ابص على العربيه لاقيت مايه ناحيه كوع الثرموستات فكيتها وشيلت ثرموستات الكوع ( لاغيته) ومن بعدها العربيه حرارتها كويسه جدا وماشى بالعربيه طبيعى وبجرى بيها من غير اى مشكله السوال ايه هو االلى كان بيخلى الحرارة تعلى وليه الميكانيكى قالى انه جوان وموضوع فقاعات الهوا اللى خرجت من الردياتير مع العلم ان المايه عندى بتنقص وبزودها كل يوم حوالى كوبيتين تلاته مع العلم ان القربه عندى مش شغاله ارجو الافادة واسف على الاطاله

تم تعديل العنوان ليتناسب مع المحتوى
م ب 3

**shake** · 31-03-2015 12:55 AM

متابع
يارب حد يفيدك

**محمدقناوى** · 31-03-2015 01:43 AM

المشاركة الأصلية كتبت بواسطة shake

متابع
يارب حد يفيدك

يارب

**aymanshebl** · 31-03-2015 08:29 AM

متابع

**Abo_Mazen** · 31-03-2015 09:10 AM

أكيد أكيد ثرموستات الكوع كانت قافشه ..يعني معلقة ..يعني مش بتفتح للآخر ..والدليل على كده إن العربيه كانت سخنه ..وأول لما فتحت غطا الريداتير الحرارة نزلت والمروحه إشتغلت ..ليه بقى ؟؟؟..لإن الثرموستات لما كانت قافشه كانت مش مخليه المياه تعدي وكانت محبوسه ورافعه معاك درجة الحرارة ..بس في نفس الوقت مكانتش المياه واصله لثرموستات المروحه أو حساس المروحه أو الحساس اللي بيخلي المروحه تشتغل ..ولما فتحت الغطا ..سرعت دورة المياه وسمحت للمياه السخنه إنها تخرج ويدخل مياه غيرها بارده من الريداتير ..لإن واضح إن الثرموستات مكانتش قافله قفل كامل ..دي كانت مواربه فكانت مبطئه دورة المياه ..المهم ..بما إنك شيلت الثرموستات وده غلط لإن المفروض الثرموستات ما يتشالش ولو شيلناه عشان بايظ يبقى نركب واحد جديد ..فدي فرصه إنك تعمل إختبار صغير كده عشان تعرف العربيه فيها جوان وش سلندر بايظ ولا لأ ..طبعا الحمدلله كده مبدئيا مفيش زيت على المياه ولا فيه مياه على الزيت ..يبقى باقي حاجه واحده بس ..نتأكد إن كبس المحرك مش داخل على دورة التبريد ..إزاي ؟؟هقولك أنا ..تخلي العربيه بارده ..يعني تكون بايته من قبلها بيوم وهي بارده تماما ..وبعدين تقوم مزود الريداتير مياه لآخره ..يعني تخلي المياه كده واقفه على الفوهه ..وبعدين تقوم مدور العربيه والريداتير مفتوح والمياه كده على فوهة الريداتير ..لو لقيت المياه نطت لفوق مع دوارة العربيه ..يبقى كده في كبس من المحرك على دورة التبريد عندك ..لو ملقتش حاجه حصلت ولقيت المياه بتتحرك تقليب عادي ..يبقى كده مفيش حاجه ..وتجيب ثرموستات جديد أصليييييي..وبلاش إستمعال ..الثرموستات ده ما يتجابش إستعمال ..تجيبه جديد ..وتركبه ..وكأن شيئا لم يكن

**محمدقناوى** · 31-03-2015 11:38 PM

المشاركة الأصلية كتبت بواسطة m_m_sh_a

أكيد أكيد ثرموستات الكوع كانت قافشه ..يعني معلقة ..يعني مش بتفتح للآخر ..والدليل على كده إن العربيه كانت سخنه ..وأول لما فتحت غطا الريداتير الحرارة نزلت والمروحه إشتغلت ..ليه بقى ؟؟؟..لإن الثرموستات لما كانت قافشه كانت مش مخليه المياه تعدي وكانت محبوسه ورافعه معاك درجة الحرارة ..بس في نفس الوقت مكانتش المياه واصله لثرموستات المروحه أو حساس المروحه أو الحساس اللي بيخلي المروحه تشتغل ..ولما فتحت الغطا ..سرعت دورة المياه وسمحت للمياه السخنه إنها تخرج ويدخل مياه غيرها بارده من الريداتير ..لإن واضح إن الثرموستات مكانتش قافله قفل كامل ..دي كانت مواربه فكانت مبطئه دورة المياه ..المهم ..بما إنك شيلت الثرموستات وده غلط لإن المفروض الثرموستات ما يتشالش ولو شيلناه عشان بايظ يبقى نركب واحد جديد ..فدي فرصه إنك تعمل إختبار صغير كده عشان تعرف العربيه فيها جوان وش سلندر بايظ ولا لأ ..طبعا الحمدلله كده مبدئيا مفيش زيت على المياه ولا فيه مياه على الزيت ..يبقى باقي حاجه واحده بس ..نتأكد إن كبس المحرك مش داخل على دورة التبريد ..إزاي ؟؟هقولك أنا ..تخلي العربيه بارده ..يعني تكون بايته من قبلها بيوم وهي بارده تماما ..وبعدين تقوم مزود الريداتير مياه لآخره ..يعني تخلي المياه كده واقفه على الفوهه ..وبعدين تقوم مدور العربيه والريداتير مفتوح والمياه كده على فوهة الريداتير ..لو لقيت المياه نطت لفوق مع دوارة العربيه ..يبقى كده في كبس من المحرك على دورة التبريد عندك ..لو ملقتش حاجه حصلت ولقيت المياه بتتحرك تقليب عادي ..يبقى كده مفيش حاجه ..وتجيب ثرموستات جديد أصليييييي..وبلاش إستمعال ..الثرموستات ده ما يتجابش إستعمال ..تجيبه جديد ..وتركبه ..وكأن شيئا لم يكن

**amr_naser** · 06-04-2015 01:19 PM

الكلام دا مية مية
الثرموستات لما يفتح يبقى كأنة مش موجود اساسا
وبالتالى طالما حصل تغير فى الحررارة يبقى القديم كان بايظ
نصيحة
تركب ثرموستات
وتجيب الاصلى حتى لو غالى حترتاح والمكنة ترتاح