العربيه بتبرجل على السلانسيه

**محمدقناوى** · 04-04-2015 07:46 AM

العربيه بتدور كويس وبمشى بيها بس ساعات لما اقف بحس انها ها تبطل منى فا كنت بدوس سنه بنزين بتظبط المهم جيت فى يوم عليت السلانسيه العربيه بقت كويسه ومشيت عليها كدة كام يوم بس كنت ملاحظ ان صوت الموتور عالى فرجعت وطيت السلانسيه تانى ورجعت المشكله فهل المشكله ان السلانسيه عايز يعلى وله ايه السبب ولو عليت السلانسيه فيه غلط على الموتور يعنى ممكن يسبب سخونه او حاجه ارجو الافادة وشكرا

**hazemawad** · 04-04-2015 09:05 AM

فى العربيات الكاربيراتير فى الغالب بيبقى تسريب فى الهواء زياده داخل الى غرف الحريق وده ممكن ناتج عن العديد من الاسباب : عدم احكام فى مسار الهواء سواء من الجوانات بين الكاربيراتير والقواعد او المنايفولد او بين المانيفولد والوش.
اما فى الرشاشات فمن الممكن ان تكون البرجله على السلانسيه من اتساخ على حساسات الاير ماس او البوابه او الاكسوجين او انسداد جزئى فى احد فوانى الرشاشات
مع مراعات نظافة البوجيهات فى كلتا الحالتين وثبات اتساع الثغرات فى البوجيهات .
والله اعلم......
دمتم بخير

**SAMEH_FOUAD** · 04-04-2015 02:22 PM

هل المحرك كربراتير ام انجيكشن ؟؟؟

لو كربرايتر , نظفة عند واحد فاهم وحط تحتيها 100 خط

لو انجيكشن , بتقوم بتنظيف الايدل والثروتل بودى

**محمدقناوى** · 05-04-2015 01:04 AM

شكرا لكل الناس اللى اهتمت بالموضوع وردت عليه وفعلا العربيه كربراتير واسف انى ما كتبتش دة فى بدايه الموضوع وعلى فكرة انا فكيت الكربراتير ونضفته عند ابراهيم بتاع الكربراتير اللى فى شارع شبرا والكلام دة كان فى شهر 9 وياريت حد يفدنى لو عليت السلانسيه فيه مشكله وله لا

**hazemawad** · 05-04-2015 06:15 AM

بدون ما تضحك على اللى هاقوله لك:
هات خرطوم بنزين شفاف او اى خرطوم رفيع بطول مناسب وخللى طرف فى ودنك وطرف لف بيه على اجزاء الكاربيراتير والاجزاء اللى بتتجمع بمسمار وعلى اتصال الكاربيراتير بالقاعده وبين القاعده و المانيوفولد وبين المانيوفولد والوش .... لو لاقيت صوت تنفيس بيقى هو ده السبب
طب لو ملاقيتش ؟
يبقى سعادتك محتاج تنظف الكاربيراتير وده اسهل منه مافيش و ب 20 جنيه واكيد انت عارفه : علبة منظف الكابيراتيرات الامريكانى و طريقة استخدامها انك تفك العمه وتدور المحرك وتزود حاجه بسيطه وترج العلبه وترش رش متقطع جوه فتحه الكاربيراتير وتسيب المحرك داير 10 ثوانى وترش تانى مع رفع سرعة المحرك رشا متقطعا وتكرر لمده تلات مرات و توجه الماسوره الرفيعه اللى مع العلبه على فتحة العوامه وترش جامد وتزود السرعه تلات اربع مرات...
وبعد كده ان شاء الله هتلاقى الماتور ظبط و لو السلانسيه اللى انت رفعته بس هو اللى انت عملته فى الكاربيراتير هاتلاقى المحرك اترفعت سرعته فتهدى المحرك الى سرعته العاديه من نفس المسمار اللى انت زودت منه فى الاول
ودمتم فى خير......