الموضوع: شركة غبور اوتو تستعد لطرح طراز جيلى ايمجراند 7 أتوماتيك "

المشاركة الأصلية كتبت بواسطة mif

المهم نفهم يعني ايه تجميع ؟


* مقارنة وزن السيارة بالسعة اللترية مش مقياس لتجميع السيارة
* لان فى سيارات وزنها زى الايمجراند و اكتر و فيها محركات اقل فى السعة اللترية عندك مثلا الباسات وزنها اكبر من 1.4 طن و مكنتها 1.4

و عندك مثلا فورد فيستا وزنها اكبر من 1.1 طن و بمحرك 1.0 ايكوبوست 123 hp و اكيد تجمعها مش حتبقى بطة بلدي

الوزن مش عائق بل احيانا مصدر اتزان و ثبات
لو كنت اتكلمت عن العزم كنا قلنا ماشي او الهورس باور شغال لكن نتكلم عن السعة اللترية دا كلام مش مظبوط

طب بالمرة بأه طالما حضرتك مُتبحر في علوم الجيلي عاوزين الفرق بين العزم والتجميع عشان كلنا نستفيد....وياريت كمان سبب مقنع لضعف عزم الجيلي واللي طبعاً بيبقي حدث ولا حرج لما يكون التكيف شغال برغم وجود خاصية ال (سمارت درايف) واللي بتدي الأوامر بأيقاف تشغيل التكيف عند صعود مرتفع للأستفادة من كامل عزم المحرك لحين أجتيازه.....

حلوة الصيغة ديه ياعم الحاج؟؟؟ عشان بس ماحدش يقولي أسلوبك تهكمي

المشاركة الأصلية كتبت بواسطة ابو ياسمين

عزيزى mif

تحياتى على تحليلك العلمى الدقيق وتوضيحك هذه النقطة الهامة جدا

بارك الله فيك

تحياتي لحضرتك يا ابو ياسمين على تعليقاتك الخلوقة

و انت علشان راجل محترم شايف انه تحليل علمى رغم انه تحليل سطحي بسيط

بارك الله فيك ايضا

المشاركة الأصلية كتبت بواسطة zastaffa

طب بالمرة بأه طالما حضرتك مُتبحر في علوم الجيلي
علوم الجيلي !

عاوزين الفرق بين العزم والتجميع عشان كلنا نستفيد
طبعا نفسي افيدك و افيد كل انسان محترم فى المنتدى
فخلينا فى علوم الجيلي او ما يسمى ب علم محركات الاحتراق الداخلي (Internal combustion Engine Science)
طبعا دا شغل فزياء بحت و انا مش بحب الفزيا و لكن ممكن انقلك شوية مما فهمت

لقياس اداء اى سيارة عندنا ثلاث مصطلحات علمية
عزم الدوران (TORQUE)
القدرة الحصانية (HORSE POWER)
التسارع (ACCELERATION) او ما يسمى بالتجميع بالبلدي
1- عزم الدوران : بالبلدي كدا هى قوة الدوران اللى بتوصل للعجل .... واهم عامل فى العزم هو الفتيس

*الفتيس هو روح العزم فى المركبة و هو حلقة الوصل ما بين ما هو افتراضي و ما يحدث في الواقع

2- القدرة الحصانية : قوة المحرك .. المحرك نفسه اهم عامل ..
طبعا كل مكان له معايير فى قياس القدرة الحصانية تختلف من الامريكان للالمان لليابان .
بمعنى في قياسات للقدرةالحصانية للمحركات خارج المركبات و قياسات اخرى داخل المركبات و معايير اخري من نوعية الوقود و كمية و نوعية زيت المحرك و اخيرا اختبارات الطرق الواقعية.

