الموضوع: تسقيط موتور للبيجو504

أنا شفت كذا عربية استيشن فيها موتور Toyota
بس ماعرفش أكتر من كده لأني ما سألتش :)

2l بتاع التويوتا

الاخ ميزوووو ممكن توضح اكتر لو سمحت

المشاركة الأصلية كتبت بواسطة upnemo

فعلا بيركبلها موتور تويوتا بس للأسف الموضوع ده اتلغي
يعني عايز تسقط موتور للبيجو لازم يكون الموتور الجديد من ماركه بيجو ولا يشترط الموديل بس شرط تكون ماركه بيجو زيها
لأن المرور منع الموضوع ده من زمااااااااااااااااااااااا ااااااااااااااااااااااااا اااااااان

ده على اعتبار أنه سهل تجيب موتور بيجو 504. لا حقيقي الناس دي بتتعب عشان تريح المواطن
أنا عملت عمرة موتور كلفتني 3000 و سألت الميكانيكي على الموتور الاستيراد قال لي ممكن يعمل 8000 غير الحاجات اللي هتتغير فيه من طقم شنبر و كاتينة على الأقل و الله أعلم بحالته.
طيب يا عالم في مواتير تانية متوفرة و سهلة يعني لازم يخنقوا علينا

طيب ايه البدائل القانونية في الحالة دي ، يعني مواتير بيجو تكون سهلة و حاجتها موجودة و سعرها مناسب؟

احسن موتور جاز ممكن يتسقط فى اى عربية سواء بيجو او مازدا او تويوتا بنزين من العربيات القديمة هو موتور ال تو ال بتاع تويوتا
بالنسبة للناحية القانونية من ترخيص و خلافه ما عنديش فكرة عنها
هو فيه حاجة مهمة , انت عايز تسقط موتور ليه
1- توفير فى سعر الوقود - طيب بنزين 80 ارخص من السولار
2- عزم اشد - هو الموتور الجاز هيكون عزمه شديد بس تجميع بطىء و بعدين عزم موتور البيجو ممتاز

هو فيه كذا سبب ابعتلنا سببك فى تغيير الموتور يمكن حد يشور عليك بحاجة احسن
حاجة اخيرة هو انت فكرت فى التحويل للغاز؟؟
مع العلم ان الغاز ممتاز بالذات مع البيجو بشهادة التاكسجية

اسف على التاخير فى الرد لظروف عملى و مواعيدى الملخبطة

بصراحة ياميزو متشكر كتير على ردك واهتمامك
اسبابى هيا كل اللى انتا ذكرتهااا انا بصراحة فى شغلى بتعامل مع عربيات بيك اب كتير وبصراحة معجب جدااا بمواتير الديزل الحديثة عزم وقوة شديدة +تحملها الشديد للظروف الصعبة ومابتحتاجش صيانة كتيربصراحة يعتمد عليهاااا
+ طبعااا رخص تمن الديزل
فنفسى طبعااا فى عربية ملاكى بقوة الديزل
وطبعااا الديزل منجحش كملاكى عندنا فى مصر بسبب الفكرة السيئة القديمة عن الديزل
مع انى متأكد ان الناس لو جربت مواتير الديزل بصحيح مش هتقدر تركب الا ديزل
فكانت الفكرة دى
خالص تحياتى ميزووووو باشا

لو انت بتفكر فى رخص تمن السولار طيب ماهو انت بتتكلم عن 504 يعنى اصلا موتورها شغال بنزين 80 زى الفل بدون مشاكل و ال80 ارخص من السولار و لو حولت غاز يبقى المتر ب 45 قرش و متر الغاز بيعمل كيلو متر 1.1 من اللى بيعمله معاك لتر البنزين يعنى تمون بكلام فاضى خالص

فيه حاجة مهمة انك لما تجيب موتور استيراد بيتهيالى صعب اوى انك تلاقى موتور قريب فى الموديل يعنى هيكون تسعينات و ده اللى شفته متسقط فى بيجو و مازدا و غيرها و بيبقى تكنولوجيته قديمة مش زى العربيات اللى بتركبها فى الشغل اللى اكيد موديلاتها قريبة اوى و ده معناه الصوت العالى و ممكن ما يمتعكش فى السحب زى اللى انت متصوره

غير ان تمنه ممكن يخش فى 10 الاف جنيه غير النثريات و المصنعيات

على فكرة مواتير السولار قوة تحملها اعلى كتير من البنزين و ممتازة فى الجرى مسافات طويلة و كل ما تسخن كل ما تشتغل اكتر و فيه مواتير منها مالهاش صوت خالص زى بتاع الميكروباص التويوتا 2007 ما تسمعش غير صوت شفط الهوا من الجنب اللى التربو تشارجر بيسحبه و لو شفت العربيات الحديثة كلها هتلاقى ملهاش عادم خالص و انا موافقك فى اى ميزات تقولها عن الديزل

على العموم انا لو عايز رايى هو طبعا الموتور هيبقى جامد و حلو
بس الفكرة مش اقتصادية خالص للتكلفة العالية و كمان موتورك القديم لو بعته بياخدوه خردة غير ان ال 504 اصلا سعرها نزل فى الارض و ما تستاهلش انك تصرف عليها مبلغ ضخم زى ده ممكن يقرب من نص تمنها

طبعا ده رايى و فى الاخر هى عربيتك و ربنا يباركلك فيها