لوجان 2015 - حصر لكل عيوب التقفيل

**M_SALLAM** · 26-04-2015 07:32 PM

انا عندي مشكلة في علبة الدركسيون اهتزاز في الطارة و انا بلف الدركسيون و التوكيل بيقول هي طبيعتها كدة
و عندي عيب صناعة في الارضية هما معترفين بيه و قالولي هنغيرهالك و بقالها شهر لسة مغيروهاش
كمان الكنترول مرمي في الكابوت مش متغطي مش عارف ليه !
بينرفزني اوي كل مفتح الكابوت كمان الكابوت بتاعها خفيف جدا ممكن لو حد سند عليه يطبق والله
و مفصالات الكابوت سايبنها كدة مفوحة ملهاش غطاء و الفوانيس الخلفية مش متغطية من جوة مش عارف يعني كانوا هيخسروا ليه لو ظبطوا الكلام دة ..

**محمد الزعبلاوي** · 28-04-2015 07:31 PM

ممكن بالإضافة إلى ما سبق عندك مفصلة الكبوت واضحة خالص وهو مقفول طبعا ده يضاف لعيوب التقفيل

**egyplan** · 03-06-2015 06:30 PM

المشاركة الأصلية كتبت بواسطة corsair

وعليها علامة رينو وبعدين معانا ضمان 100 الف كيلو يوم ما يحصل حاجه بسبب الضفيرة هتوديهم ورا الشمس وحتي لو الضمان خلص بردك لو ثبت ان في مشكله في الكهرباء حدثت بسبب الضفيرة هتخربلهم الدنيا

بعد اذن حضرتك عاوز اعلق تعليق بسيط وهو ان مشكلة الضفيرة الغير محمية دى ممكن تعمل مصيبة كبيرة ممكن مع الحرارة والاستخدام المتواصل والحرارة المرتفعة داخل الكابوت تسيح بعض الاسلاك وتعمل حريقة انت مش شايف ان ده مش عامل امان هام؟ او ممكن تعطل فى طريق صحراوى ويطلع عليك بدو (مع احترامى للبدو) يقلبوك انت والعربية

وموضوع تخرب بيت التوكيل : احب اقول لحضرتك انك فى مصر مش عايش فى النمسا
يعنى مش هتعرف تعمل مع اى توكيل مش رينو فقط اى حوار ده ممكن يلبسك المصيبة ويقول انت اللى لعبت فى الضفيرة ويشيلك الليله.

وعاوز اعرف هتخرب الدينيا ازاى يعنى؟ هتقفلهم التوكيل مثلا؟