الموضوع: رينو ميجان --- لماذا رينو ميجان؟

ممكن تقولنا عملت الفرش فين و ياسلام لو فيه صور يبقى تمام التمام

اسلام:
هصور الفرش انهارده وانا عملته عند السجان ولو عايزين اى خدمه من هناك انا ممكن ادلكو على صاحبى اللى هناك بس اسأله الاول

تاميرا:
الفروق بين 2005 و 2006 تعتبر مافيش هى الفروق الرئيسيه فى 2007 اللى هيه اخر 2006 الفروق ان فيه رق فى شكل الفانوس من الخلف ومن قدام فيه اختلاف بسيط مش فارقه كتير و الهاى لاين فيه فرش جلد جميل و الاضاءه لونها ابيض فى التابلوه و الجنوط غيروها غير كده ممكن تعتبر ان هما نفس العربيه و فيه مثبت سرعه فى 2007

لما تشترى هات اخر موديل و اعلى موديل ممكن توصلو بالفلوس اللى معاك و اقل كيلومتر

الكشف ب 360 جنيه فى التوكيل انا العربيه كانت فى الضمان لسه هى اخر 2006 و متباعه اول 2008 فكانت لسه فى الضمان

انت نشن على البنوراما بجد جميله حدا انا مشغل التكييف على طول عشان مش بحب الدوشه بتاعه الطريق و الهوا بس الازاز اللى فى السقف بيبقى منور العربيه و مديك احساس حلو

و انا ف الخدمه لو فيه اسئله تانى

ربنا يباركلك في عربيتك
بالمناسبة موديل 2005 هو كمان فيه مثبت سرعة في موديل البانوراما

الله يبارك فيك يا وائل باشا

هممم لا يا وائل

مثبت السرعه ظهر فى بعض الموديلات اللى جت اخر 2006 و فيه جه بمثبت و الفرش الجلد و النور القديم و فيه من غير
بس 2005 مافيش خالص

ياباشا واحد زميلي في الشغل معاه 2005 بانوراما
أكدلي إن عربيته فيها مثبت سرعة !!
مين الصح بقى؟
بس هو أكدلي المعلومة ، وقال إنه دايماً بيستخدمه في السفر لأنه من بورسعيد

المشاركة الأصلية كتبت بواسطة وائل عطية

ياباشا واحد زميلي في الشغل معاه 2005 بانوراما
أكدلي إن عربيته فيها مثبت سرعة !!
مين الصح بقى؟
بس هو أكدلي المعلومة ، وقال إنه دايماً بيستخدمه في السفر لأنه من بورسعيد

mosabet el sor3a mawgood fe 2005 el 7`aligi

هو ليه الهجوم اكننا بتخانق؟ و علامات تعجب و استفهام و اكدلى :)

روق يا معلم

هو شاريها سنه كام؟

المشاركة الأصلية كتبت بواسطة human12

هو ليه الهجوم اكننا بتخانق؟ و علامات تعجب و استفهام و اكدلى :)

روق يا معلم

هو شاريها سنه كام؟

- مفيش هجوم ولا حاجة أنا بتكلم عادي .. إيه يا اسطى انت شايفني ماسك سنجة ولا حاجة ..أ هو واضح إنك انت اللي مُتحفز شوية :wacko:
- أنا مش معلم
- هو شاريها مستعمله من كام شهر واتأكدت منه تاني. (وبلاش علامات تعجب علشان ماتزعلش)

كويس
- انا مش اسطى :)