الموضوع: متطلبات , نصائح ماقبل السفر لأمريكا

المشاركة الأصلية كتبت بواسطة marsguy

السلام عليكم ورحمة الله وبركاته،،،

حضرتك وانت على الطياره المتجهه إلى أمريكا بيوزعوا عليكي إستماره عشان تكتبي فيها عن الحاجات اللي معاكي.

الإستماره في الرابط ده: us customs form

ما تحاوليش تاخدي معاكي أكل غير معلب عشان كتير مش بيعدوه من المطار. وما تحاوليش تكدبي في الإستماره وتقولي إن مش معاكي أكل مثلاً.

انا أخر مره كان معايا عيش بلدي وفاكهه وعجينة طعميه :) كل حاجه عدت ما عدا الفاكهه عشان كانت مستويه. ومستحيل يدخلوا لب بغض النظر عن نوعه.

نصيحه طبيه. إحنا عندنا في المنطقه العربيه عموماً بنسرف في إستخدام المضادات الحيويه وده مش صح. بره ما حدش بياخد مضاد حيوي إلا في الشديد القوي. عشان كده أنصحك لو لا قدر الله حد تعب وديه لدكتور وبلاش تديله مضاد حيوي من نفسك.

دكاترة السنان غاليين جداً .. حاولي تظبطي سنانك قبل السفر

شكراً

حليب بودرة معلب ينفع اعدي معايا كمية يعني تكفيني 3 شهور ؟


عارفة مضار المضادات الحيوية مش بديها كتير الا لو التهاب بكتيري بس كنت عايزه اطمن انه لو جالها بسبب تغير الجو يكون عندي ادويتها وخصوصا في الفترة الاولى على الاقل لحد ما اعرف نظام الكشف والعلاج

حتى لو علبتين بس بلاش عشرة -_-

شكرا لحضرتك على الافاده

المشاركة الأصلية كتبت بواسطة marsguy

أنا شخصياً أفضل الترانزيت. باتخنق جداً لما أركب طياره واحده 10 ولا 11 ساعه.

ده غير إن مطار فرانكفورت متعه والسوق الحره فيه رائعه

المشكله لما يكون عندك طفل هتتعب في السفر ف الرحله لما بتبقى مره وحده ياخدها نوم وخلاص او ترانزيت فيه فندق يرتاح فيه غير كدا بيتهئلي هيكون متعب للطفل

المشاركة الأصلية كتبت بواسطة ahmed_eng2001

تروحى و ترجعى بالسلامة ان شاء الله

الادوية غالية فى امريكا ... و كمان الاطباء خارج التأمين الصحى ... و صعب تحصلى على دواء من غير روشتة
نيويورك ... بيسموها عاصمة العالم .... مدينة فيها كل الاجناس و الشعوب ... و سهل تجدى فيها الى انت عايزاه

مطار فرانكفورت جيد جدا و فيه مطاعم و محلات صغيرة و صالة لاونج .. و ساعتين ترانزيت مش كتير .... يادوب حضرتك تغيرى الصالة و تروحى الجيت الى حتطلع منها رحلة المغادرة ... و ممكن حضرتك تشترى حاجات من المحلات بسرعة
الاطفال بيعتبروا الترانزيت فرصة للعب و لتغيير ملل الجلوس فى الطائرة

الادوية اكبر مشكله خصوصا اول فترة دي اللي هتكون صعبة بس جسم الطفل بيتأقلم بسرعه

انا هاخد ادويه الموضوع يستحق المغامرة ولو اخدوهم اكون حاولت مش هخسر حاجه

شكرا لحضرتك على المشاركة المفيده

المشاركة الأصلية كتبت بواسطة إنسانة

الادوية اكبر مشكله خصوصا اول فترة دي اللي هتكون صعبة بس جسم الطفل بيتأقلم بسرعه

انا هاخد ادويه الموضوع يستحق المغامرة ولو اخدوهم اكون حاولت مش هخسر حاجه

شكرا لحضرتك على المشاركة المفيده

العفو يا فندم ...
جسم الطفل حيتعود على الادوية ببساطة ... و حتجدى فرق ملحوظ فى الجودة ... مقدرش اقول لحضرتك تاخدى ادوية او لأ ... لأنى مش عارف اخبارهم فى الجمارك ايه اليومين دول

الاطفال فى السفر حيحاولوا يستمتعوا و يلعبوا فى كل الاوقات كعادتهم ....

لو مع حضرتك لعبة صغيرة الطفل ممكن يلعب بيها لفترة .. خديها معاك فى الطائرة ... ممكن تخلى معاكى كراسة تلوين و الوان مثلا

فى المطار ... ممكن حضرتك تدخلى اللونج ... مريح و اكلات خفيفة .. و اللونج فى مطار فرانكفورت كويس جدا
حضرتك اكيد مسافرة على لوفتهانزا .... ممكن تسأليهم فى مكتب الحجز انك تدخلى اللونج ... اعتقد بتدفعى فلوس زيادة شوية ... او على حسب نوع تذكرة حضرتك

المشاركة الأصلية كتبت بواسطة naser_56

في معلومه سمعتها من احد الاصدقاء بخصوص البرامج المكركه سواء في تليفون او علي كمبيوتر لو شافوها في مشكله كبيره وحقوق ملكيه ومشاكل انتي في غني عنها لذلك وجب التنويه

لقيت تنبيه فعلا كويس انك قلتلي شكرا بجد

يبقى هسيب اللاب في جدة هو والموبايل وهاخد موبايل من البسيط

لان عليهم كل تحضيري للمؤتمر

انا هركب بعد ساعات لجدة مفيش وقت خلاص

ياريت الفندق يقبل يحطهم في الامانات

كل الشكر لحضرتك

فيه سوفتوير اداءه مميز جدا وحبيت اكتب عنه للفائدة

https://www.literatureandlatte.com/s...s&platform=mac





لو عندك مشروع بحث , دراسة , بتألف كتاب السوفتوير دا بيساعدك على تنظيم افكارك وتجهيزيها للنشر

بس اتحفظ بنسخة من كل شغلك لان بعد 30 يوم كل حاجه هتتمسح لانه مجاني 30 يوم بس