الموضوع: رينو ميجان --- لماذا رينو ميجان؟

المشاركة الأصلية كتبت بواسطة Ramy_Tantawi

تقييم رائع من شخص اروع بجد احييك عليه يا استاذ طارق .........

سؤال جانبي نفسي أسأله من زمان واحتمال افتحله موضوع منفصل ان شاء الله.

ايه شعورك بعد قرار شراء الميجان ؟ اللحظه اللي بدأت تستلم فيها عربيتك ربنا يبارك لك فيها ان شاء الله كنت قلقان ؟ هل كنت متردد وحاسس بقلق ؟؟

بيقولوا في امثالنا ( العيار اللي ميصيبش يدوش ) وماشاء الله الميجان من يوم ما نزلت وهي كل واحد يعدي عليها يديها عيارين في الهواء تحيه يعني شويه الكاوتش لازم يتستب.........على شويه من الدركسيون بيقفل وانت ماشي .......البوجيه لازم يتعرف عشان العربيه تقراه......الحاجات اللي كتبناها هنا كتير دي................إلخ

الله يبارك فيك و الله حضرتك من الشخصيات المميزه اللى بحب اقرا كلامهم
احساسى اول ماركبتها و بقت بتاعتى بالخوف قلت ياساتر و الفرامل كانت بالمسه و انا رجلى مش راضيه تتظبت
التابلوه خد قلبى معاه :) و فتحه السقف منوره العربيه و مخلياك حاسس احساس جميل و نت شايف السما
العربيه هاديه و ناعمه و تحس ان هى بتتكلم معاك مش ماشى بيها و خلاص
و اهم حاجه حاسس بأبها كده مش عارف ليه و القعده فى منتهى الجمال و ترفع الكرسى و تنزله و تعدل الدريكسيون و تظبط نفسك زى مانت عايز و المرايات الجانبيه صغيرين عن الالنترا مثلا بس حاسس انهم كفايه و مش عايز اكبر من كده - و الاولاد و حرمنا كانو قاعدين ورا مبسوطين فى براح كويس و انا راجع بالكرسى و همه مافيش مشكله و كمان كنت متخوف ان هى تبقى ضيقه عشان انا مليان بس العربيه ماشءالله واسعه و ابعادها جميله و كل مافتح الشنطه اضحك دانا ممكن اخش انام جوه :)

و طبعا كل ماشوف حد من اصحاب ابويا يقوللى عربيه حلوه بس قطع الغيار غاليه ناار طبعا اسمعه الكلام اللى شاركى باشا محفظه لينا :)

المشاركة الأصلية كتبت بواسطة د.محمود صلاح

الف مبروك واقرأ هنا فى القسم ده عن اسرار الميجان المخفية عن البعض ..
أواخر 2005 فيه دفعة نزلت بمثبت سرعة وهذا من لسان مهندس الاستقبال فى توكيل المقطم ..
نصيحة ما تفتحش الكبوت الا كل 10 الاف فى التوكيل .

الله يخليك يا دكتور و انا بس غلط و فتحت الكبود عشان اتفرج
عارف امبارح كان فيه النترا بتركب كاسيت و عده ببتاع 8000 جنيه الراجل لما فتح الكبود وانا كنت فاتح عشان حطين البلادوسه انا عرفت الفرق بجد و حسيت بنوع من الزهو الموتور عندى شيك جدا و متقفل نضيف قوى و ماتعرفش تشوف حاجه غير فتحه الزيت و التكييف و القربه بتاعه المساحات و الالنترا كانت شكلها اشبه لأى عربيه تانيه يهنى خش بقلب جامد و عك :)

و طبعا مقارنه الصالون مش فى صالح الالنترا ابدا

على فكره قربه المساحات بتشيا حوالى 4 لتر ميه

المشاركة الأصلية كتبت بواسطة Mohammed_Adel_Amin

يا باشا ألف مبروك وعقبال ميجان 2009 والا اقولك عقبال لاجونا كمان ..
أهم حاجة إنك تكون مقتنع بالعربية اللي انتا راكبها ومقتنع ان ثمنها فيها وانها من الآخر (مدلعاك) ..
فعلا دهية تسوى كثييير قوي قوي

مدلعانى يا معلم و شكرا بجد

المشاركة الأصلية كتبت بواسطة Tyler_Durden

اشتريت الميجان عشان هيا احسن عربية في الدنيا..وده مش تحيز

طب خلاص ده فعلا تحيز بس هيا عربيتي و مش مشكلة لما ابقى متحيز ليها :k5:

انا اتحيز برضه

المشاركة الأصلية كتبت بواسطة AmroSharafAldeen

ألف مبروك مقدما على البيبي ، اما بالنسبه للأطفال ، أنا عندي مش عاتقين جلد و لا حتى أسمنت ، بس ياريت تصدر فرمان بمنع الاكل فالعربيه عشان العيال سعات بيخبوا البواقي في دهاليز الفرش و شكل الواحد فمحطة البنزين و هما بينضفوها بيبقى وحش اوي.
اسمحلي اسألك عن الفرامل ن يا ترى فيها الـــ Electronic Stability Program و اللا لأ

اه يا عمرو انا اصدرت الفرمان بتاع الاكل بس تعمل ايه فى مصاصه هنا ولا هنا :)

انا رحت كعيت 3000 جنيه امبارح عشان اركب ديفيدى عشان العيال تهدى شويه وانا سايق بدل مانا طول الوقت حاسس بضغط وانا سايق

اللى قريته ان هيا فيها ESP و السبورت فيها ESP بتاع بورش و ده اعلى من اللى فى ميجان II