* طبعا نيجي لنقطة مهمة جدا هى ان ممكن يكون عندي مكنة ممتازة و لكن فتيس بيهدر كتير من عزم الدوران فتلاقي العربية ادائها ضعيف و ابسط مثال هى سيارات السبعينات و الثمانينيات ذات السعة اللترية الكبيرة ضعيفة الاداء بسبب الفتيس

* عدد لفات المحرك RPM من اهم عوامل المؤثرة على الاداء.
و دي المعادلة

Horsepower = (Torque x RPMs) / 5252*المحرك : وحده ليس مصدر الاداء و لكنه احد اهم العناصر

من وجهة نظري مستحيل مكنة الايمجراند تكون بطلع 107 حصان و لكن دا لا يمنع ان الاداء جيد جدا

و هنا بردو الفتيس بيلعب دور مهم جدا
حتلاقي عربيات المنطقة الحمراء لعداد لفات الموتور (the red zone of rpm gauge) فيه بتكون عند 5.5 و فيه بيكون عند 9 و فيه عند 14 (و دا فى الموتوسيكلات)

دا فيديو بيوضح العلاقة [youtube]https://www.youtube.com/watch?v=3-ilzxawUAs[/youtube]












3- التسارع : هى قدرة المركبة على الانتقال من سرعة لاخرى فى زمن قياسي و قدرة كل غيار على الوصول لسرعة معينة فى زمن معين ... التسارع يتاثر بكل العوامل الداخلية و الخارجية في المركبة= التسارع

ممكن نقعد نعد العوامل دي من هنا لبكرة

....وياريت كمان سبب مقنع لضعف عزم الجيلي واللي طبعاً بيبقي حدث ولا حرج لما يكون التكيف شغال برغم وجود خاصية ال (سمارت درايف) واللي بتدي الأوامر بأيقاف تشغيل التكيف عند صعود مرتفع للأستفادة من كامل عزم المحرك لحين أجتيازه.....
انا ما كنش عندي اختلاف معاك على اداء الايمجراند انا اتكلمت ان السعة اللترية لا تعكس اداء السيارة المجمل .

من 50 سنة كان هو دا الفكر انك تزود السعة اللترية فتزيد القدرة الحصانية و العزم و التسارع و لكن دا كلام اندثر تماما .

العالم بيتجه للاقتصاد انه ممكن يعمل مكنة 1.6 بتدي نفس اداء مكنة شيفروليه 5.0 موديل 70s .

علشان كدا قلت ندور على العزم و القدرة الحصانية و RPM redline و مش الوزن .

و لو حنستخدم الوزن حنقارنه بالقدرة الحصانية بمعنى
1.3 طن _____ 107 HP
1 طن ______ 82.3 HP
و دا اسمه power to wieght ratio

سيارة واحدة فى العالم هى من حققت معادلة power to wieght ratio to 1
1:1
يعنى 1000 كجم : 1000 حصان
و هي Koenigsseg one
One:1 - Koenigsegg | Koenigsegg



حلوة الصيغة ديه ياعم الحاج؟؟؟ عشان بس ماحدش يقولي أسلوبك تهكمي

مش حلوة يا عم حاج ... يا رب اكون افدتك

المشاركة الأصلية كتبت بواسطة ابو ياسمين

سيارة واحدة فى العالم هى من حققت معادلة power to wieght ratio to 1
1:1
يعنى 1000 كجم : 1000 حصان
و هي koenigsseg one
one:1 - koenigsegg | koenigsegg








------------------------------------------------------------------------------------------------------------------------------------------------------------------------------------------

انا من عشاق هذه السوبر كار الخارقة

ولها فيلم وثائقى رائع من انتاج ناشيونال جيوغرافيك فى قسم مصانع عملاقة ارجو ان تشاهده

اشكرك اخي العزيز و ان شاء الله اشوفه

المشاركة الأصلية كتبت بواسطة ابو ياسمين

الأخ المحترم mif

لقد وصفت شرحك من قبل بأنه علمى ودقيق

وأنت قلت انه بسيط

وأقول لك ان الشخص المتمكن وحده هو الذى يستطيع شرح الحقائق العلمية المعقدة ببساطة يفهمها الجميع

وفى شرحك الأخير واصلت هذا الأسلوب البسيط والسهل على الفهم دون اخلال بالمادة العلمية

وهو اسلوب استاذ حقيقى
و لا استاذ و لا حاجة يا سيدي الفاضل .... كلامك المحترم هو اللى بيقول انك استاذ في الاسلوب الراقي

وانا لم استفيد فقط من مشاركتك الأخيرة ولكنى أيضا استمتعت بها كثيرا

واسمح لى ان احتفظ بها فى الأرشيف الخاص بى عن السيارات

مع خالص الشكر والتقدير
براحتك من غير ما تسأل