ايه هي المشاريع الناجحه في البلد دي الايام دي

**elpilot** · 04-04-2015 03:55 PM

المشاركة الأصلية كتبت بواسطة باسم يوسف

حضرتك متجوز و لا لأ ؟؟؟

تسافر فين ؟؟؟ نتناقش فيها

تشتغل ايه هناك ؟؟؟ نفس شغلك هنا

معاك شهاده علميه مميزه ؟؟؟

البلد دي مش بلدنا من زمان

و صدقني لو رميت فلوس في مشروع هتزعل عليها

لان الله اعلم الحال هيتصلح امتي ده اصلا لو في نيه انه يتصلح

الحمد لله متجوز ومعايا بنت سنتين ونص وولد 4شهور
السفر انا حابة جدا بس مضطر افضل هنا عشان زوجتي واولادي وكمان عشان والدتي واخواتي وعماتي لان والدي متوفي ومليش اعمام وعماتي علي قد حالهم ويعتبر انا العائل الوحيد لكل الناس دي ومطلوب مني اخلصلهم كل مصالحهم هنا
هل لو سافرت هلاقي اصلا شغل It وشبكات اكيد اي دولة دلوقتي عندها اللي يكفيها وذياده وفيه ناس مبتفرقش معاها وبيشتغلوا باقل مرتب المشكله اني اتعودت علي مستوي معيشة معين ومصاريف معينه ومش قادر اقللها خالص
بالنسبة للشهادات معايا بكالريوس حاسبات ومعلومات ومعايا كورس java web وكورسات صيانة وشوية شهادات تنميه بشرية وبالنسبه للخبرة عندي خبرة 10سنين في مجال الشبكات وصيانة الكومبيوتر والIT بوجه عام
كنت فكر اعمل دبلومة واعمل ماجستير بس الدنيا واقفه بقالها مده ونفسيتي تعبت ومش هعرف ادرس ولا ذاكر حاليا
العملية تحتاج الي معجزة فعلا وربنا قادر علي كل شئ

**elpilot** · 04-04-2015 03:56 PM

المشاركة الأصلية كتبت بواسطة amr011111

أحسن مشروع فى مصر مطاعم الاكل بس علشان تبدأ صح يبقى تاخد محل ايجار جديد فى منطقع عامره وفيها شركات كتير زى الدقى او المهندسين او مصر الجديده او مدينة نصر المحل طبعأ إيجار هيبقى غالى بس إن شاء الله هيجيب تمنه بس اهم حاجه ان انت تبقى واقف على المشروع بنفسك وتبقى متميز فى عمل الاكل كسعر وجوده وطبعاً هتجيب حد بيعمل اكل كويس وتتعلم منه علشان وقت الزنقه متبقاش تحت رحمته
وبالتوفيق

هو مشروع جميل بس انا عايز اعمل مشروع انمي فيه خبرتي واكون فيه مهندس زي مانا مش هروح افتح مطعم وابقي معلم مع احترامي للمعلمين بس انا عايز اعمل حاجه تفيد الناس وتفيدني

**elpilot** · 04-04-2015 04:00 PM

المشاركة الأصلية كتبت بواسطة amoor89

ممكن مشروع حضانة اطفال بمستوى كويس عن نفسى بدأت فيه وبجهز المكان حاليا
فى رأيى الشخصى ده مشروع بعيد عن حالة السوق شوية لان الناس مش هتبطل تخلف ولا تعلم ولادها
مع العلم انى كنت فى مجال الكومبيوتر والصيانة وسبته عشان الحال واقف مع كل الناس

مشروع جميل جدا بس بيحتاج اوراق كتير ورشاوي تتدفع كتير عشان تخلص الورق وكمان مسئوليه كبيرة تبقي مسئول عن اطفال وكمان دي عايزة حد تربوي ومتخصص عشان يفهم في المجال ده مش اي حد يقدر يفهمه الا لو كان دارس ومتخصص دي مسئولية كبيرة وكمان عايزة راس مال كبير جدا يعدي النص مليون الايام دي

**elpilot** · 04-04-2015 04:14 PM

والله يا جماعه ان العين لتدمع علي الحال اللي وصلنالة
بس هنقول ايه الحمد لله

**Astro BoY** · 04-04-2015 04:45 PM

طب اية سبب الركوض دة ؟ الناس بطلت تشترى او تصلح حاجتها ؟

**elpilot** · 04-04-2015 05:29 PM

المشاركة الأصلية كتبت بواسطة astro boy

طب اية سبب الركوض دة ؟ الناس بطلت تشترى او تصلح حاجتها ؟

تقريبا كده الناس معدش معاها فلوس او الفلوس معدش ليها قيمة فيقولك اصلح جهازي او اشتري جهاز جديد ولا أأكل عيالي وبيستقر علي انه يأكل عياله طبعا عشان كده فيه ركود رهيب

الموضوع: ايه هي المشاريع الناجحه في البلد دي الايام دي

LinkBack

أدوات الموضوع

عرض

المواضيع المتشابهه

ليه مفيش قسم عن المشاريع التجارية ؟ عموماً

ماهي افضل طرق الربح او المشاريع المربحة على الانترنت .....

الأسكندرانيه: المشاريع السكنيه في سموحه

مصر واهانة المواطن على جميع المستويات انا عايز اطفش من البلد دى البلد دى مش بتاعتنا

الكلمات الدلالية لهذا الموضوع

المفضلات

المفضلات

ضوابط المشاركة